Ég sá gíraffa !!!!!

Ísbirnir ísbirnir ísbirnir ísbirnir....... fólk sér ekkert orðið annað nema ísbirni. Er fólk svona hrætt, eða hvað er málið ? Heldur fólk sem er á þvælingi inn á fjöllum að hvítt sé ísbjörn ? Eitthvað hlýtur þetta að kosta, landhelgisgæslan og lögreglan gerir ekkert annað en að leita af ísbjörnum út um allt land. Heldur fólk að það sé eins með mýsnar og ísbirnina, ef að þú sérð eina mús þá eru þær 100, þá ef að þú sérð einn ísbjörn þá er hann út um allt að kanna landið ??? Er orðin frekar þreytt á þessum ísbjarna fréttum. Hvernig væri að fólk myndi tilkynna að það hafi séð gíraffa á Þverárfjalli eða á Hornströndum ??

Jæja, annars er helgin sem af er henni búin að vera fín. Ég ætla að vera myndarleg á heimilinu í dag og taka svolítið til og svo meiri þvott. En ég er einmitt búin að vera að þvo síðan ég kom heim. Við fórum í IKEA í gær ég María, Hjörleifur, Kormákur og Skjöldur. En þar fjárfesti ég í heilsukodda sem kostaði vel á fimmta þúsund, mig hefur langað lengi í þennan kodda og lét það eftir mér í gær í að kaupa hann til að fullkomna hjá mér nóttina. Núna sef ég með æðislegan heilsukodda, stóra pulsu undir hnésbótunum og með súrefnistækið..... getur ekki verið betra.

Jæja.... best að hendast í að gera eitthvað gagn hérna. Þangað til næst, hafið það gott elskurnar mínar.

Kv. Linda litla hamingjusama í helgarfríi.

Ísbirnir á Hornströndum?

Athugasemdir

[Aprílrós, 20.7.2008 kl. 12:16]

Hafðu góðan daga Linda mín.

Kveðja Guðrún INg

[halkatla, 20.7.2008 kl. 12:36]

þetta er hinn myndarlegasti gíraffi

[Ásdís Sigurðardóttir, 20.7.2008 kl. 15:16]

Ég hélt kannski að þú hefðir farið á Stokkseyri, þegar ég sá fyrirsögnina.  Vertu dugleg að hvíla þig  

[Hrafnhildur Björk Jónsdóttir, 20.7.2008 kl. 18:01]

Gamann að þú skyldir sjá gíraffa Linda mín

[Gunnar Gunnarsson, 20.7.2008 kl. 21:00]

Já já .

[Harpa Steinarsdóttir (IP-tala skráð) 20.7.2008 kl. 21:08]

HAHAHAHA vá hvað ég er sammála þér!! svo alltof mikið með þessa ísbirni fram og aftur.. ég var farin að dreyma martraðir um þá

en jámm hafðu það gott og gangi ykkur Kormáki vel í hollustunni;*

[Guðný Einarsdóttir, 20.7.2008 kl. 21:31]

Og hvar sást þú þennan giraffa humm niður í bæ??? það er svosem margt skrýtið í henni Reykjavík

Ég sá fullt af villidýrum á laugardagskvöldið upp á Brekkum

[Sigríður Þóra Magnúsdóttir, 20.7.2008 kl. 22:04]

Það er fullt af skrítnum hlutum á Íslandi

[Sys (IP-tala skráð) 20.7.2008 kl. 22:19]

Gíraffar ??? Man ekki betur en þið Iða Brá hafið einhver samskipti átt við gíraffana á Þinganesi hér á árum áður, hmm ....

Takk annars fyrir stelpuna. B.kv. Sigurbjörg

[Linda litla, 20.7.2008 kl. 22:59]

SKO !!! Það var ekki ég !!!! Það var Iða Brá sem að vaknaði svo snemma, ég svaf á mínu græna.

[alva (IP-tala skráð) 20.7.2008 kl. 23:51]

Mikið vildi ég að það færu að sjást gíraffar hérna, hin vænstu og skemmtilegustu dýr  :)

[Anna Guðný , 21.7.2008 kl. 00:49]

Ég keyrði ísbjarnarheiðina í kvöld og horfði vel í kringum mig. Sá bara nokkrar rollur. Var fegin því En börnunum mínum fannst það mjög spennandi þegar ég sagði þeim að þarna hefði annar björninn fundist um daginn.

[Jenný Anna Baldursdóttir, 21.7.2008 kl. 14:45]

Það er gúrka, en ég sá villisvín.