Hvar eiga vondir að vera ?

Það eru í gangi viðgerðir á blokkinni minni hérnaí fellunum. Á fimmtudaginn í síðustu viku, þá voru svalarhandriðin söguð af svölunum, þar sem að það er stóhættulegt að hafa ekkert svalarhandrið var neglt fyrir dyrnar utan frá. Sem sagt, ég er læst inni, sem að er ekkert mál, nema ég er alltaf og þá meina ég alltaf með opið út á svalir hjá mér, ég er að reyna að reykja alltaf úti og nú er ekki einu sinni hægt að gera það lengur. Ég er ekki ósátt við þetta, nema að einu leiti. Það er að koma miðvikudagur og mennirnir hafa ekki sést síðan þetta var brotið niður, af hverju í andsk.... var verið að saga þetta niður strax ef ekki á að gera meira á næstunni ? Ég reyki út um gluggann á svefnherberginu mínu og mér finnst það alveg ömurlegt, verð síðan að sofa í því. Hann Patti minn vill fara út á hverjum degi, núna siturhann fyrir utan svaldyrnar og grætur og ég get ekki hleypt honum út. Ég ætla svo sannarlega að vona að þeir fari að halda áfram með þetta.

Eins og ég segi....... hvar eiga vondir að vera, við annar flokkurinn sem reykir.

María og Músi komu í dag og við fórum á rúntinn og ég keypti skírnargjöf handa honum, en það á einmitt að skíra hann á fimmtudaginn. Ég keypti handa honum Hokus Pokus stól og er bara ánægð með mig að hafa gert það.

Annars fórum við Kormákur á stúss í gær og fórum meðal annars í Mjóddina að kaupa páskaegg, fórum með bréf í póst sem að hann var að skrifa ömmu sinni á Hellu og svo fengum við okkur súpu í bakaríinu. Að þessu loknu skelltum við okkur með strætó heim á leið.

Nóg í bili, takk fyrir innlitið og endilega kvittið hjá mér svo ég sjái hver leit við . Góða nótt og sofið þið vel elskurnar mínar. Kv. Linda litla

Athugasemdir

[Agnes Ólöf Thorarensen, 19.3.2008 kl. 08:44]

kvitt,kvitt,

[grannakona (IP-tala skráð) 19.3.2008 kl. 11:40]

Ef þér finnst ógeðslegt að sofa í eigin síkarettulykt hvernig væri þá að hætta bara þessu ógeði!

[Linda litla, 19.3.2008 kl. 11:58]

Úfff... það er hægara sagt en gert. En ég stefni að því að hætta að reykja og það verður ekki langt þangað til. Þú reykir greinilega ekki hehehe finnst þér samt ekki óþægilegt að vera lokuð svona inni ??

[Jóna Á. Gísladóttir, 22.3.2008 kl. 11:56]

Gvöööð hvað barnið er fallegt.

Ekki góð tilfinning að láta negla fyrir hurðina hjá sér, og svo hverfa bara mennirnir á brott. Óþolandi.

Svo finnst mér þetta örlítið skrítin spurning: ef þér finnst ógeðslegt að sofa í sígarettulykt afhverju hættirðu ekki? Svipað og: ef þér finnst ógeðslegt að sofa í bjórlykt afhverju hættirðu þá ekki?

knús inn í páskana