Yfir 300 fjölskyldur......

Hvers vegna þarf þetta að vera svona á Íslandi ??

Ég veit að það er hart í ári hjá mörgum núna á þessum síðustu og verstu tímum, en þetta er samt alltaf svona. það eru alltaf margar fjölskyldur sem að leita sér hjálpar eftir mat hjá fjölskylduhjálp, mæðrastyrksnefnd og hjálparstofnum kirkjunnar.

Það er sorglegt að við höfum það ekki betra en þetta hér á landi.

Er ekkert hægt að gera í þessu ?

Á meðan fjölskyldur eiga ekki fyrir mat og fötum á sig og börnin sín, þá eru aðrir sem vita ekkert hvað þeir eiga að gera við peningana sína. Ég er ekki að segja að sumir hafi ekki unnið fyrir þeim, ég er að segja það að það verður að hækka laun/bætur fyrir þá sem eru lægst launaðir.

Fjölskylduhjálp, mæðrastyrksnefnd og Hjálparstofnum kirkjunnar eru svo sannarlega að hjálpa fólki, ekki veit ég hvað fólk myndi gera ef að þessir staðir væru ekki til.

Það verður SAMT að gera eitthvað í málinu.....

Yfir 300 fjölskyldur fá vikulega matargjafir

Athugasemdir

[Gudrún Hauksdótttir, 2.10.2008 kl. 08:21]

Mikid er ég sammála tér Linda mín.....

Ég á tá ósk ad fólk sem býr vid svo lág kjör fái bætur á sínum málum.

Fadmlag á tig mín kæra.

[Jenný Anna Baldursdóttir, 2.10.2008 kl. 09:16]

Fólk á ekki að þurfa að þyggja ölmusur.

Samneyslan á að sjá um að enginn sé svo fátækur að eiga ekki að borða.

[Didda, 2.10.2008 kl. 09:35]

Svo innilega sammála.

[Emma Vilhjálmsdóttir, 3.10.2008 kl. 01:22]

Sagði ekki Davíð Oddson rétt fyrir jólin hérna um árið að "Íslendingar eru fljótir að fara þangað sem allt er ókeypis"?  Einstaklega góður og vel innrættur maður þar!  Nei þetta ástand er virkilega sorglegt og ömurlegt hvernig þessir æðstu menn hafa komið fram við almenning.  Neðsta stéttin hefur orðið algjörlega undir í lífsbaráttunni og bilið milli ríkra og fátækra er orðið sorglega langt. 

Ástandið mun ekki lagast fyrr en við fáum hæfari menn til að sinna þessum störfum.  Ég vil fá þjóðaratkvæðagreiðslu nú þegar og fá þessa menn frá völdum.  Og auðvitað á Davíð ekki að sitja í stöðu seðlabankastjóra!  Hann hefur enga menntun á því sviði og er gjörsamlega vanhæfur, og auk þess gamall pólítíkus og ætti ekki að fá að koma nálægt þessu.  Auk þess var aðgerðin með söluna á Glitni ólögleg, lagalega séð.  Þeir hljóta að þurfa að endurskoða gjörðir sínar. 

Staða almennings er mjög sorgleg.  Reyndar er viss hópur sem hefur aldrei fengið að finna fyrir velmeguninni sem var og hét.  Sorglegt en satt.  Sorglegast af öllu er samt að gamla fólkið og mikið sjúkt fólk, fékk ekki að njóta þeirra mannréttinda sem það átti skilið, á meðan hægt var.  Ömurlegt og ósanngjarnt.  Vona að þessir menn eigi eftir að finna vel fyrir því hvað þeir hafa gert. 

[alva (IP-tala skráð) 3.10.2008 kl. 08:30]

Blessuð bloggvinkona :)

 Já , ekki gott mál að þurfa að þiggja svona ölmusur er þetta virkilega svona slæmt í borginni.... ég fann nú aldrei fyrir þessu góðæri sjálf, þannig að ég finn ekki fyrir þessari kreppu heldur í mínum vösum...bara sama skrimtið hérna megin :) og maður er farinn að kunna á það "að lifa af " hamstra í kistuna og svoleiðis, gera slátur sjálfur, úrbeina og allt það...þetta þarf maður bara að gera til að eiga í sig og krakkana...en ég er að spá, 300 fjölskyldur í Reykjavík...ekki þarf fólkið úti á landi að fara í þessar raðir, enda ekki í boði fyrir okkur....þótt við kannski þyrftum á því að halda stundum, örugglega margir.  Mér finnst þetta skrítið allt saman en er alls ekki að segja það að þetta fólk þurfi ekki á þessu að halda neitt, bara skrítið að það séu svona margir fátækir í Reykjavík. Hvar eru raddir landsbyggðarfólks í þessari kreppu??

Bara svona vangaveltur hjá mér..

Góða helgi :)