Nektarmyndir á netið...

Hún er hrædd um að nektarmyndir af sér fari að leka á netið...... ef að það myndu leka nektarmyndir af mér á netið, þá væri eitthvað að ske í mínu lífi. Mikið vildi ég að það væru finnandi nektarmyndir af mér á netinu NOT!!

Ætli þær myndu ekki líta svona út ??

Óttast að djarfar myndir af sér leki á netið

dótarí dótara.....

Það eru nú held ég ekki það mikið af börnum á Íslandi að það sé grundvöllur fyrir þrjár stórar leikfangaverslanir.

það er nú ekki langt síðan að það var nú bara nóg að hafa Leikbæ og svo Liverpool á Laugaveginum.

Allt í einu er svo allt fullt af þessum búðum og allar berjast fyrir því að fá sem flesta viðskiptavini. Og auðvitað rjúka allir íslendingar af stað í búðirnar og kaupa eins og brjálæðingjar. En þú kaupir bara ekkert endalaust af leikföngum.

Ég verð nú samt að viðurkenna það, að ég sé á eftir Leikbæ.... Mér finnst það svekkjandi að leikfangaverslun sem er búin að vera öll þessi ár verði að lúta fyrir erlendri leikfangaverslun ein og Toys´R´us. Hef reyndar heyrt að hún sé með langódýrasta dótið, en verður það áfram ódýrast þegar þeta er orðið eina verslunin ??

Jæja, við Kormákur erum a.m.k. á leiðinni þangað á eftir. En hann fór með systur sinni í Nóatún um helgina og sá þar Transformers úr sem að hann langaði í  og það kostaði rúmar 2000 krónur, en María sagði honum að það væri á 500 krónur í Toys´R´us, þannig að hann ætlaði að geyma peninginn sinn fyrir því.

Nóg komið af dótabúðarelling..... gúddbæ for a væl.

Leikfangakeðja úr sögunni

Skálað í lok verslunarmannahelgar.

Í síðustu færslun minni minntinst ég á árásina í miðbænum síðasta föstudag. En strákurinn sem varð fyrir árásinni hann leigði íbúðina mína á Helu fyrir einhverjum árum. Ég er að vinna með frænda hans og hans sagði að hann hefði farið í aðgerð á hendinni, en hann var bæði stunginn í bakið og lungun rétt sluppu en svo fékk hann líka stóran skurð á hendina, en læknarnir voru einmitt að reyna að tjasla saman sinum og vöðvum skilst mér. En hann slapp samt ótrúlega vel og ég held að hann eigi að fá að fara heim í vikunni, býst við að hann komi á Hellu, en þar er megnið af fjölskyldu hans, hann er frá Chile.

Jæja, en við mæðginin komum til Reykjavíkur í morgun með rútunni. Kormákur eyddi helginni með systur sinni og fjölskyldu og átti hann alveg frábæra helgi. hann sagði að þessi helgi hefði verið miklu skemmtilegri en helgar með mér he he he Guð minn eini hvað ég hlýt að vera leiðinleg.

Ég pantaði mér bók á netinu um daginn og hún kom með póstinum í dag. Þetta er bókin "BURT MEÐ DRASLIÐ" ég tek hana með mér í rúmið í kvöld. Ég kannski drullast til þess að taka til í skápunum, skúffunum og hillunum á heimilinu og henda einhverju af þessu drasli sem ég er alltaf að sanka að mér. Skil ekki hvað ég er alltaf mikill safnari, samt finnst mér ég alltaf vera að henda einhverju. Alveg er þetta ótrúlegt.

Við skáluðum í vinnunni eftir lokun í gær, það var reyndar ekki skálað í áfengi. Nei, þetta var óáfengt vín og það var bara nokkuð gott. Kormákur fékk að vera með og setti upp heldur skrítinn svip þegar að honum var rétt staup...... hann leit á glasið og svo mig hehehe og auðvitað mátti hann vera með. Jæja, en þetta var síðasti dagurinn hjá Hafdísi. Hún er að fara til Póllands á miðvikudaginn með kærastanum, það verður örugglega æðislegt hjá þeim.

Þessa mynd tók ég af liðinu sem var þarna eftir lokun. Starfsfólk, ættingjar og kúnnar.

Svo tók Kormákur aðra, þar sem að ég fékk að vera með á myndinni.

Og svo pósuðu "pæjurnar" í afgreiðslunni fyrir mig. Hafdís og Vigga.

Helgin gengin í garð...... góða helgi og BLESS.

Það er ekki óhætt að vera í göngutúr í Reykjavík á nóttinni það er alveg ljóst, held að það sé alveg sama hvar er í borginni. Ég myndi a.m.k. ekki fyrir mitt litla líf þora út seint á kvöldin eða á nóttinni. Vonandi finnast þessir þrír menn sem tengjast árásinni.

Annars er þetta bara kveðjublogg hjá mér, núna erum við mæðginin að yfirgefa höfuðborgina og skella okkur austur fyrir fjall. Kormákur ætlar að eyða verslunarmannahelginni með systur sinni og fjölskyldu, en ég ætla að eyða henni í Kanslaranum á Hellu.

Segi bara góða helgi elskurnar og farið varlega þið sem ætlið að fara eitthvað, passið ykkur í umferðinni. Reynum að eiga slysalausa helgi.

 

Árásarmanna enn leitað

Elizabeth Taylor, börn og barnabarn.

Talið er að frú Elizabeth Taylor eigi ekki langt eftir. En hún er búin að vera í öndunarvél síðan á miðvikudag eftir að henni hrakaði, en hún var greind með slæma lungnabólgu í síðustu viku. Hvað ætli hún sé annars gömul kjéllingin ?? Ég efast ekkert um það að Michael Jackson verður alveg ónýtur þegar Elizabeth deyr.

Annars er bara lítið að frétta af okkur Kormáki. María, Rúnar og Hjörleifur Máni komu í heimsókn í gær og auðvitað var alveg yndislegt að sjá litla ömmustrákinn sem er reyndar ekkert svo lítill lengur.

Maður er náttla langsætastur.

Frændurnir eru miklir vinir.

Krúttlegu mæðginin.

Og í lokin, fjórfætlingarnir mínir eru alveg búnir að fá nóg af þessari hitabylgju. Þeir fengu ís með rjóma í gær í boði hússins í tilefni hitans. Þeir eru hreinlega að kafna úr hita þessir elskulegu loðboltar mínir.

Elizabeth Taylor hætt komin

Veit þetta einhver ?? Komið með svarið..

Fyrirsögnin greip mig "4000 ára gamall brandari", ég er mikill húmorist, alltaf hlæjandi og hef MJÖG gaman af bröndurum og eru 5 aura brandarar það sem að ég hlæ mest af. En þessir gömlu brandarar sem eru taldir allt að 4000 ára gamlir...... úfff hvað ég er fegin að hafa ekki verið uppi þá. Þá væri ég ekki þessi gleðipinni og hláturmaskína sem ég er í dag.

Ekta fyndinn fimmaurabrandari að mínu mati hljóðar svona:

Hvað er með 8 fætur, 2 hendur, 3 hausa og 2 vængi ??

Giskið og skrifið svarið í kommentið hjá mér..... þið fáið svo svarið síðar ef að þið eruð dugleg að giska.

4000 ára gamall brandari

Mega fá sér smók á barnum....

Á þessum bar voru felldar niður reglur um reykingabann........ skrítið. Núna er ég reykingamanneskja og mér finnst bara fínt að það megi ekki reykja orðið inni allsstaðar. Er fólk ekki farið að venjast þessu ?? Reyndar er ansi langt síðan ég fór á bar, þannig að það er kannski annað mál og ég er ekki á leiðinni þangað.

Ég sem reykingamanneskja er sátt við reykingabannið. Mér finnst allt í lagi að reykja úti, og ég virði þetta. Reyndar held ég að reykingafólki fari mikið fækkandi, sem er auðvitað bara gott mál en ég er ennþá í þessum "annars flokks"hópi.

Hvað finnst ykkur reykingafólki um þetta ?? Eruð þið ósátt við það að það megi hvergi reykja orðið inni ?? Það er að segja ef að einhver reykingamanneskja les þetta.

 

Og rétt í lokin.... stjörnuspáin mín fyrir daginn í dag. En það er STEINGEITIN.

STEINGEIT 22. desember - 19. janúar
Það er ekki allir sem gera sér grein fyrir hversu mikla hæfileika þú hefur því hógværðin þín hefur falið þá. Leyfðu vinum þínum að monta sig af þér.

Þjóðverjum leyft að fá sér rettu á barnum

Heit þjóðhátíð framundan ???

Það skildi þó aldrei verða að þjóðhátíðin verði þurr frá upphafi til enda...... ég hef nú farið á nokkrar þjóðhátíðir á ævinni, reyndar ekki í mörg ár, en það hefur alltaf verið rigning einhvertímann yfir helgina og maður hefur verið að renna sér á rassinum niður brekkuna í drullunni og jafnvel spólað á leiðinni upp brekkuna og einnig fengið hjálp við að komast upp hehehe.

Það væri auðvitað frábært mál ef að þjóðhátíðin í ár yrði rigningalaus, þeirra vegna sem ætla að skella sér til Eyja sem eru víst nokkur þúsund eins og er á hverju ári. Ég skal alveg viðurkenna það að ég hef ekki eina einustu löngun í að fara á útihátíð. Ef að ég myndi fara eitthvað þá færi ég í sumarbústað og slakaði á í heitum potti og grillaði eitthvað gott. Held að aldurinn sé farinn að segja til sín hjá mér, enda komin vel á fertugsaldur og mörg ár síðan ég gerði eitthvað um þessa helgi.

Annars er þessi heiti dagur í dag ekki búinn að fara vel í mig, ég er búin að vera sveitt í allan dag, dösuð eitthvað og skrítin. Fannst þetta orðið svolítið óeðlilegt í kvöld svo að ég mældi mig og þá var ég með 39 stiga hita, það hlaut að vera þar sem að ég er búin að vera það léleg í dag. Ég hélt að það væri hitinn sem færi svona með mig, en greinilega ekki.

Aumingja fjórfættu strákarnir mínir eru alveg að gefast upp á lífinu... það er svo heitt hérna inn þó að það séu galopnir báðir svalargluggarnir og vifta í gangi ínni í stofu, þá liggja þeir út um alla íbúð alveg að kafna og fara svo öðru hvoru að fá sér að drekka, en ég er einmitt með vatn á tveimur stöðum fyrir þá í þessum hita svo að þeir þurfi nú ekki alltaf að fara inn til að drekka. Þeir liggja núna báðir úti á svölum og það er ennþá allt galopið út og hitinn hérna inni viðbjóður.

Jæja... segi þetta ágætt í bili. Hafið það gott elskurnar og passið ykkur á sólinni að brenna ekki.

kv. Linda litla lasna.

Hitamet slegið á Stórhöfða

Kynlífstæki kosta sitt....

Ja hérna... ekkert má. Það borgar sig sem sagt ekki að versla sér kynlífsleikföng þegar maður fer erlendis. A.m.k. ekki að kaupa sér handjárn eins og þetta par. Þau versla sér handjárn á 5000 krónur, eru stoppuð sektuð um 10.000 og handjárnin hirt af þeim.

Tekinn með kynlífshandjárn

Aðeins af geðsjúklingnum og fjölskyldu hans.

Mín skoðun á þessu máli er nú bara sú að það á að ganga frá manninum, stúta honum, leyfa honum að kveljast aðeins og leyfa svo fjölskyldunni að vera í friði. Megnið af henni er á sjúkrahúsi að fá hjálp. Það á bara að leyfa þeim að vera í friði og hætta að koma með fréttir og slíkt í fjölmiðla. Reyna að leyfa þeim að aðlagast án allra helv.. papparassanna, þeim líður víst nóg og illa fyrir.

Rosemarie Fritzl rekin út