Róandi, róaði mig niður.

Addi frændi fór í apótekið fyrir mig í dag og sótti lyfin fyrir mig, ég tók strax og ég fékk þau í hendurnar og fór svo og lagði mig, held að ég hafi legið í 4 tíma og náði að slaka mjög vel á, leið mikið betur þegar ég vaknaði. Heyrði í Iðu Brá, Maríu minni og mömmu, öll símtölin gengu vel, nema ég grét á meðan ég talaði við mömmu. Þau eru að fara til Reykjavíkur í fyrramálið og ég er að spá í að fara með þeim suður og fara upp á geðdeild og sitja og bíða og vonast til að fá viðtal.... það er samt ekki öruggt, það er mjög erfitt að komast að þar, en ég ætla að reyna.
Berglind frænka lánaði mér hugleiðisludiska til að hlusta á og er ég búin að hlusta á einn og held ég bara góðri einbeitingu við hann, þeir eru þrír. Ætli ég setji ekki disk tvö í þegar ég fer í rúmið.... skömmu síðar.
Ég sit í myrkri, ég er svo hrædd um að einhver komi.... en veit samt ekki við hvað ég er hrædd.... það er það versta við einangrunina að þegar maður er búinn að loka sig svona mikið af, þá fer manni í rauninni að líða vel í einangruninni.
Klukkan er orðin 11, ég ætla að koam mér í rúmið og hlusta á hugleiðslu..
Góða nótt og Guð geymi okkur.

Athugasemdir

[Ásthildur Cesil Þórðardóttir, 14.4.2012 kl. 11:05]

Guð geymi þig Linda mín.    Vonandi færðu viðtal á Landspítalanum.