Vonandi brilliant helgi framundan.

Vikan að verða búin... mikið líður tíminn, ágúst lok og það er byrjað að frjósa. Get ekki sagt að ég sé mjög ánægð með það, en ætli ég ráði ekki minnstu.

Nú dagurinn í dag er ekki alveg búinn að vera sá besti, búin að sofa mikið og hef ekkert farið  út. Ætlaði mér að fara út, en svo varð ekkert úr því hjá mér, kom mér ekki alveg í það.

Skólasetning hjá Kormáki í fyrramálið og ég ætla að sleppa því að fara, held að ég sé ekki alveg að höndla slíkan fjölda eins og verður þar, samt er ég nú held ég á bataleið, á leiðinni upp úr helv.. holunni. Hugsa samt stundum að mér líði eins og jojo-i, þar getur verið mikill dagamunur á mér. Ég er búin að eyða megninu af deginum í rúminu eða í tölvunni, reyndi smá að vera dugleg en það gengur svona upp og ofan.

Það er smá upplyfting hjá mér framundan, á morgun fer ég í höfuðborgina að versla skóladót, svo skipti ég um föt, fer á JET BLACK JOE tónleika í Operunni sem að Vigga mín bauð mér á og svo brunum í á Snæfellsnesið í alvöru sumarbústað þar sem er ekkert símasamband, ekkert rafmagn..... bara friðsælt og notarlegt. Tek bara með mer prjónana og lestrarefni og slaka á og vona að þessi ferð verði geðbætandi, það á að rigna en það skiptir ekki máli. Það er búið að koma til tals að fara í berjamó í rigningunni, þ.e.a.s. ef að það er ekki búið að frjósa mikið þarna þá hljóta berin að vera orðin ónýt.

 Kormákur ætlar að eyða  helginni með systur sinni, Hemmi Gunn ætlar að gista hjá Langafa og langömmu og Kisa Mín verður heima en Inga ætlar að kíkja á hana reglulega og hleypa henni út og veita henni einhvern félagsskap.

Er annars orðin þreytt og lúin, ekki alveg eins og ég á að vera og ætla því að koma mér undi feld. Góða nótt kæru lesendur og njótið helgarinnar.

Knús og kram...

Kv. Linda litla lúna  letidýr.

Athugasemdir

[Ásthildur Cesil Þórðardóttir, 31.8.2012 kl. 10:04]

Bara fínt að vera latur þegar við erum að ná okkur upp úr veikindum.  Þetta er frábært hjá þér, verslunarferð og tónleikar og svo sumarbúsaður, hvað er hægt að hafa það betra Linda mín.  Góða skemmtun