Sveppi hér sveppi þar sveppi hann er alls staðar.

Jæja, ég hef ákveðið að fyrst að ég er svo eitthvað óhamingjusöm, pirruð, döpur og allt það að nota tækifærið til þess að setja út á eina leikara Íslands að mati stöðvar 2.

Já ég er að tala um Sveppa, Sverrir Þór Sverrisson. Er það bara ég eða finnst ykkur hann líka vera í öllu á stöð 2 ?? Hann er í barnatímanum, hann er í þáttum á föstudagskvöldum og ég er ekki að grínast, maðurinn er í annari hverri auglýsingu. Mér fannst þessi maður fyndinn einu sinni, en núna er öldin önnur, ég er komin með upp í kok af manninum.

Ætli hann sé bara á svona lélegum launum að það sé málið, stöð 2 hefur efni á honum ? Eða er einhver ættingi hans hátt settur þarna á stöð 2, mútar hann einhverjum...... hvað er fokking málið ???

Það er til fullt af góðum leikurum í dag, þetta á ekki að þurfa. Ég sá hann í barnatímanum um helgina og GUÐ MINN ALMÁTTUGUR...... það var skelfing. Ekki hefur minn sonur gaman af honum, er hann kannski orðinn of gamall fyrir barnatíma af þessu tagi ?? Er Sveppi fyrir yngri börnin ??

Veit ekki, ég er a.m.k. komin með nett ógeð af manninum. Og er fúl yfir því að vera að borga stöð 2 þar sem að hann er svo mikið þar.

Þetta er mín skoðun..... við höfum jú öl rétt á því að hafa skoðun.

Kv. Linda ltila sem vill vera sveppalaus.

Eitthvað....

Þetta er skrítið..... mér líður vel, en samt líður mér ekki vel. Ég er með báða krakkana heima og ömmustrákinn, samt er ég eitthvað svo döpur og kraftlaus og orkulaus og þreytt.... veit ekki, ég er a.m.k. ekki sátt við mína líðan. Svo er maður alltaf brosandi og hýr fyrir framan alla  Ég skil bara ekki af hverju, af hverju ætti ég að akta kát þegar ég er það ekki ? Af hverju er maður alltaf eitthvað að þóknast öðrum ? Mig vantar eitthvað svo spark, íbúðin er ógeð, hún er bara í rúst, hún hefur aldrei verið svona. En ég kem mér ekki i neitt, ég hef enga orku, ég kýs frekar að fá bara að sofa eða horfa á sjónvarpið í friði.

Sorry.... ég skal hætta þessu væli

Kormákur byrjar í skólanum aftur á morgun eftir vetrarfrí, það byrjaði á öskudag. Hann eyddi öskudeginum með Bergi vinin sínum, ég set inn myndir hérna næst af þeim. Myndirnar eru í fartölvunni og ég nenni ekki að taka hana úr töskunni, hún er búin að vera í töskunni síðan við komum úr sveitinni, en við fórum einmitt í sveitina á fimmtudag og komum heim á föstudag aftur. Það var gott að komast aðeins úr borginni.

Annars hef ég eitthvað lítið að segja hérna. Segji þetta bara gott í bili. Hafið það gott elskurnar.

Kv. Linda litla.

p.s.

By the way, til hamingju með bjórdaginn. Hann er 20 ára í dag.