Var nærrum dauð úr níkótínskorti......

Ég hentist út áðan, það var neyðarástand á heimilinu..... Linda litla var sígarettulaus. Hentist því í pólsku búðina, keypti kattamat, pepsi max og winston.

Var svo varla komin út úr búðinni þegar að ég kveikti mér í . Tók því aðeins rólega þarna fyrir utan, að rettu lokni lá leiðin inn í bakaríið, besta bakaríið í bænum (bakaríið í fellunum) þar sem þjónustan er í fyrirrúmi og afgreiðslufólkið alveg hreint frábært. Þar settist ég niður með einhvers konar rúnstykki með grænmeti, skinku og osti og gúffaði því í mig með hreinum trópí og las morgunblaðið.

Veðrið er alveg yndislegt, blankalogn og hlýtt. En ég er samt að spá í að halda mig innandyra megnið af deginum, er ennþá að kafna úr hósta.

Ég hringdi í www.kaka.is í morgun og pantaði afmælistertuna fyrir Kormák, en það er einmitt 20 manna STAR WARS terta. Ég mæli með þessum stað. Þegar að Hjörleifur Máni var skírður þá var skírnartertan einmitt keypt hjá þeim og hún var alveg ofsalega falleg.

gúddbæ í bili.