Söknuður-nýr texti, varðandi þjóðarástand.

Mér finnst ég varla heill né hálfur maður
Og heldur blankur, því er verr
Ef væri aur hjá mér, væri ég glaður
Betur settur en ég er

Eitt sinn verða allir menn að borga
Eftir bjartan daginn kemur nótt.
Ég harma það, en samt verð ég að segja,
að lánið fellur allt of fljótt.

Við gátum spreðað, gengið um,
gleymt okkur í búðunum.
Engin svör eru við stjórnarráð
Gengið saman hönd í hönd,
Saman flogið niður á strönd.
Fundið stað, sameinað beggja lán.

Horfið er nú hlutabréf og lánsfé
Í veski mínu hefur eymdin völd
Í dag ræður bara sultarólin
Nú einn ég sit um skuldavönd

Eitt sinn verða allir menn að borga
Eftir bjartan daginn kemur nótt.
Ég harma það, en samt verð ég að segja,
að lánið fellur allt of fljótt.

Ég horfi yfir bankann minn
Hugsi hvort hann hleypi mér inn
Ég alltaf gat treyst á þig
Í að fjármagna mig
Ég reyndar skulda allstaðar
Þá napurt er, það næðir hér
og nístir mig.

Athugasemdir

[Guðný Einarsdóttir, 9.10.2008 kl. 09:31]

Fékk þetta einmitt sent í gær..Þetta eru góðir textar

Passaðu þig á Kára í morgunsárið að hann feyki þér ekki um koll

[Gudrún Hauksdótttir, 10.10.2008 kl. 07:37]

KNús á tig inn í góda helgi

[Brynja skordal, 10.10.2008 kl. 10:13]

þjóðsöngur íslands þessa dagana eða hvað? Hafðu ljúfa helgi Linda mín