Mér líður eins og mér líður......

Dagurinn byrjaði vel hjá mér, ekkert nema orka og aftur orka, þvoði þvott eins og geðsjúklingur (eins og ég er). En um hádegið fékk ég nóg og gat ekki meir, og fór í rúmið og í hugleiðslu, svo dottaði ég í smástund. Pabbi minn kom svo og sótti mig og keyrði mér til læknis. Það gekk ágætlega, lægri mörkin á blóðþrýstingnum voru í hærra lagi, púslinn og hár og svo er ég andstutt og móð en það tengist kvíða. Ég á að halda áfram á Prozac-inu og það á að bæta við öðru lyfi, Wellbutrin Retard. Vona að það fari svo að virka sem fyrst.... er reyndar ekki byrjuð á því þar sem að það var ekki til í apótekinu hérna. En vonandi verður það komið á morgun. Eftir læknatímann fór ég í búðina að kaupa nesti fyrir skíðaferð hjá Kormáki á morgun, það tók frekar á að fara á meðal fólks... sumir spyrja um líðan mína og stundum finnst mér fólk horfa á mig. Ég alla vega þurffti að byrja á því að taka róandi þegar ég kom heim og er svona þokkalega að ná mér niður, held að ég taki því rólega núna.
Mér líður eiginlega ekkert of vel núna, kannski ætti ég bara að skríða aðeins upp í með honum Bert mínum, aldrei að vita nema ég fái Kormák minn til að koma með mér og lesa bara fyrir mig, mér finnst það notalegt, þá get ég legið með lokuð augun og slakað á.

Athugasemdir

[Guðný Einarsdóttir, 17.4.2012 kl. 17:13]

Þú ert sterk Linda mín,þú hefur að koma þér út úr þessu ég veit það,Lífið leikur fólk misvel,þú átt skilið að lífið fari um þig mildum höndum þú sem ert alltaf svo góð við allt og alla...Allavega takk fyrir að vera vinkona mín

[Aprílrós, 17.4.2012 kl. 18:23]

Ég er svo þakklát að hafa kynst þér Linda mín, þú ert alveg einstök og þú ert góð vinkona og vinur.

[Linda litla, 17.4.2012 kl. 19:45]

Takk fyrir dúllurassarnir mínir, veit að ég get verið erfið, en þið eruð ekki með fordóma og takið mér eins og ég er.... lovjús..