Skildum við kreppa...nei ég meina skreppa saman ??

Ástandið er slæmt í þjóðfélaginu.

Ég veit ekki, mér finnst ég ver avirkilega heimsk þessa dagana, ég á mjög erfitt með að skilja fréttatímana, eða ég skil ekki hvað er í gangi. Mig vantar nánari útskýringar á þessum málum í landinu í dag. Eins og ég segi, er ég svona heimsk.... ?? eða eru það fleiri sem eiga erfitt með að skilja málið ??

Ég veit að það er kreppa.

Ég veit að bankar standa illa.

Ég veit að allt er orðið mikið dýrara.

Ég skil bara ekki af hverju, ég skil t.d. ekki af hverju krónan hrapar svona í verði. Það er svo margt sem að ég skil ekki.

Vinkona mín ein var í heimsókn hjá mér í gær og hún segir við mig "Linda veistu að ég skil ekki fréttirnar, ég skil ekki hvað er í gangi"

Það er ljótt að segja það, en ég var fegin að hún sagði þetta, því þá hugsaði ég "guð hvað ég er fegin að vera ekki sú eina sem skilur þetta ekki"

En ég er líka á því að þeir sem sleppa best í gegnum þetta eru "aumingjar" eins og ég...... ég á EKKERT. Ég er á örorkubótum og ég er vön því að það sé t.d. lítið um pening á heimilinu. Ég hef lent í því að þurfa að borða graut í viku, af því að ekkert var til að borða annað og enginn peningur til á heimilinu. Grjónagrautur og makríll í tómatsósu í mat í viku. Mér fannst það meira að segja ekki svo slæmt, ég þurfti að sætta mig við það.

Ég hugsa hugsa á svona stundu...... ég veit alveg að við getum lifað í kreppunni, og ég lít björtum augum á það sem framundan er. Það þýðir ekkert annað.

Takk fyrir lesninguna, ef að þú nenntir að lesa.

Kv. Linda litla kreppuvana.

Staða Kaupþings býsna góð

Athugasemdir

[Hulla Dan, 7.10.2008 kl. 07:15]

Ég skil heldur ekki hvernig þetta er hægt. Er heldur ekkert viss um að mig langi til að skilja það.
Hef samt einhvernvegin sterkt á tilfinningunni að þetta sé mönnum að kenna. Mönnunum sem íslenska þjóðin kaus og treysti. Mönnum sem sitja nú útataðir í eigin saur og grípa þá helst til þess ráðs að ljúga.
Mig hryllir við þannig fólki.
En eins og ég sagði þá hef ég ekki mikið vit á pólitík.

Vona að þú eigir góðan dag og komist hjá því að borða graut í heila viku.

[Hrönn Sigurðardóttir, 7.10.2008 kl. 09:01]

[Gudrún Hauksdótttir, 7.10.2008 kl. 09:03]

innlitskvitt.

[Jenný Anna Baldursdóttir, 7.10.2008 kl. 10:25]

Við sem eigum lítið sem ekkert kunnum þetta.  Knús í daginn.

[Brynja skordal, 7.10.2008 kl. 12:13]

[Guðný Einarsdóttir, 7.10.2008 kl. 17:37]

Þú ert ekki ein um að skilja ekki,lítið skil ég

[Bergljót Hreinsdóttir, 7.10.2008 kl. 20:14]

[Birna M, 7.10.2008 kl. 22:17]

Þeir sem hreykja sér hátt, falla líka harkalega. Við sem sitjum ekki hátt, meiðum okkur líklega ekki mikið.

[Jóna Kolbrún Garðarsdóttir, 8.10.2008 kl. 02:03]

  Ekki skil ég heldur allt þetta plott í kringum bankana.

[Aprílrós, 8.10.2008 kl. 08:45]

Er ég velkomin í skilningsleysis hópinn ? Ég er heldur ekki alveg að skilja pólitíkina, og hef aldrei gert. Eigðu góðan dag Linda mín ;)

[alva (IP-tala skráð) 8.10.2008 kl. 10:54]

Já, það er gott að eiga lítið núna :) eða skulda lítið núna réttara sagt :) Við munum skrimta í gegn um þetta á hraða snigilsins :) !!

[halkatla, 8.10.2008 kl. 18:34]

ekki reyna að skilja þetta, það hefur bara slæm áhrif, maður sér hvert það hefur leitt þá sem hafa verið að velta sér uppúr svona málum undanfarin ár, þeir eru gráir, guggnir og sálarlausir orðnir - hafðu það sem best