Þetta er Ísland í dag......... því miður :o(

Það er bæði sorglegt og gott að sjá þessa frétt. Það er sorglegt að fólk sé á þessum stað í lífinu og að barist sé um að fá húsaskjól. Ekki lítur Sigrún vel út, blá og marin og bólgin í andlitinu.

En gott að sjá að eitthvað er að gerast í þessum málum, það er byrjað að koma heimilislausum eða utangarðsfólk einhvers staðar í húsaskjól.

Ég ætla svo sannarlega að vona að eftir eigi að reisa fleiri svona húsaskjól fyrir fólk. Þetta er ekki fullkomin íbúð, en þetta er hlýtt og er heimili.

Á þessum árstíma er hræðilega erfitt fyrir fólk að finna sér skjól, það er kalt og gámar, kassar, húsasund og undir bílum heldur ekki á fólki hita.

Kaffistofa Samhjálpar var á besta stað í bænum, á Hverfisgötunni. Það ætti einmitt að vera kaffistofa í miðbænum, þeir sem eru á götunni eru mest á vafri í miðbænum. En nú er kaffistofan ekki þar lengur, er ekki viss um hvar hún sé núna, finnst samt eins og hún sé í Árbænum, ekki viss samt. En gamla staðsetningin var best.

Ég vona að allir fái inn um jólin og allir fái mat, ég vil reyndar að allir fái húsaskjól en yfir hátíðirnar umfram allt.

Farið vel með ykkur og ekki gleyma að biðja fyrir þeim sem minna mega sín.

Kv. Linda litla.

Slegist um smáhýsi götufólks

Athugasemdir

[Aprílrós, 3.12.2008 kl. 23:54]

Gleðilegt að vita að eitthvað að fólki fékk húsnæði, og bara gangi þessu fólki vel að koma undir sig fótunum á ný með hjálp góðs fólks.

[María Hödd (IP-tala skráð) 4.12.2008 kl. 00:00]

ég þoli ekki svona blogg hjá þér kona...! maður tárast bara og svo er maður að röfla yfir því að maður eigi ekki pening fyrir bókaklúbbum og öðru slíku..! ég tel mig nú þokkalega sanngjarna manneskju en dæmi eins og þessi hugsar maður ekki alltof oft út í en ætti að gera það því þá gerir maður sér grein fyrir því hvað maður hefur það rosalega gott og hættir kannski að keppast um við aðra eins og einhver api. en það er spurning hvort að við fjölmennum bara ekki á næsta ári í hjálpræðistherinn í sjálfboðavinnu á aðfangadagskvöld og splæsum jólakonfekti í liðið ;) maður gæti ekki óskað sér betri jólagjöf heldur en það að geta glatt aðra..! og hana nú ! :) hehe

[Jóna Kolbrún Garðarsdóttir, 4.12.2008 kl. 01:55]

Það var nú kærastinn hennar Sigrúnar, þessi sem var í viðtalinu sem kýldi hana, hann braut á sér höndina í látunum. 

[Ásdís Sigurðardóttir, 4.12.2008 kl. 08:09]

Það er erfitt að vera á götunni ímynda ég mér, vorkenni þessu fólki þó svo sumir segi að það sé þeim að kenna, þá eru aðstæður stundum þannig að fólk ræður sér ekki.  Kveðja til þín Linda mín

[halkatla, 4.12.2008 kl. 11:11]

Ísland hefði átt að gera meira þegar það hafði ennþá efni á að leyfa sér ýmislegt, en þetta er mjög gott fyrir því og hægt að samgleðjast fólkinu núna - þrátt fyrir stimpingarnar, þær geta nú líka átt sér stað á bestu bæjum.

Bestu kveðjur til þín og þinna

[Brynja skordal, 4.12.2008 kl. 16:26]

[Vigdís (IP-tala skráð) 5.12.2008 kl. 01:49]

Það eru orða sönnu Maríu Haddar að gefa!! Þegar mín fyrstu jól verða haldin heima, eins og við Sæmi munum halda þau, þá verða alltaf allir velkomnir sem vilja koma og eða eru einir. Svoleiðis hefur það alltaf verið síðan við Sæmi vorum lítil (tvær ólíkar fjölskyldur) og svoleiðis viljum við hafa það!! The more the merrier..Við erum lánsöm að eiga fólk að sem elskar okkur og viljum gefa til baka. Ef jólin eru ekki tíminn þá hvenær??