Allt frá ömmubarni upp í blokkarviðgerðir.

Þetta er búið að vera frekar þreyttur dagur, búin að vera með hálfgerðann hausverk í allan dag. Ég er fegin að það er komið kvöld, þá get ég kannski sofið þetta úr mér. María og Hjörleifur komu í dag og ég fékk að passa ömmumúsina mína á meðan mamman fór til tannlæknis.

Við fórum svo á þvæling þegar að María kom aftur. Fórum í Sorpu þar sem að blankheitin eru svo mikil þessa dagana, ágætt að fá þar smá pening til að nota í Bónus, fór einmitt þangað að kaupa fyrir Tumi Dekurdós og Patta húsbóndahollan.  Fórum líka í Toys´R´us þar sem að María var að skipta gjöf sem að Hjörleifur hafði fengið. Krúttinu var stillt fyrir framan spilaóróa og sat hann þar og horfði og hlustaði á með aðdáun.

Nú, það er eitthvað að ske í blokkarbreytingum hér í Unufellinu. Þeir eru búnir að henda upp hér fyrir aftan blokkina og lítur allt út fyrir að þeir séu að fara að byrja á svölunum.

Ég sat úti í svefnherbergisglugga í dag...... að reykja. Reyki út um gluggann á herberginu mínu þegar að Hjörleifur litli er hérna hjá mér. Nema að (ekki að ég hafi verið að forvitnast, ég bara var þarna) já, nema að fyrir neðan gluggann hjá mér voru 3 eða 4 menn að tala saman og greinilega var einhver þeirra frá Félagsbústöðum, þar sem að hann var að segja til að það yrði að setja ný grindverk og gera þetta vel.... frábært, blokkin og í kringum hana verður örugglega flott og snyrtilegt í sumar, Þ.e.a.s. ef að það verður ekki allt mölvað og brotið það sem verður sett nýtt.

Ég átti von á konu frá heimilishjálpinni í dag, en hún átti að koma að meta mig og íbúðina klukkan 10..... ekki birtist konan, hún hringdi svo seinni partinn og sagðist hafa ruglað dögum. Þannig að hún kemur til mín á fimmtudag, vonandi fæ ég það gott mat að það verði gengið í það helsta hérna hjá mér s.s. skúringar, þurrka af og wc. Þá er ég sátt.

Jæja, klukkan að verða 11 og held að það sé best að fara að koma sér í bólið. Prinsinn á heimilinu á afmæli á morgun, en það verður ekki haldið upp á afmælið fyrr en aðra helgi.

Takk fyrir lesninguna, og bara fyrir allt í dag. Góða nótt og sofið þið vel, það ætla ég að gera þegar ég er búin að fara einn blogghring.

Kv. Linda litla hamingjusama mamman og amman.

Athugasemdir

[Emma Vilhjálmsdóttir, 16.4.2008 kl. 01:17]

Kunnuglegt hverfi sem þú býrð í .  Ég er úr Breiðholtinu líka. 

Litli snáðinn er fallegur, en þú ert ansi ung amma! 

Af hverju þarftu heimilishjálp?  Ertu slæm í baki?  (þarft ekkert að svara frekar en þú vilt)

[Linda litla, 16.4.2008 kl. 06:54]

Hæ Emma og takk fyrir að vilja vera bloggvinur minn.

Ég er öryrki, er baksjúklingur. Með þrjú brjósklos að baki og tvær aðgerðir, ekkert gengur að laga neitt. Eftir síðasta brjósklos, sem gekk til baka, skildi það eftir sig ónýta taug í fætinum sem veldur því að vinstri fóturinn á mér er dofinn alveg niður í þrjár tær.  Svo hef ég verið mikill þunglyndissjúkllingur í mörg, og taugakerfið búið að fara. Núna er andlega hliðin á góðri uppleið, það er verið að trappa mig niður af geðlyfjum, enda líður mér súpervel andlega.

Úffff... ætli ég sé ekki búin að hella nógu yfir þig í bili. hehehe

Hverfið sem að ég bý í er Unufellið, ert þú líka hérna í fellunum ?