Góður dagur.

Þetta er búið að vera ágætis dagur í dag, fyrir utan smá erjur á milli Kormáks og Bergs vinar hans sem verður hérna hjá okkur fram á fimmtudag. Við fórum í bíó klukkan 6 og fórum að sjá The Mummy, allir sáttir með myndina og glaðir. Brynja fór með okkur og skemmti sér alveg jafnvel og við hin. Þegar myndin var búin þá brunuðum við í Kópavoginn á McDonalds og fengum okkur að borða og eftir það skelltum við okkur í bíltúr í Heiðmörk, það var bara æðislegt. Stoppuðum þar á tveimur stöðum og við fengum öll útrás í fallegri náttúrunni, önduðum að okkur fersku lofti og horfðum á kanínur skoppa í kringum okkur. Sem sagt frábær dagur í dag. Morgundagurinn er óráðinn, ætli hann fari bara ekki í bónusferð og svo í leti. Letin er reyndar alltaf til staðar hjá mér, finnst ægilega gott að henda mér bara upp í sófa og kveikja á dvd og sofna yfir því.

jæja, nóg í bili. Takk fyrir daginn og góða nótt krúttin mín.

Kv. Linda litla Bíófari.

Mikið um ölvunarakstur.

Nítján ökumenn teknir um helgina fyrir ölvunarakstur. Þetta er mikið og þetta fólk sem er að keyra undir áhrifjum er ekki að gera sér grein fyrir því að það er ekki bara að leggja sitt líf í hættu heldur annarra líka. Það sem að er líka ótrúlegt við þetta að af þessum nítján ökumönnum sem voru teknir voru sjö af þeim próflausir.

Það er a.m.k. gott að sjá að lögreglan er að vinna sína vinnu, þ.e.a.s. að fylgjast með ölvunarakstri.

19 ölvaðir ökumenn teknir um helgina

Kínverjar klikkaðir.

Hvað er að kínverjum ?? Sú sem söng í setningarathöfninni á Ólympíuleikunum í Peking var ekki sýnileg af því að hún þótti ekki nóg og falleg...... NEI, heldur var stillt upp annari stúlku sem þótti fallegri og var hún látin hreyfa munninn í takt við tónlistina og láta sem að hún syngi. Hvað er að ?? Að láta aumingja stúlkuna vera á bak við og ekki sýnilega af því að hún var ekki nóg og falleg, það finnst mér ömurlegt og ég skil ekki í foreldrum hennar að meðtaka þetta. Ég hefði ekki látið banrið mitt syngja þarna.

Flugeldarnir voru ekki einu sinni raunverulegir. Þeir voru tölvugerðir...... Ég hélr einmitt að kínverjar gerðu allt svo flott og fullkomið..... nebb, ekki lengur greinilega.

Allt í plati í Peking

Hálf krípí....

Magnað að lesa þetta, börnin Hailey Jo Hauer og Xander jace Riniker komu bæði í heiminn klukkan 8:08 þann 08.08.08 og ekki nóg með það heldur voru þau bæði 8 pund og 8 únsur.

Og ekki nóg með það heldur, þau voru ekki fjarri hvort öðru er þau fæddust, annað í Cedar Rapids í Iowa í Bandaríkjunum, og hitt í næsta ríki, Minnesota.

Pælið í þessu hvað þetta er magnað....

Hér er Xander jace Riniker.

Fæddust klukkan 8.08 þann 8.8.08 og vógu 8 pund og 8 únsur

Kynsvallahelgin mikla.

Þá er föstudagur genginn í garð og það þýðir að ég er að fara austur. Kormákur er að fara til pabba síns. Við byrjum á því að fara í kringluna að sækja skóna hennar mömmu sem að ég fór með í viðgerð á þriðjudag og svo þurfum við í Hagkaup en ég keypti buxur handa Kormáki þar á þriðjudag líka og þjófavörnin er á buxunum, það verður að taka hana af. Svo kemur Unnur amma hans í kringluna að sækja hann.

Þannig að núna segji ég bara góða helgi og þið sem ætlið á GAY PRIDE.... skemmtið ykkur þar fyrir mig líka, mér finnst þessi hátíð svo skemmtileg.

gúddbæ evríbadí.

Kv. Linda litla lipurtá.

p.s. fyrirsögnin var bara upp á djókið hehehehe

Sláandi sögur af ólifnaði.

Hann ætlar að láta allt flakka í endurminningum sem hann vinnur að og er stefnan að þetta komi út á næsta ári. Ég vona að bókin verði þýdd yfir á íslensku þar sem að þessi maður hefur verið uppáhaldssöngvarinn minn í mörg ár, eða Aerosmith hefur verið í miklu uppáhaldi og toppaði allt þegar að við Vigga fórum á tónleikana með þeim á Wembley 1998 minnir mig.

Steven Tyler.... hann er sá flottasi í dag.

„Sláandi sögur af ólifnaði“

Varaðu þig á varamanninum/konunni.

Ég var að lesa bloggið hjá henni Jónu bloggvinkonu og rak þá augun í það að hún talaði um Huggy Ragnarsson, mundi ég þá að ég ætlaði alltaf að vera búin að blogga aðeins um hana. Nú er Huggy þekktur ljósmyndari, fyrirsætuljósmyndari held ég meira að segja, en var hún einhver tímann fyrirsæta sjálf ?? Veit það einhver ??

Þessa mynd af henni sá ég einhver tímann á blogginu hjá henni Önnu Karen, en hún var að tala um að hún væri að dæma í fyrirsætuþætti á Skjá 1 og skellti þessari mynd með færslunni. Guð minn almáttugur ég hélt (án gríns) að þetta væri karlmaður. En það reyndist víst ekki rétt hjá mér.

Ég sá þennan þátt í vikunni.......kræst.... hún var að mynda fyrirsæturnar og var gjörsamlega ó förðuð og jesús minn, hún var hræðileg. Hafið þið séð stærðina á efri vörinni á henni ? Ég get eiginlega ekki líkt henni við neitt, ég hef aldrei á minni ævi séð aðra eins vör. Hvernig í ósköpunum datt konunni í hug að gera þetta ? Ætli henni yki þetta fallegt ??

Mér finnst þetta of mikið af því góða, núna er efri vörin á mér svo lítil að þegar ég brosi þá sést hún ekki, en ég vil frekar vera þannig heldur en að vera svona svakalegur VARAmaður eins og hún.

Fallegar gjafir og góðir dagar.

Jæja, þá er komið fimmtudagskvöld. Við Kormákur komum í bæinn á Þriðjudaginn, lentum heima í Unufelli á hádegi og vorum farin afutr út minnir mig um klukkan 2 og komum við ekki heim fyrr en eftir kvöldmat. Á miðvikudag þá vorum við farin út fljótlega eftir hádegi og ekki komum við heim fyrr en um kvöldmat eins og fyrri daginn, jæja við ákváðum að við skildum vera heima á fimmtudag og þvo þvott og taka til. Nú ekkert varð úr því fyrir hádegi, þá tók letin öll völd. Iða Brá, Besti og Helga Brynja komu í heimsókn efitr hádegið, þegar þau fóru þá skelltum við okkur í bakaríið og fengum okkar pasta að borða, ákváðum á heimleiðinni að kíkja við á hársnyrtistofunni Hárblik í Eddufellinu og kanna hvort að Kormákur fengi klippingu og hann fékk hana.

Svona lítur hann út að aftan.

Og svona lítur hann út að framan.

Nú fljótlega eftir að við komum heim þá komu María og Hjörleifur Máni í heimsókn, elsku krúttíbollan ömmusrtrákurinn minn hann Hjörleifur stækkar og stækkar, mér finnst hann alltaf vera stærri í hvert skiptið sem að ég sé hann. Hann er svo ofsalega duglegur strákurinn að amma gamla er bara hreinlega að springa úr stolti.

Sjá elsku ömmumúsina mína, hann elskar líka að komast í dótið hennar ömmu. Það er svo allt öðruvísi heldur en dótið heima. Jæja, svo kom Unnur í heimsókn en það er orðið langt síðan að hún hefur sést. En þegar allar heimsóknirnar voru farnar þá kom Bína mín niður og við sátum og kjöftuðum þangað til núna. Þessi dagur hefur sem sagt verið alveg bókaður hjá mér og ég ekkert getað þvegið þvott eða getað tekið til.... og ég sem er að fara austur á morgun. En það verður að' hafa það, ég verð bara duglegri í næstu viku. En á mánudaginn kemur Bergur vinur okkar í heimsókn og verður hjá okkur í einhvern tíma á meðan mamma hans er á sjúkrastofnun að fá góða hjálp og aðstoð. Hlakka til þegar hún kemur heim aftur endurnærð og fín.

Ég ætla að skella inn hérna í lokin myndum af perluföndri sem að vinkona mín er að gera og ef að þið hafið áhuga á, þá get ég reddað ykkur svona ef að ykkur vantar gjafir á góðu verði.

Hún selur parið af kertastjökunum á 1000 krónur, sem er ekki mikið. Veit reyndar ekki með það sem er utan um kveikjarann, hún gaf mér það fyrir nokkru síðan. En ef að þið hafið áhuga á því þá er bara að senda mér e-mail á [e-mail]

Hún er með alveg ofsalega mikið litaúrval og þetta er falleg gjöf. Endilega sendið mér á mailið ef að þð hafið áhuga eða skiljið eftir skilaboð í kommenti og ég kem því til skila.

Jæja, segi þetta bara ágætt í kvöld, er orðin drulluþreytt á því að gera ekki neitt í dag. Því segi ég bara góða nótt eslku vinir og bloggvinir og sofið þið vel.

Kv. Linda litla AMMA.

 

66 millur á mánuði..... hver hefur gott af því ??

Ég er búin að vera að velta því fyrir mér launum á Íslandi. T.d. þessi maður sem er með 66 milljónir í mánaðrlaun.... hvað er að ?? Af hverju er allt svona á Íslandi ?? Ég meina kommon, maður með 66 millur á mánuði.... ég næ ekki einu sinni 2 millum á ári. Þó er inn í því líka meðlag og barnabætur og slíkt. Hvers vegna þarf þetta að vera svona ?? Ég er sko ekki að segja að ég vilji hafa þessar milljónir á mánuði, ég held að enginn hafi gott af því. Ég yrði sko fullkomnlega ánægð með 500.000 á mánuði, það væri til þess að ég hefði fyrir mínum skuldum, og fyrir mat og öllu því sem að þarf til heimilisins, fatnaður á soninn, kannski eitthvað hobbý, ég gæti sett hann á skóladagheimili í skólanum, ég gæti borgað mötuneytið fyrir hann í skólanum og ýmislegt fleira og jafnvel lagt eitthvað fyrir á mánuði. En þetta er eitthvað sem að ég hef ekki getað.  Já VÁ það væri breyting og svo sannarlega til batnaðar. Ég fór tvisvar erlendis í fyrra. Ég fór til Spánar að heimsækja vinkonu mína og ég hefði ekki getað það nema af því að dóttir mín og tengdasonur borguðu ferðina fyrir mig, þau sem sagt buðu mér. Svo fór ég til Kúbu með þessari vinkonu minni sem ég heimsótti til Spánar og ég hefði ekki getað það, nema hún bauðst til þess að setja ferðina á visa kortið sitt og ég er að borga henni tæpar 4500 krónur á mánuði í ferðina.

Ég væri sko alveg til í það að hafa efni á því að fara til útlandi einu sinni til tvisvar á ári með syni mínum. En það er reyndar stefnan..... ég er að reyna að leggja eitthvað fyrir svo að við getum gert eitthvað saman, hann hefur aldrei farið erlendis ennþá en langar mikið og ég stefni að því að fara eitthvað með hann.

En þessi andsk... launamunur, hvernig getur þetta verið hægt ?? Á þetta að vera hægt ?? Ef að ég hefði allan þennan pening í mánaðarlaun, ég væri með samviskubit út af honum. Ég er ekki viss um að ég myndi taka við þessu öllu, en ef að ég gerði það þá væri ég örugglega að styrkja rauða krossinn, hjálpræðisherinn, mæðrastyrksnefnd, fjölskylduhjálp og örugglega fleiri slíkar stofnanir um a.mk. 2millur á mánuði hvert.

Skildu þessir menn með þessar tekjur gefa eitthvað af peningunum sínum til góðgerða ?? Það eru miklar vangaveltur í gangi hjá mér... Mér finnst hreinlega vanta Hróa hött hingað til Íslands.

Rannsókn á dauða hans lokið.

Enginn ákærður, staðfest hefur verið að hann hafi látist af of stórum skammti lyfseðilskyldra lyfja, en hann hafði ekki fengið þau gegn lyfseðli á eigin nafni. Blessuð sé minning hans, hans er sárt saknað enda var hann góður leikari. Svo ekki sé talað um hvað maðurinn var fallegur

Vá.... hva hann var f****** fallegur.

Rannsókn á dauða Ledgers lokið