9 merkur

María fór í mæðraskoðun í dag og er litla ömmubarnið mitt orðið 9 merkur, þannig að þetta verður sko ekkert smábarn þegar það kemur í heiminn he he he Barnið er búið að snúa sér og skorða sig rétt núna, ætli það hafi ekki snúið sér þegar María datt um helgina. En ljósmóðurin var búin að segja að ef að það væri enn sitjandi þegar hún kæmi í skoðun næst þá yrði hún trúlega tekin með keisaraskurði 17 desember. Sem betur fer hefur það breyst. Ég heyrði í Maríu í dag og hún ætlar að koma suður á morgun til okkar og vera nótt. Ætli við mæðgurnar höfum það bara ekki gott og prjónum og föndrum eða eitthvað skemmtilegt saman. Það væri gaman að kíkja í Garðheima og finna eitthvað föndurdót fyrir jólin.

Kormákur er búinn að vera fínn í dag, las fyrir mig án múðurs og var bara ánægður með skóladaginn. Ég talaði við Vilborgu bekkjarsystur hans í dag og hún sagði að það væri verið að stríða honum í frímínótunum og ef að hún heyrði það þá léti hún starfsmenn vita um leið. En þau eru sammála um það að bekkurinn þeirra er besti bekkurinn í skólanum en þar eru allir svo góðir vinir.

Annars er ég lítið búin að gera í dag, ég labbaði jú í Shell til Guðnýar og spjallaði við hana, verslaði ávexti, safa og sígarettur og fór svo heim. Ella kíkti aðeins á mig í kvöld og var að bjóða mér sjónvarpsskáp, en þar sem að ég á einn fínann þá afþakkaði ég hann. En ef að einhverjum vantar sjónvarpsskáp þá er einn hérna hjá okkur gefins. Bara láta mig vita og ég gæti þess vegna hent inn mynd af honum.

Þetta er ágætt í bili. Ætla að koma mér snemma í bólið. Takk fyrir að nenna að lesa þetta látlausa blogg mitt og þangað til næst góða nótt og hafið það gott.

Kv. Linda litla.

Athugasemdir

[Guðný Einarsdóttir, 27.11.2007 kl. 22:14]

Stærðar barn,,,Hvernig skápur er þetta???

Þetta er skiljanlegt að hann sé pirraður greyið ef það er verið að stríða honum,hver stríðir eiginlega svona ljúfum og góðum fjörkálfi???

[Linda litla, 27.11.2007 kl. 22:17]

Heyrðu ég skal taka mynd af honum á morgun og skella henni hérna inn ef að þú vilt.

[Katrín Ósk Adamsdóttir, 27.11.2007 kl. 22:27]

Skrítið en þú ert bara 2 árum eldri en ég og verður bráðum amma  Drengurinn minn á afmæli 17 des.en það er ekki líklegt lengur að ömmubarnið þitt komi þá.Góða nótt

[Guðrún Arna Möller (IP-tala skráð) 27.11.2007 kl. 22:48]

Ji, þetta verður stærðar krútt!  En gott að heyra að það sé samstaða í bekknum gagnvart stríðnispúkunum.  Vona að þetta lagist allt saman.

[Linda litla, 27.11.2007 kl. 23:30]

Já þegar maður byrjar snemma að eiga börn, þá hefna þau sín og gera mann snemma að ömmu he he he he

Og Arna, bekkurinn er yndislegur. Krakkarnir eru hreinlega bara eitt, allir góðir við alla og engin leiðindi, stríðni eða rifrildi.