Svefninn sækir á mig endalaust, hvað er til ráða ??

Jæja gott kvöldið félagar. Þetta er búinn að vera frekar mikill letidagur hjá mér, fyrir það fyrsta þá drullaðist ég ekki á fætur fyrr en rúmlega hálf 3. Mikið var samt gott að sofa og vera latur he he he. Eyddi smá tíma í tiltekt, en samt allt of litlum. Án alls gríns, ég er að drepast úr leti og syfju, veit ekki hvað er með mig, ég virðist þurfa að sofa í 12-18 tíma. Þetta er eiginlega óþolandi. Jæja, við Kormákur fórum í hjólreiðatúr seinni partinn og VÁ !!!! ég var að springa, ég hélt hreinlega að ég myndi ganga frá mér endanlega. Ég var svoooo móð og svitinn vá, hann spratt á mér á ofsahraða. Guð minn eini hvað ég var fegin þegar við komum heim aftur og þá var ég búinn að ganga alveg fram að fótunum í hjólreiðatúrnum, ég hélt að ég kæmist ekki heim...... ég var næstum farin að gráta þegar ég kom í stigann og hugsaði "kommon, af hverju bý ég uppi á 3 hæð, af hverju er ég ekki á jarðhæð".

Annars er dagurinn bara búinn að vera fínn, þetta litla sem ég hef verið vakandi. Kormákur var duglegur að læra eftir kvöldmat, svo horfði hann smástund á imbann og fór svo inn að sofa.... Nákvæmlega HANN fór inn að sofa. Þetta hefur ekki skeð í ár og aldir, hann vill alltaf að ég komi með sér inn og við lesum saman´, hann er eitthvað smeykur við nóttina. Nema núna fór hann inn þegjandi og hljóðalaust og ég heyrði bara allt í einu að hann var inni í herbergi að lesa, hann var örugglega að lesa fyrir kettina, því að aldrei þess vant þá fóru þeir inn með honum.

María og Hjörleifur koma á morgun, býst við því að þau komi fyrir hádegið. Veit ekki alveg hve lengi þau ætla að stoppa, en það kemur bara í ljós.

Jæja, segjum þetta gott í bili. Hafið það gott elsku vinir og takk fyrir lesninguna ef að þið nenntuð að lesa þetta. Góða nótt og farið varlega inn í nóttina.

Kv. Linda litla svefnpurrka.

Athugasemdir

[Elín Sigríður Grétarsdóttir, 2.9.2008 kl. 23:37]

ef þú hreyfir þig meira, verðurðu minna þreytt ... ég nenni ekkert að hreyfa mig þessa dagana (vikurnar) og er þess vegna alltaf syfjuð

[Linda litla, 2.9.2008 kl. 23:42]

Ég á bara svo hræðilega erfitt með að koma mér á fætur...... veit að ég verð að hreyfa mig. Þarf að gera eitthvað í þessu sem fyrst.

[Sporðdrekinn, 3.9.2008 kl. 04:43]

Kannast því miður allt of vel við þetta, hjá mér er valdurinn þunglyndi.

Ég vona að morgundagurinn færi þér orku!

[Aprílrós, 3.9.2008 kl. 07:50]

Já ég held að allir eigi við þennan vanda einhverntímann á ævinni , ég fer í göngutúr helst strax eftir vinnu hjá mér.