Réttir og rigning....

Ég er stödd á Hellu núna. Það voru Reyðarvatnsréttir í dag, og þar sem að þetta veður getur ekki hagað sér almennilega þá er ég viss um að í þetta skiptið var bara fólk í réttunum sem að þurfti að vera þar. Það hafa nenfilega margir gaman af því að fara í réttir og taka þátt, en örugglega ekki margir í dag sökum veðurs.

Brjálað rok..... úrhelli, er málið á Hellu í dag. Ég er fegin að ég þurfi ekki að vera eitthvað úti, þar sem að ég á ekki pollagalla.

Ég átti mjög gott kvöld í gærkvöldi með mömmu, við spjöllaðum til miðnættis. Og í morgun héldum við áfram að kjafta. Það er gott finnst mér þegar maður á foreldra til að tala við, þá á ég við að það eru ekki allir tengdir sínum foreldrum. Það var ekki gott samband okkar á milli út af minni neyslu, en það er orðið allt annað núna. Og er sambandið búið að vera að styrkjast í allt sumar.

Núna skín "gula fíflið" enda réttirnar búnar. Ekkert réttarball á Hellu þetta árið, Hellubúm til mikillar ama. Það er annars mjög skrítið hérna á Hellu, það virðist vera svo mikið mál að fá leyfi fyrir balli hjá sýslumanninum, virkar eins og það sé verið að drepa niður allt skemmtannalíf hérna smátt og smátt.

Jæja... nóg um það, ég fer hvort eð er ekki á böll hérna og mér er eiginlega sama sjálfri en leiðinlegt fyrir þá sem að langar að gera eitthvað stöku sinnum.

Hef a næs dei pípol.

Athugasemdir

[Aprílrós, 20.9.2008 kl. 17:44]

Góða helgi á Hellu í rokinu og rigningunni. Gott að kúra sig í sófanum í svona veðri. ;)

[Jenný Anna Baldursdóttir, 20.9.2008 kl. 19:21]

Það er bara ljúft að sitja inni í hlýjunni þegar veðurhamurinn geysar og kjafta við mömmu sína.

[Bergljót Hreinsdóttir, 20.9.2008 kl. 20:05]

[Sporðdrekinn, 20.9.2008 kl. 20:21]

Það er yndislegt að eiga gott samband við mömmu sína.

[Jóna Kolbrún Garðarsdóttir, 21.9.2008 kl. 01:19]

[Anna Guðný , 21.9.2008 kl. 12:05]

Þú átt mikið gott að eiga gott samband við mömmu þína. Mikið vildi ég gefa fyrir það stundum að eiga mömmu eða systur.Skrýtið að það breytist ekki þó ég eldist. Þarf jafnmikið á mömmu á halda í dag til að spjalla við.

Hafðu það gott ljúfan

[Guðný Einarsdóttir, 22.9.2008 kl. 00:05]

Gott að samband þín og mömmu þinnar er að komast í gott lag...

Þetta með ballið alveg óþvolandi það voru margir svekktir og hundfúlir þar á meðal ég,við vorum farnar að hlakka til vinkonurnar og frænkurnar að skemmta okkur smá og tjútta,en svona er lífið bara allavega á Hellu

[alva (IP-tala skráð) 22.9.2008 kl. 08:43]

já, hugsa sér að allt velti á einum manni - sýslumanni, svo ef hann er fúll, þá verður bara allt sveitarfélagið að vera fúlt...man eftir einum svona fúlum á Höfn í Hornafirði..hann er kannski ennþá, það mátti ekkert og allt drepið niður...voru ekki böll eða neitt í mörg ár..

[Emma Vilhjálmsdóttir, 22.9.2008 kl. 15:45]

Ég verð að taka undir það með þér, að náið samband við foreldra manns, eru flestum afar mikilvæg og dýrmæt.  Sem betur fer erum við mamma mjög nánar og við pabbi minn heitinn vorum bestu vinir. 

Ég fór á réttarball á Hellu fyrir nokkrum árum síðan og verð bara að viðurkenna að það var ekkert varið í það, miðað við önnur rétta- og sveitaböll.  Hins vegar eru Töðugjöldin alltaf mjög skemmtileg og létum við okkur að sjálfsögðu ekki vanta þangað í ár.  Brekkusöngurinn hér áður fyrr var þó miklu skemmtilegri en í ár. 

Gangi þér vel