Skálað í lok verslunarmannahelgar.

Í síðustu færslun minni minntinst ég á árásina í miðbænum síðasta föstudag. En strákurinn sem varð fyrir árásinni hann leigði íbúðina mína á Helu fyrir einhverjum árum. Ég er að vinna með frænda hans og hans sagði að hann hefði farið í aðgerð á hendinni, en hann var bæði stunginn í bakið og lungun rétt sluppu en svo fékk hann líka stóran skurð á hendina, en læknarnir voru einmitt að reyna að tjasla saman sinum og vöðvum skilst mér. En hann slapp samt ótrúlega vel og ég held að hann eigi að fá að fara heim í vikunni, býst við að hann komi á Hellu, en þar er megnið af fjölskyldu hans, hann er frá Chile.

Jæja, en við mæðginin komum til Reykjavíkur í morgun með rútunni. Kormákur eyddi helginni með systur sinni og fjölskyldu og átti hann alveg frábæra helgi. hann sagði að þessi helgi hefði verið miklu skemmtilegri en helgar með mér he he he Guð minn eini hvað ég hlýt að vera leiðinleg.

Ég pantaði mér bók á netinu um daginn og hún kom með póstinum í dag. Þetta er bókin "BURT MEÐ DRASLIÐ" ég tek hana með mér í rúmið í kvöld. Ég kannski drullast til þess að taka til í skápunum, skúffunum og hillunum á heimilinu og henda einhverju af þessu drasli sem ég er alltaf að sanka að mér. Skil ekki hvað ég er alltaf mikill safnari, samt finnst mér ég alltaf vera að henda einhverju. Alveg er þetta ótrúlegt.

Við skáluðum í vinnunni eftir lokun í gær, það var reyndar ekki skálað í áfengi. Nei, þetta var óáfengt vín og það var bara nokkuð gott. Kormákur fékk að vera með og setti upp heldur skrítinn svip þegar að honum var rétt staup...... hann leit á glasið og svo mig hehehe og auðvitað mátti hann vera með. Jæja, en þetta var síðasti dagurinn hjá Hafdísi. Hún er að fara til Póllands á miðvikudaginn með kærastanum, það verður örugglega æðislegt hjá þeim.

Þessa mynd tók ég af liðinu sem var þarna eftir lokun. Starfsfólk, ættingjar og kúnnar.

Svo tók Kormákur aðra, þar sem að ég fékk að vera með á myndinni.

Og svo pósuðu "pæjurnar" í afgreiðslunni fyrir mig. Hafdís og Vigga.

Athugasemdir

[Ásdís Sigurðardóttir, 5.8.2008 kl. 13:59]

Eins gott að hann slapp með lífið blessaður drengurinn, óska honum góðs bata. Auðvitað fannst dúlludúsk mömmu sinnar meira gaman um helgina heldur en hjá þér, það er líka gaman á jólunum en ósköp gæti manni leiðs ef þau væru alltf. Ég er viss um að honum finnst þú lang best af öllum.   Hafðu það gott elskuleg.

[Jenný Anna Baldursdóttir, 5.8.2008 kl. 14:05]

Þetta ofbeldi er skelfilegt. 

[Hulla Dan, 5.8.2008 kl. 15:07]

Hata misþyrmingar og menn sem stunda þær. Vona að vinur þinn nái sér að fullu. Hlýtur að vera hrikalegt að lenda í svona árás. Jesús Pétur!

Skál (í óáfengt) og hafðu það gott.

[Guðný Einarsdóttir, 5.8.2008 kl. 21:07]

Flott þetta ....SKÁL FYRIR ÞVÍ

[Hrafnhildur Björk Jónsdóttir, 5.8.2008 kl. 21:20]

Gott þú ert komin aftur.

[Maja frumburður (IP-tala skráð) 5.8.2008 kl. 21:27]

hmmmm... það er ekki nóg að kaupa bók..... hmmmm.... og sofna yfir henni..... hmmmmm...

[Guðrún unnur þórsdóttir, 5.8.2008 kl. 23:40]

knús og kvitt þín Gunna

[Jóna Kolbrún Garðarsdóttir, 6.8.2008 kl. 02:40]

  Skemmtilegar myndir

[Sporðdrekinn, 6.8.2008 kl. 03:25]

Hey! Ég verð að fá að heyra meira af þessari bók, er nóg að opna hana og fer þá draslið?

Ég vona að ungi maðurinn nái sér fljót.