Ég skeit í deigið.... þið vitið hvað það þýðir er það ekki ?

Jæja... hablaha... 3 andvökunætur komnar í röð, þetta væri allt í lagi ef að ég væri virkur alkohólisti, en ég er óvirk. Það er eini tilgangurinn sem að ég sé með að vaka á nóttinni það er að vera í ýmiskonar neyslu. En það er líðin tíð og mín leið liggur ekki þangað einu sinni enn. Held að minn tími sé kominn þar, alla vega í þessu lífi. Maður veit aldrei hverju maður tekur upp á í því næsta.... þ.e.a.s. ef að það er til næsta líf.

Ég skeit í deigið í dag....... ég ætlaði að nota bloggið til að fá útrás, bulla, losa um og allt það, í staðinn fyrir að ergja fb vini mína (sem að ég held að fari fækkandi) en skiptir mig engu. Ég fékk smá útrás á facebook og skrifaði smá rumsu og fattaði svo að hún hefði frekar átt að lenda hérna, þannig að ég bara get örugglega tjáð mig eitthvað meira hérna. 

Ég hringdi á Lansann í dag til að sjá hvar ég stæði varðandi að hitta tauga/heilasérfræðing, þar sem að heimilislæknirinn sendi mænumyndirnar á hann og það var 4 okt...... allt of langur tími, er alveg að gefast upp á þessu helv... jæja, ég hringdi a.m.k. og hefði betur gert það fyrr, þar sem ð hann er farinn í frí til 3 nóv.... semsagt, ekkert að gerast í mínum málum næstu daga. Sem þýðir það að ég held bara áfram hérna.

Ég náði að afreka eitthvað í dag.... í fyrsta lagi, fór ég á fætur :D Reyndar um hálf 3. Ég fór í göngutúr með Ránina mína, fór í Bakarí,Olís og Búðina en gleymdi apotekinu sem þýðir að ég VERÐ að fara út aftur á morgun. Nema ég finni einhverja leið til þess að komast hjá því, sjáum hvernig morundagurinn verður. Einn dag í einu, er það ekki ;)Annars er bara rólegt kvöld hjá mér, kem engu í verk frekar en vanalega, hangi bara inni í tölvunni, fer reglulega á kamarinn. Kormák ekki heima, hann skellti sér á ball á Hvolsvelli, annars er enginn munur á því hvort að hann sé heima eða ekki, það fer ekkert fyrir. Jú kannski smá þegar stofan er full af unglingum, en þá fer ég bara inn í herbergi í tölvuna eða legg mig.

Hvað ætli ódýrasta vikan á Heilsuhælinu í Hveragerði kosti ? Mikið held ég að ég hefði gott af því að skella mér þangað í einhvern tíma, vinn bara í HH og skelli mér. Ekki væri verra ef að maður finndi eitthvað mannsefni þar í leiðinni  Nei, held ekki. Held að ég hafi það bara þokkalegt svona ein, ekki nema ég finni einhvern alvöru.... þegar ég skrifa þetta þá átta ég mig nú á því að ég þekki nokkra..... en ætli ég sé ekki bara svona mikið chicken eða karlmenn halda að ég sé grybba... það er nú reyndar búið að bera soldið á grybbuskapnum mínum undanfarnar vikur, en alls ekki á öllum, samt flestum. Ég er ennþá á þeim stað að ég hata fólk, það er bara eitthvað sem ég skil ekki af þvi að ég er líka að tala um vini, fjölsk.... fólk sem ég elska og þykir vænt um. Ég bara hreinlega veit ekki af hverju það er, kannski af því að ég er á hnefanum.. það er trúlegast, það eru bara allir fífl, það er bara málið. Ég bulla úr einu í annað, þetta veltur bara upp úr mér, skrifa bara stanslaust út í eitt, nema þegar ég þarf að sækja meira kaffi og það þýðir að ég er líka alltaf að deita Hr. Gustavsberg.

Ég fékk gefins kommóðu í dag, ég er ekkert smá happy með hana, takk elsku Unnur mín og  svala mín, <3 Á reyndar svo von á annari gefins lítilli, þá ætla ég að vona að ég sé komin með nóg fatapláss, það er ekki of mikið af því á þessu heimili. Takk fyrir það elsku Vigdís mín <3 Það er reynda eitt ekki nóg og gott.... mig vantar orku í að raða, breyta og bæta. En helgin er framundan, og ég get ekki legið í bælinu um helgina af því að Kormákur fer suður og ég vil ekki að Rán geri síðnar þarfir út um allt hús, þannig að ég fer víst örugglega á fætur og þá umsný ég heimili mínu og skelli mér á breytingaskeiðið.

Núna er ég að velta því fyrir mér að klæða mig aðeins betur, er frosin hérna inni. En ég ætla að kíkja hérna nokkrum húsum ofar á Bestuna og kannski grípa með mér prjónana, ef að ég nenni. Verð örugglega með þessar legghlífar það sem eftir er ævinnar er svo löt að prjóna, en þá læt ég bara jarða mig í þeim.

Nóg í bili..... takk fyrir lesið ef að þið nenntuð ;)