Ingibjörg og Geir hvað ???

Ég get ekki skilið til hvers í ands....... Geir og Ingnbjörg eru að fara austur..... ætla þau að slökkva á skjálftasvæðinu ?? Held að þeim væri nær að sinna sínum málum, ætli þau taki sér kannski einkaþotu á leigu á skjálftasvæðið ???

Arg..... hef aldrei skilið þegar að pólítíkusar eru að heimsækja svona.... segjast vera að sýna stuðning... get ekki ímyndað mér að það sé mikill stuðningur í því.

Langar að benda fólki á síðuna, www.123.is/gardar þar sem að hann talar um skjálftann í dag og þann fyir 8 árum. Þar sjáið þið mun á viðbrögðum  við hjálp í skjálftanum.

Þessi mynd er einmitt tekin eftir skjálftann á þjóðhátíðardeginum árið 2000.

Geir og Ingibjörg Sólrún fara á skjálftasvæðið

Jarðskjálfti+Krónan+hauslaus maður........

Jæja, dagurinn byrjaði nú bara ansi vel, ég hentist á fætur um 10 skellti mér í sturtu og niður, það passaði María og ömmumús voru komin í bæinn og lent fyrir utan Unufellið. Þvílíka elsku krúttíbollan mín, það er held ég hálfur mánuður síðan ég sá hann Hjörleif síðast.

Hann er orðinn eitthvað svo stór og mannalegur eftir að María rakaði á honum höfuðið. En alltaf sama krúttíbollan. Jæja, leiðin okkar lá í nýju Krónubúðina í Lindunum sem átti að opna klukkan 11, lentum þar rétt rúmleg og ætluðum sko aldeilis að nota þessi frábæru tilboð sem voru þar í gangi...... en NEI.. við hættum við, þetta var biðröðin fyrir utan þegar þangað var komið.

Nú, við snérum við og ákváðum að kíkja bara í Smáralindina, geri reyndar ekki mikið af því að fara þangað., mér leiðist hún. En við kíktum m.a. í Söstrene Grene og þar keypti ég blómapotta fyrir nýju trén min og ég get sagt ykkur það að mér hefur alltaf fundist gaman að versla þana, ódýr og skemmtielg búð....... það eru breyttir tímar, ég ætlaði varla að tíma að kaupa þessa potta, þeir voru bara frekar dýrir og bara allt orðiðð dýrt þarna.

Nú þarna var maður sem að lá greinilega svo mikið á, að hann gleymdi bara hausnum á sér í búðinni.

 Jæja, kíktum í Debenhams, Hagkaup, Vodafone, Tiger og eitthvað fleira. Eyddum bara ágætis tíma þarna. Nú svo prófuðum við nú aftur að fara í nýju Krónuna, það var allt annað. Það var jú heljarinnar biðröð en það var bara biðröð í pylsurnar sem verið var að grilla fyrir utan.

Nú auðvitað var SÁÁ álfurinn keyptur, myndin bara frekar dökk.... æææ

Krónan er mjög flott og stór og úrvalið af grænmeti og ávöxtum er alveg til fyrirmyndar sérstaklega miðað við að þetta er lágvöruverslun og þeir hafa hingað til ekki verið að selja fallegasta grænmetið/ávextina. Það var allt fullt af tilboðum og fröken Króna gekk um og var að gefa fólki smakkerý.

Þetta var hin myndarlegasta Króna og sú skemmtilegasta sem að ég hef hitt og var meira að segja svo almennileg að leyfa mér að taka mynd af sér. Geri aðrar Krónur betur hehehehe Nú á leiðinni úr Kóðavoginum fannst mér alveg tilvalið að taka mynd af stærstu byggingu á Íslandi, það eru jú ekki allir sem hafa séð hana.

Byggingin minnir mig nú eiginlega svolítið á skakka turninn í Piza... ég var samt ekkert búin að drekka þegar ég tók myndina...... sver það.  Nú jæja.... núna lá leiðin heim í Breiðholt. Fórum upp með pakka og pyngjur og það var nóg af drasli til að bera upp. María fer að hræra graut fyrir Músa, hann borðar voða vel og svo bara drummmmmmmmm...... kom þessi jarðskjálfti. Ég fór aftur um 8 ár.... suðurlandsskjálftinn á Hellu þann 17 júní árið 2000. Þetta fannst mér heldur óþægilegt, en shit happens... þetta er jú bara jarðskjálfti, það er ekki eins og ég hafi ekki fundið hann áður.

Nú við fórum bara út og skruppum á rúntinn, þá lá leiðin til Brynju í Olís. Stoppuðum þar í dágóða stund að kjafta og hlusta á fréttirnar.

Þegar ég heyrði um styrkleikann þá hugsaði ég austur fyrir fjall, og fann mikið til með fólkinu þar. Ég hef upplifað þetta og það vil ég ekki öðrum, því að það er gífurleg hræðsla og ótti sem að fylgir þessu. Elsku íbúar þarna fyrir austan, þið eigið alla mína samúð og ég sendi ykkur styrk. Ég veit hvernig ykkur liíður. Ég vildi eiginlega að ég gæti bara farið í Hveragerði og hjálpað til í áfallahjálpinni. Ég var svooooo þakklát fyrir það að María og Hjörleifur hefðu komið í bæinn, af því að María er svo hræðilega hrædd við þetta og þá var nú betra að hún var hérna heldur en fyrir austan og það hjá mömmu sinni.

Jæja.... það verður víst að halda áfram að gera það sem þarf að gera... ég eldaði lambalæri í kvöldmat og buðum við Björk í mat þar sem að hún er jú ein af því að Bergur er farin í sumarfrí til pabba síns í Danmörku. Lærið var geggjað og sósan bara snilld hjá henni Björk og bæði fyrir of eftir matinn var sko dekrað og dúllað við litla sköllótta ömmustrákinn.

Þó að maður sé nú bara 4mánaða, þá er maður svo stór og duglegur og getur sko alveg setið og spjallað um lífið og tilveruna.

Elsku sunnlendingar.... ég sendi ykkur styrk og stuðning. Reynið að slaka á og þið sem sofið í tjöldum, fellihýsum, tjaldvögnum og þ.h. látið ykkur ekki verða kalt. LOV YA......

Linda litla.

Afmælisbarn dagssins.

Anna Bíbí frænka er afmælisbarn dagssins, hún er 4 ára í dag.

Hvar hafa þeir hægðir ?

Vá hehehe þetta er ekkert grín. Eina klósettið bilað. Það er víst alveg örugt að þeir stökkva eki út til að skreppa á kamarinn og enn síður út í runna. Hvað gera aumingja mennirnir ?? Mér finnst þetta eiginlega hálfhlægilegt en samt líka eiginelga hræðilegt..... ég vona a.m.k. þeirra vegna að þeir séu eins og ég..... ekki með lyktarskyn

Eina geimklósettið bilað

Sjóræningjar....

Ætli þessir sjóræningjar séu að koma frá Serbíu ?? Eru þetta þeir sömu og tóku þátt í Eurovision keppninni í Serbíu ?? Þeir eru örugglega styggir, enda gekk þeim heldur ekki of vel í keppninnni.

HEY HEY HEY HO HO HO !!!

Herliði sigað á sjóræningja

Hvernig væri að borga almennileg laun !?!?!?

Nei.. ekki samþykkja gagntilboð félags íslenskra hjuúkrunarfræðinga. Við skulum halda áfram þessu launamisrétti í landinu. Ég meina.... hjúkrunarfræðingar, hvað gera þeir ?? Hjálpa/bjarga þeir nokkuð veikum einstaklingum ? Gera þeir eitthvað gagn ?

Nei nei alls ekki. Ég  veit !! Hækkum frekar launin hans Davíðs Oddssonar hann er er bankastjóri og sjálfstæðismaður, það er miku meiri þörf á því

Verð að bæta hérna við.... Sáuð þið fréttirnar ?? Laun bankastjóranna ?? Þá er ég nú ekki að tala um Davíð Oddsson, hann er bara hérna af því að myndin er svo fyndin.

En sáuð þið tekjurnar...... hvað var bankastjóri Glitnis með var hann ekki með því sem jafngilti 240 ævilaunum verkamannsins ??? Er það ekki rétt munað ?? HVAÐ ER AÐ ??

Á þetta að vera hægt ? Hvað finnst þessum manni um launakjör á Íslandi ?? Ætli honum finnist þetta í lagi ?

Sko.... núna þarf að taka alla saman, stokka spilin upp á nýtt og gefa aftur. Þetta fer ekki hægt,  þetta gengur ekki. Það verður að gefa upp á nýtt.

Ríkið hafnaði gagntilboði hjúkrunarfræðinga

Of mikið plast.... maðurinn hlýtur að bráðna í sól.

Án gríns... hann er bara plast... skildi hann taka þá áhættu að fara í sólbað ?? Öruglega ekki, hann myndi bráðna eins og smjör. Skil þetta ekki, eins og þetta var myndarlegur maður áður en hann fór í allar þessar lýtaaðgerðir, sjáið nefið á honum !?!??!?! Það er skelfilegt. Húðlitinn.... hann er ekki einu sinni hvítur eins og við hvíta fólkið. Maðurinn er bara MONSTER ekkert annað.

Ekki skrítið að hann sé kominn í hjólastól eftir allt það sem að hann hefur látið gera við sig.

Þetta er nú bara fyndin mynd... ætli þetta hafi komið fyrir hann einhver tímann ?? Að nefið hafi bara runnið af ?? 

Aumingja maðurinn er eins og API.... sorry, þið þarna Jackson aðdáendur. Þ.e.a.s. ef að þeir eru til á Íslandi.

Jackson í hjólastól

En jólasveinninn ?? Er hann kannski með leyninúmer ??

Það er eins gott að litlu börnin séu þæg, annars hringja bara pabbi og mamma í jólaköttinn....... Var annars ekki alltaf sagt að ef maðru fengi ekki nýja flík fyrir jólin, þá færi maður í jólaköttinn ???

Ég ætti kannski að skella Tuma og Patta í símaskránna, það er aldrei að vita nema að einvherjum langi að hringja í þá, t.d. fyrri eigendum.

Og Grýla, Leppalúði og jólasveinarnir 13 ?? Veit einhver númerið hjá þeim ??

Jólakötturinn í símaskránni

Brennan á röngum stað á föngum tíma.

Er brennan ekki á röngum stað á röngum tíma í Eyjum þetta árið ?? Var hún inni í þetta skiptið og í Mai en ekki Ágúst.

Ætli Árni Johnsen hafi misst af þessari ? Enginn brekkusöngur í þetta skiptið ?

Það er náttla alveg rosalegt þegar svona bruni verður, vona bara að vestmanneyjingar hafi náð að bjarga sem flestu, eldurinn er hættulegur og fljótur að dreyfa sér.

Eldsvoði í Vestmannaeyjum

Löggan-hleranir-pólitík-flugvöllur-eldhúsdagsumræðan-Obama og fleira.

Alveg ótrúlegt.... þetta er sýnishorn af því sem að ég nenni ekki að blogga um. Allra síst PÓLITÍK..... skil hana ekki, veit ekkert um hana, get ekki fylgst með, þoli hana bara ekki. En samt er Guðni Minn Ágústson 

 og Jóhanna SIgurðardóttir  mínir uppáhalds-stjórnmálamenn.

Ekki spyrja mig af hverju, vegna þess að þegar stórt er spurt er lítið um svör eins og þið vitið. Fréttir af hlerunum fyrir einvherjum tugi ára, flugvöllurinn..... hvert á hann að fara, á hann að fara, hvenær á hann að fara..... Halló, látið hann bara vera þar sem hann er. Eldhúsdagsumræðan... bla bla bla Obama og forsetakosningarnar í Bandaríkjunum. Úfffff... Nei, takk þetta er það eina sem að ég kem til með að blogga um þessi málefni. Ræði annars ekki svona hluti.

Er hreinlega ekki alltaf að fatta af hverju fólk nennir að lesa bloggið mitt, þar sem að það virðist vera eitthvað innantómt og óspennandi. Ég skammast yfir því hvað það er mikið af ómannlegu fólki í heiminum, hvað það er mikið af barnaníðingum, nauðgunum, misnotkunum o.þ.h. argast yfir því hér og verð alltaf reið yfir því.

Nú ég bulla yfir fræga fólkinu, annað hvort er ég hneiksluð á því eða ég finn til með því. Nú ég tala um vini mína og fjölskyldu, dýrin mín og meira að segja kynlífð mitt, núna veit nokkuð stór hluti af íslendingum að ég er með kynlíf á heilanum af því að ég hef ekkert stundað það svo lengi.

Það er ekki öll vitleysan eins.....

Elsku lesendur, hvað finnst ykkur um bloggið mitt... ÁN GRÍNS, tek öllu í þetta skiptið. Er eitthvað sem að má betrumbæta hér ?? Endielga setjið út á mig...

Skiljið efitr komment.... það er spennandi að sjá hverjir eru að fylgjast með mér. Það er allt í lagi að kvitta eins og einu sinni kommon....