Er ég orðin sjaldséður svartur svanur eða hvítur krummi ??

Ég kom heim í dag, er búin að vera fyrir austan undanfarna daga. Það er alltaf gott að koma heim til sín. Fór í fermingarveislu á fimmtudaginn hjá honum Aroni Nökkva og var það flott veisla, hefði nú reyndar viljað sjá móðurfjölskyldu hans þar líka þar sem að við Arna mamma hens erum mjög góðar vinkonur. Hef aldrei skilið af hverju fólk getur ekki haldið sameiginelga fermingarveislu fyrir börnin sín þó að þau séu skilin. Mín skoðun og hana nú.

Jæja, annars er ég búin að vera drullulasin í maganum síðustu viku, skil bara ekki hvað þetta ætlar að vera lengi í mér, ég virðist ekkert mega setja ofan í mig, ég skila því innan hálftíma aftur. Ég er orðin soldið pirruð á þessu. Kormákur var lasinn í maganum í dag í skólanum og sagðist hafa verið það um helgina líka hjá pabba sínum, held að það hefði ekkert átt að senda hann í skólann svona lasinn. Hann sofnaði ekki fyrr en um miðnættið þetta grey þar sem hann er bara búin að vera sitjandi á klósettinu með vaskafat í fanginu. Og grét svo af verkjum. Hann er ekki að fara í skólann á morgun, það er nokkuð ljóst.

Það er búið að vera svo mikið að gera hjá mér síðan á fimmtudag síðasta að ég hef hreinlega ekki gefið mér tíma í að blogga eða kíkja í tölvu. Mikið ofsalega held ég að þið hafið verið hamingjusöm með að neyðast ekki til að lesa ruglumbullið í mér á meðan.

Ég fór í smá hjólreiðatúr í kvöld og þegar ég kom heim aftur þá skoðaði ég blokkina, það gengur rosa vel með yfirbygginguna á henni, það er kominn rammi utan um hjá mér, reyndar ekki gluggi.... en þetta er svo sannarlega að gerast. Býst við að ég hendist út með myndavélina á morgun að taki myndir af herlegheitunum og leyfi ykkur að fylgjast með. Ég þarf hvort eð er að labba niðrí Mjódd í banka, ætla samt að taka strætó til baka heim og hjóla svo að heiman í Bónus.

Hvað á ég að kaupa... hvað er gott við svona endalausri magapest sem ætlar engan endi að taka ? Einhver ?? Það hlýtur einvher að vita eitthvað gott ráð.

Annars bara góða nótt og sofið vel elskurnar og munið eftir bænunum.

Athugasemdir

[Linda litla, 6.5.2008 kl. 01:30]

Takk Helga mín. Kaupi hana á morgun handa okkur mæðginunum. Vona að það virki, er orðin soldið þreytt á þessu. Takk

[Sporðdrekinn, 6.5.2008 kl. 01:55]

Ég held að það sé komin tími á læknir fyrir þig kona, það er komin allt of langur tími hjá þér með þessa magapest. Ef að þú ert ekki að halda neinu niðri þá fer nú bara að koma að því að þig vanti nauðsynleg steinefni, tala nú ekki um næringu.

[Ragna Fanney Gunnarsdóttir, 6.5.2008 kl. 08:23]

bara að kvitta fyrir innlitið......

[Hrönn Sigurðardóttir, 6.5.2008 kl. 08:50]

sjóða hrísgrjón og drekka seyðið! Drulluvont en virkar ;)

[Hrafnhildur Björk Jónsdóttir, 6.5.2008 kl. 09:46]

Er ekki kominn,tími á lækni? knús knús

[Brynja skordal, 6.5.2008 kl. 10:38]

úff þetta er orðin ansi langur tími með Magapest vonandi batnar ykkur bara strax mín kæra en ef ekki myndi ég kíkja á doksa!! En veit ekki hvað er best við svona hef samt heyrt um þetta sem Hrönn talar um og svo er víst gott að drekka Gatorade orkudrykk og borða þurt ristaðbrauð sendi ykkur bataknús inn í daginn Elskuleg

[Linda litla, 6.5.2008 kl. 11:05]

Takk fyrir öll þessi ráð. Ég var að skríða fram úr og ætla að henda mér í föt og skjótast í Mjóddina og fara í Netto. Var líka að tala við mömmu og hún sagði að við ættum að fá okkur sítrónu. Á tossalistanum mínum þennan daginn er :

Bláberjasúpa

AB mjólk

Hrísgrjón

Gatorate

Kattamatur

Kattasandur.

[Doddi - Þorsteinn G. Jónsson (IP-tala skráð) 6.5.2008 kl. 11:45]

Ég hélt alltaf að Coca Cola væri það besta ...

en ég sendi þér hlýjar batakveðjur, dúlla!