Meira um pólverja.

Ég má til með að segja ykkur að ég er ekki með fordóma gagnvart pólverjum né öðrum hér á landi og þeir sem þekkja mig vita það, ég er reyndar alveg laus við það að vera með fordóma yfirhöfuð. Nema Nýlendan okkar (Ísland) er orðin alveg full af útlendingum, engir fordómar, mér finnst bara þetta vera orðið ágætt og finnst að það ætti að fara að stöðva innflytjendur. Aldrei þess vant, þá horfði ég á sjónvarp áðan hehehehe já Linda litla settist við sjónvarpið og horfði á Kastljós. Þar var viðtal við pólverjann sem er eftirlýstur hjá Interpol, mér fannst þetta reyndar ekki vera viðtal, þetta var eins og yfirheyrsla. En það skiptir ekki máli. Nema hann neitar öllum sakagiftum maðurinn og segist aldrei hafa komist í kast við lögin hér á landi og einu sinni verið dæmdur í sínu heimalandi fyrir þjófnað. Að viðtalinu/yfirheyrslunni loknu þá er rætt við lögregluna, þá kemur nú í ljós að maðurinn hefur komist í kast við lögin hér á landi. Hann þvertók fyrir allt í sinni yfirheyrslu en löggan sagði aftur á móti allt annað. Það er erfitt að reyna að afsaka útlending eins og þennan, það getur verið svolítið erfitt að vera hlutlaus eða fordómalaus.......

Ég vil manninn úr landi og hana nú.

Hvað með sakarvottorð ?? Er ekki hægt að láta útlendinga sýna sakarvottorð áður en þeir fá leyfi til að koma inn í landið ? Ef að þeir eru á sakaskrá, þá er hægt meta það áður en að þeim er hleypt inn, eftir því sem sakarvottorðið segir ??

Veit ekki, ég reyni yfirleitt alltaf að hafa sem minnstu skoðun á hlutunum til að ergja eða pirra ekki neinn. Ég er svo "góð" að ég vil ekki segja neitt slæmt um neinn, svo að engum verði illa við mig, eða hafi ekki neitt á mig. Ég held að þetta sé eitthvað sem að ég þarf að fara að vinna í mér. Það er ekki gott að vera svona, ekki gott að vera ég í dag.

Er ég að bulla, eða er eitthvað til í þessu ??

Athugasemdir

[Guðný Einarsdóttir, 14.4.2008 kl. 21:17]

Það er sko mikið til í þessu,það þarf nú ekki mikið tilefni til að við þurfum að sýna sakavottorð, ÉG ER ALGJÖRLEGA SAMMÁLA ÞÉR,það á að fara að loka fyrir innflytjendur

[Gunnar Gunnarsson, 14.4.2008 kl. 21:23]

Samála þér hér er aðgerða þörf í þessum málum.

[Linda litla, 14.4.2008 kl. 21:37]

Það bara hlýtur að vera hægt að aðhafast eitthvað í þessum málum. Ég hef heyrt að Ísland sé kallað "litla Pólland".

[Ásthildur Cesil Þórðardóttir, 14.4.2008 kl. 22:09]

Hér er margt gott fólk frá Póllandi og öðrum löndum.  En það þarf að koma í veg fyrir að mafíósar og glæpamenn komi hér og setji allt á annan endann.  Til þess þarf að loka Shengen, og fara að krefja menn um sakarvottorð.

[Hrönn Sigurðardóttir, 14.4.2008 kl. 22:59]

Hvað þýðir það að komast í kast við lögin?

Getur það ekki þýtt allt frá því að lögreglan hafi afskipti af mér vegna þess að þeim finnist ég vera úti of seint og upp í að vera grunuð um eitthvað álíka alvarlegt og morð?

Mér finnst þetta afskaplega loðið allt saman og teygjanlegt! 

Svolítið fyndið líka að fylgjast með umfjöllun fjölmiðla um þetta mál! Fyrst var maðurinn úthrópaður sem eftirlýstur í sínu heimalandi fyrir hrottalegt morð - nú er hann titlaður meintur morðingi..........

Ég segi enn og aftur! Aðgát skal höfð í nærveru sálar og hver og einn hlýtur að vera saklaus uns sekt er sönnuð!