Brjálað hvassviðri.

Það er alveg brjálað veðrið í dag. María dóttir mín er hjá mér og er búin að vera síðan á miðvikudagog ætlaði að fara heim í Árnessýsluna klukkan 11 í dag. En ég er búin að banna henni að fara, ég leyfi ekki kasóléttri konu að þvælast yfir Hellisheiðina í þessu rokrassgati þegar bílar eru að fjúka út af á Heiðinni.

Ég vona samt að þetta fari að ganga yfir.

Fauk útaf á Hellisheiði

Samhjálp í Stangarhyl

Sæl verið þið elskurnar mínar.

Gærdagurinn var góður hjá mér, ég skellti mér með hinum fjöryrkjunum á stefnumót við Jóhönnu eins og ég var búin að minnast á hér í gær. Að því löknu hentumst við í IKEA ég,Vigga og María. Skemmtum okkur mjög vel þar, en þar var spreðað í kommóðu, myndaramma, klósettbursta, sallattöng og ýmislegt fleira og að sjálfsögðu var prófað að "acta" í IKEA eldhúsi þar sem að ég var auðvitað með myndavélina góðu á mér eins og alltaf.

Dagurinn í dag var líka fínn, hann byrjaði klukkan hálf 8 þegar Kormáki var komið í skólann. Við María hentumst í JUST 4 KIDS eftir að vera búnar að snæða morgunmat í bakaríinu í Fellunum. Þar voru verslaðar nokkrar jólagjafir, svo kíktum við líka í Dýraríkið við hliðina og það er nokkuð ljóst að það er staður sem að ég gæti ekki unnið, þvílíku lætin í þessum fiðurfénaði þarna VÁ....... Við kíktum líka í MAX raftækjabúðina, það hitti ég Fanný og Írisi en það er orðið ansi langt síðan ég hitti þær systur. Tókum svo rúnt í miðbæinn, fengum okkur svakalega dýrt sykursjokk þar og var það svo væmið að ég var farin að kúgast þegar ég kyngdi síðustu bitunum. Röltum í Skífuna að skoða og tókum svo einn rúnt á Laugarveginum.

Við sóttum Berg Snorra í Fossvogsskóla og fórum með hann heim, svo að strákarnir gætu leikið sér saman. Björk kom svo um hálf 5 að sækja hann. Eftir steiktar fiskibollur og franskar skelltum við okkur svo á samkomu hjá Samhjálp í Stangarhylnum, það var æðislegt að koma þangað. Alltaf jafn gaman. Hitti Heiðu þar, en það er orðið ansa langt síðan ég hef hitt hana. Ætlum að mæla okkur mót, hún hringir í mig á morgun. En það er gott að vera komin heim. HEIMA ER BEST það er víst nokkuð ljóst.

Ætli ég sé ekki búin að rausa nóg í bili, hella mér yfir ykkur, gráta á öxlina á ykkur.... bla bla bla bla

Hafið það gott elskurnar mínar þangað til næst.

Kv. Linda litla.

 

Búin að redda jólunum.

250.000 fyrir 27 klukkutíma af kynlífi ??? Hummmmm...... þetta gæti nú alveg borgað fyrir mig jólin. Hvað skyldi ég fá fyrir það hérna á Íslandi ?

Kynlíf í góðgerðarskyni

Öll börnin fá leikherbergi

Alveg finnst mér þetta frábært "pabbar í pössun" . Þetta er mjög algengt að karlmönnum finist leiðinlegt að versla með konunum, en að það skuli vera búið að útbúa "hobby" herbergi fyrir þá það er alveg fáráðnlegt. Hvað verður næst ?? Ætli það verði ekki sett upp "föndurherbergi" fyrir mömmur á þessum krám þar sem fara fram beinar útsendingar ?

Mér finnst bara alveg sjálfsagt að karlmenn (pabbar) versli líka inn fyrir heimilið, mér sem konu/mömmu finnstnú ekki það skemmtilegasta í heimi að versla inn og væri sko alveg til í að sleppa við það og finnst bara að það ætti að opna bíó-drama-sal fyrir okkur í Holtagörðum líka.

Pabbar í pössun í Hagkaupum

Myndir af (fj)öryrkjum og Jóhönnu félagsmálaráðherra.

Dagurinn í dag gekk vel hjá (fj)öryrkjum, þeir hittust á café paris klukkan 10 í morgun og fengu sér kaffi, spjölluðu og fóru yfir gögnin sem Jóhanna Sigurðardóttir átti að fá. Upp úr klukkan ellefu var lagt af stað í Félagsmálaráðuneytið til fundar við ráðherrann.  Þar sem að Jóhanna var ekki tilbúin að taka á móti okkur strax koma Hrannar B. Arnarsson aðstoðamaður hennar og ræddi málin við okkur og kom hann mjög vel fram.

Skömmu síðar birtist Aðalkonan hún Jóhanna, og tók vel á móti okkkur. Gaf sig alla í að hlusta á Ásdísi (fj)öryrkja sem las smá pistil fyrir hana. Hún tók vel í alla hluti og sagði okkur að það væri nú þegar allt farið af stað í okar málum og veit ég að Jóhanna á eftir að gera sitt fyrir okkur, þar sem að henni er annt um þá sem undir eru í þjóðfélaginu. Ég skelli inn hérna nokkrum myndum af morgninum, en það eru fleiri myndir í alb+umi hér til hliðar Okkur fjöryrkjum og Jóhönnu.

Hverjir þora að svara ??

Það hefur alltaf verið stórmál að viðurkenna að fólk fari með bænir á kvöldin. Það er eins og það skammist sín fyrir það. Ég tala við Guð á kvöldin, ýmist í hljóði eða upphátt. Þegar ég er búin að biðja hann um eitthvað, þakka honum fyrir og slíkt þá fer ég með Faðir Vorið.

Hverjir hérna þora að viðurkenna að þeir fari með bænir eða tali við Æðri mátt ??

Hún varð örugglega abbó.....

HA HA HA HA HA HA

Þetta er snilldarleið til þess að gera fyrrverandi afbrýðisama, senda henni bara allar myndirnar úr brúðkaupinu sem að henni var að sjálfsögðu EKKI boðið í.

Frekar neyðarleg mistök he he he en hlægileg.

Fyrrum kærasta fékk brúðkaupsmyndirnar

9 merkur

María fór í mæðraskoðun í dag og er litla ömmubarnið mitt orðið 9 merkur, þannig að þetta verður sko ekkert smábarn þegar það kemur í heiminn he he he Barnið er búið að snúa sér og skorða sig rétt núna, ætli það hafi ekki snúið sér þegar María datt um helgina. En ljósmóðurin var búin að segja að ef að það væri enn sitjandi þegar hún kæmi í skoðun næst þá yrði hún trúlega tekin með keisaraskurði 17 desember. Sem betur fer hefur það breyst. Ég heyrði í Maríu í dag og hún ætlar að koma suður á morgun til okkar og vera nótt. Ætli við mæðgurnar höfum það bara ekki gott og prjónum og föndrum eða eitthvað skemmtilegt saman. Það væri gaman að kíkja í Garðheima og finna eitthvað föndurdót fyrir jólin.

Kormákur er búinn að vera fínn í dag, las fyrir mig án múðurs og var bara ánægður með skóladaginn. Ég talaði við Vilborgu bekkjarsystur hans í dag og hún sagði að það væri verið að stríða honum í frímínótunum og ef að hún heyrði það þá léti hún starfsmenn vita um leið. En þau eru sammála um það að bekkurinn þeirra er besti bekkurinn í skólanum en þar eru allir svo góðir vinir.

Annars er ég lítið búin að gera í dag, ég labbaði jú í Shell til Guðnýar og spjallaði við hana, verslaði ávexti, safa og sígarettur og fór svo heim. Ella kíkti aðeins á mig í kvöld og var að bjóða mér sjónvarpsskáp, en þar sem að ég á einn fínann þá afþakkaði ég hann. En ef að einhverjum vantar sjónvarpsskáp þá er einn hérna hjá okkur gefins. Bara láta mig vita og ég gæti þess vegna hent inn mynd af honum.

Þetta er ágætt í bili. Ætla að koma mér snemma í bólið. Takk fyrir að nenna að lesa þetta látlausa blogg mitt og þangað til næst góða nótt og hafið það gott.

Kv. Linda litla.

Er þetta satt ??

Britney Spears er að flippa endanlega yfir. Nýbúin að missa forræðið yfir börnunum og vill núna fara að ættleiða. Það er ekki öll vitleysan eins, ef að ég myndi missa forræðið yfir mínum börnum myndi ég ekki stökkva út í ættleiðingu. Myndi frekar reyna að fá eins mikinn tíma með börnunum og mögulegt væri. Mér finnst eins og hún sé að finna sér eitthvað annað í staðinn fyrir börnin, sem sagt setja sín börn í annan flokk.

Svo er heldur ekki að passa saman ættleiðing og jarðarför, hún er sem sagt að undirbúa jarðaförina sína líka......... ætli það taki því fyrir hana að ættleiða ef að hún ætlar að fara að hrökkva upp af ?? Ég held að hún hreinlega viti ekkert í sinn haus.

Britney vill ættleiða kínverska tvíbura

Síminn er dýr.....

Það er ekkert skrítið að maður tími varla að tala í símann. Hvernig í andsk.... stendur á þessu ? Af hverju þarf alltaf allt að vera dýrara hjá okkur íslendingum heldur en nágrannaþjóðum ?? Af hverju er ekki hægt að hafa verð svipað og annars staðar ? Þetta er alveg óþolandi.

Farsímaþjónusta dýrust á Íslandi