Dagur ársins....... eða hvað ?

 

jæja......þar kom að því.

 Vildi bara láta ykkur vita af því að ég er víst orðin 37 ára í dag !!!

Kv. Linda litla gamla......

Gleðileg jól elsku vinir.

Jæja, þá er aðfangadagur kominn. Það er búið að vera mikill spenningur í gangi á mínu heimili, sem betur fer er dagurinn skollinn á.

Við fengum gefins jólatré, Guðrún www.kruttina.blog.is gaf okkur tré og er það stærsta jólatré sem að ég hef haft, mér hreinlega líður eins og ég sé á Austurvelli á jólahátíð það er svo stórt. Kormákur og Skjöldur skreyttu það svo og settu á það seríur. Kormákur er svooooo ánægður og þakklátur fyrir tréð að það er alveg yndislegt. Takk kærlega fyrir þetta Guðrún mín, þér tókst svo sannarlega að kæta lítið hjarta með þessu.

Þarna eru Kormákur og Skjöldur uppstilltir við tréð eftir að þeir voru búnir að skreyta það.

Núna bíðum við bara eftir jólunum, sérstaklega Kormákur. Hann á mjög erfitt með að bíða eftir að mega opna pakkana. Þökk sé sjónvarpinu, það styttir biðina fyrir blessuð börnin.

Á morgun verð ég svo árinu eldri..... það er ástæðan fyrir því að mér finnst að það ætti að sleppa jóladegi...... mér finnst að annar í jólum ætti að vera á eftir aðfangadegi. he he he

Elsku vinir..... megi jólin vera tími okkar allra til að eyða í faðmi fjölskyldunnar. Hafið það eins gott og mögulegt er, njótið ykkar og slakið á.

Gleðileg jól :o)

Þökk sé þeim.

Hátt í fjögur hundruð fengu úthlutað í gær jólamat frá samstarfsverkefni mæðrastyrksnefndar, Hjálparstarfs kirkjunnar og Reykjavíkurdeild Rauða kross Íslands. Enn eru eftir úthlutanir hjá þeim í dag og á mánudag. Mig minnir að ég hafi heyrt að úthlutanir haffi byrjað á þriðjudaginn síðasta. Það er mikið um að fólk hefur ekki efni á jólunum þetta árið.

Hugsið ykkur...... það eru fleiri hundruð manns sem sækja um aðstoð. Heimur harðnandi fer.

Ég vona að allir eigi eftir að eiga gleðileg jól. Jólin eru tími sem að við eigum að vera í faðmi fjölskyldunnar og líða vel. Sorglegt að vita samt til þess að það á ekki eftir að vera þannig hjá öllum. En við skulum samt gera okkar besta.

Ég fór með Maríu í gær að láta setja rör í Hjörleif Mána og gekk það alveg svakalega vel.

Jæja, segjum þetta gott.

Hafið það gott elskurnar...... ;o)

Kv. Linda litla þakkláta fyrir allt það góða í lífinu.

Hundruð mæta í hverja jólaúthlutun

Án orða.

Það styttist.....

Hæ hæ long time no see :o)

Það styttist óðum í jólin, og þau koma hvort sem við erum tilbúin fyrir þau eða ekki. Hjá mér eru erfiðir tímar eins og hjá mörgum öðrum.

Ég fór í Hjálpræðisherinn í gær og fékk þar föt á Kormák fyrir jólin og hann var ánægður með þessi föt (þökk sé þeim sem að átti þau).

Síðustu dagar eru búnir að vera svolítið erfiðir, ég er búin að vera svo slæm að asmanum að ég ákvað á mánudag að panta mér tíma hjá lækninum mínum ( sem virðist aldrei vera hægt að fá tíma hjá) og auðvitað var mér sagt að það væri allt fullt og hvort að þetta væri áríðandi, ég sagði "já, þetta er áríðandi". Fékk að tala við hjúkrunarfræðing sem gaf mér svo tíma hjá lækninum mínum. Það var mælt hjá mér súrefnið og fæ ég ekki nóg af því. En þetta er allt að koma, hóstinn orðinn mikið minni en er samt mikill ennþá.

Óþolandi hvað þetta er búið að vera skelfilegur desember og samt er mánuðurinn rétt að byrja, farin að fá kvíðaköst líka. Það finnst mér erfitt, þar sem að ég er búin að vera án þunglyndislyfja síðan í sumar og hélt að ég væri orðin góð andlega, en greinilega ekki þegar erfitt er, þá tekur á.

Nú ég vil minnast elsku Palla frænda sem dó 9 desember og var jarðsettur síðasta laugardag 13 desember. Blessuð sé minning hans, útförin var falleg en erfið. Það er alltaf erfitt að kveðja þá sem að okkur þykir vænt um. En elsku Palli var orðinn mjög veikur og við vitum öll að honum líður betur núna þar sem hann er kominn í faðm þeirra ástvina sem farnir eru.

Hjörleifur Máni ömmumús er að fá rör í eyrun í dag, ég býst við að ég fari með Maríu þegar þau verða sett í, hún var eitthvað að tala um það í gær hvort ég gæti komið með þeim.

Jólaballið hjá Kormáki er í dag og stofujólin hjá honum á morgun. Ég þarf einmitt þegar ég er búin að henda smá væli hér niður að drífa mig í að stytta buxurnar sem að ég fékk hjá Hjálpræðishernum svo að hann geti farið í þeim.

Ég vaknaði klukkan 05:08 í morgun og ég gat ekki sofnað aftur, upp úr hálf 6 þá ákvað ég bara að fara á fætur. Núna sit ég og pikka inn þessar línur eða á ég að segja pistil he he he he he  og drekk kaffi.

Jæja, hafið það gott elskurnar og farið vel með ykkur.

Sjáumst hér á blogginu...... hvenær sem það verður næst, ætla að reyna að taka mig aðeins á hérna.

Kveðja til ykkar elsku vinir. Knús á þig Brynja mín bloggvinkona.

Kv. Linda litla sem kvíðir jólunum.

Í gegnum tíðina.

Nine Inch Nails og lagið: Something I can never have.

Guns´n´roses og Elton John: November Rain.

Alice Cooper: Hell is living without you.

Aerosmith: Dream on.

Sex Pistols: My Way.

Þetta eru fáein lög sem hafa verið í uppáhaldi í gegnum tíðina.... fleiri seinna.

 

Þetta er Ísland í dag......... því miður :o(

Það er bæði sorglegt og gott að sjá þessa frétt. Það er sorglegt að fólk sé á þessum stað í lífinu og að barist sé um að fá húsaskjól. Ekki lítur Sigrún vel út, blá og marin og bólgin í andlitinu.

En gott að sjá að eitthvað er að gerast í þessum málum, það er byrjað að koma heimilislausum eða utangarðsfólk einhvers staðar í húsaskjól.

Ég ætla svo sannarlega að vona að eftir eigi að reisa fleiri svona húsaskjól fyrir fólk. Þetta er ekki fullkomin íbúð, en þetta er hlýtt og er heimili.

Á þessum árstíma er hræðilega erfitt fyrir fólk að finna sér skjól, það er kalt og gámar, kassar, húsasund og undir bílum heldur ekki á fólki hita.

Kaffistofa Samhjálpar var á besta stað í bænum, á Hverfisgötunni. Það ætti einmitt að vera kaffistofa í miðbænum, þeir sem eru á götunni eru mest á vafri í miðbænum. En nú er kaffistofan ekki þar lengur, er ekki viss um hvar hún sé núna, finnst samt eins og hún sé í Árbænum, ekki viss samt. En gamla staðsetningin var best.

Ég vona að allir fái inn um jólin og allir fái mat, ég vil reyndar að allir fái húsaskjól en yfir hátíðirnar umfram allt.

Farið vel með ykkur og ekki gleyma að biðja fyrir þeim sem minna mega sín.

Kv. Linda litla.

Slegist um smáhýsi götufólks

farin......

Jæja, ég er rokin í ræktina.

Bææææææææææææ............