Góður myndabrandari.

Veit einhver svarið ??

María mín var sett 4 janúar og núna er kominn 14 janúar og ekkert bólar á barninu.......

Hvaða dag kemur hún til með að fæða ??

og...... hvort er þetta strákur eða stelpa ??

Einfalt líf.

Ég lá í leti til hálf tvö í dag, ég skil ekki þessa endalausu svefnsýki í mér. Mér tókst að sofa í heila 15 klukkutíma og hefði getað sofið lengur en lét það ekki eftir mér. Kormákur minn var heima í dag með niðurgang og ég er ekki viss um að hann fari í skólann á morgun greyið, hann er búinn að vera nánast alveg lystalaus í allann dag.

Þetta er nú samt ekki alveg eins og hann var í dag, hann er búinn að vera að sitja á klósettinu með greyið litla, ekki kannski alveg búinn að koma sér svona vel fyrir eins og þessi.

Hrafnhildur systir hringdi í dag og það er allt gott að frétta hjá henni og hennar fjölskyldu fyrir norðan, hún ætlar að senda mér myndir að fammilíunni og ég ætla að henda inn einhverjum myndum frá henni þegar myndirnar koma. En annað hvort hafa þær ekki komist til skila, eða hún er bara ekki búin að senda þær. Annars er þetta nóg í bili, langaði bara að henda inn nokkrum orðum hérna, bæjó í bili.....

Kv. Linda litla

Ein flaska af vodka og ráðast svo á fólk

Hún réðist a.m.k. kosti ekki á papparassinn á föstudegi eftir að hún var búin að stúta einni vodka flösku, eins og hún var búin að segja. Ein bokka af vodka á föstudögum he he he

Björk réðist á ljósmyndara

Styttist í heimleið

Jæja elskurnar, ekkert barn komið ennþá og lítur ekkert út fyrir að það sé á leiðinni. Ég er búin að vera alla helgina hjá Gullu í á Hellu, helgin er búin að vera fín. Fórum á Kanslarann á föstudagskvöldið þar sem að Gulla ætlaði að klára skúringarnar sínar, Helgi vildi ekkert að hún væri að því þannig að við settumst bara niður með honum að spjalla. Ég sótti um vinni hjá honum aðra hverja helgi, en er ekki búin að fá svar. Það var bara helv... gaman hjá okkur.

Á laugardaginn var bara legið í leti upp í sófa og slakað á, Gulla galdraði fram þessa dýrindis máltíð seinni partinn og gæddum við okkur á fylltri kalkúnabringu með brúnuðum kartöflum og meðlæti og bragðað á hvítvíni með. ummmm..... þetta var algjört æði. Nú eftir matinn var hent sér í sófann aftur og slakað meira á. Didda hringdi í Gullu  um hálf tíu og bauð okkur í heimsókn, og við þangað.   Sátum þar í góðu yfirlæti og höfðum það gott, Max mætti á svæðið síðar um kvöldið.  Það var mikið kjaftað langt fram á nótt og sýna myndirnar hvað það var gaman hjá okkur. Ómar var reyndar ekki mikið á lífi þetta kvöld,  guð hvað það er gaman að vera í lagi og getað myndað þetta fólk he he he he

Nú dagurinn í dag er eins og hinir, það er legið yfir sjónvarpinu. Fengum okkur langloku, enda er ekki hægt að vera að borða fínan mat og drekka hvítvín á hverjum degi. Landsleikurinn við tékka er í imbanum núna og erum við að fylgjast með honum með öðru auganu, núna er staðan 11-12 fyrir tékkum. Þegar leikurinn er búinn ætla pabbi og mamma að skila mér á Selfoss og Björk ætlar að koma og sækja mig þangað. ég er reyndar ekki búin að láta hana vita ennþá hvenær ég legg af stað en geri það á eftir.

Get víst ekki skilað blogginu af mér nema setja inn eina mynd af mér líka hérna, þó að þið vitið auðvitað hvernig ég lít út, en það er allt í lagi, ég veit að þið elskið að skoða af mér myndir he he he  Þó að ég sé með lesgleraugun hennar Diddu, ég er ekki frá því að þau fari mér bara helvíti vel. Þetta er orðið ágætt elskurnar mínar, hafið það gott þangað til næst.....

kv. Linda litla

Hitti konuna á vændishúsi...

Ég skil nú ekki af hverju þeim brá...... voru þau ekki bæði að halda fram hjá ? Ætli hann hafi borgað henni eitthvað fyrir drát...... ?? Ég er viss um að þetta er mynd af henni.

Hitti konuna í vændishúsi

samdráttaverkir............

Fyndið, ég lá uppi í rúmi með Kormáki áðan og við vorum að kúrast og spjalla saman.

Ég: Komdu krúttið mitt. Ég elska þig.

Kormákur: Mamma þú ert alltaf að segja þetta....... mamma, þú ert besta mamma í heimi.

Ég: Takk dúllan mín og takk fyrir að vera til.

Kormákur: Þökk sé pabba og þér fyrir það mamma.

Hann er svo yndislegur innilegur stundum og alltaf að gefa mér knús og kossa í tíma og ótíma svo að ég fari nú ekki úr rúminu frá honum, hann er svo séður.

María hringdi í mig áðan og hún segist vera með reglulega samdráttaverki..... ætli það sé eitthvað að ske, eða er þetta bara fyrirvaraverkir áður en ég kem til hennar á morgun ?? Alla vega vona ég að það komi ekkert í nótt, nenni ómögulega að vera að þvælast þarna austur fyrir fjall í nótt. Það kemur a.m.k. í ljós fljótlega ef að svo er.

Paris drekkur íslenskt vatn og ég kúbverskt romm

So fucking what ??? Og ég drakk kúbverskt romm á Kúbu.

Paris Hilton drakk íslenskt vatn í grjótinu

Ég ætla að sækja barnið í heiminn á morgun.

Jæja, það varð ekkert úr því að færi á féló í dag, drullaðist á fætur um hálf 3, hellti á könnuna fyrir mig og tengdó og svo skammaði ég hana fyrir að hafa ekki komið fyrr og rifið mig á fætur. Þegar hún var farin settist ég auðvitað við besta vin minn (tölvuna) og það eina sem ég hef gert síðan er að hanga í henni og spjalla við Maríu og mömmu í símann. Ekkert bólar á barni ennþá, en ég ætla austur á morgun og segja barninu að koma út. Það er eitthvað sem segir mér að barnið komi á morgun og ekki nóg með það þá var mamma að segja að pabbi sé líka viss um að það komi á morgun.

Mér fannst gaman að setja inn myndir hérna í gær, en ég kann ekki að stækka þær, þannig að ef að einhver kann það, væru ráðleggingar mjög vel þegnar. Ætla einmitt að skella inn einhverjum myndir hérna í lokin. Stutt blogg núna, á örugglega eftir að setja eitthvað meira inn seinna í dag......bæjó í biló hehe

Hérna er ein gömul af mér, ætli ég sé ekki 4 ára þarna.

Þetta eru foreldrar mínir, Jón og Guðrún Birna. Þau búa á Hellu, ég hitti þau á morgun.

þunglyndi,svefn....... ok, ég reyni að rífa mig upp.

Óþolandi dagar alve3g, ég er að flippa yfir úr leti eða þunglyndi, veit ekki alveg undir hvaða flokki þetta stendur. Ég geri a.m.k. ekkert annað en að sofa, ég fer yfirleitt í rúmið fyrir miðnætti og fer á fætur kl. 3 seinni partinn. Mig vantar svo eitthvað til að rífa mig upp á rasshárunum. Ég afrekaði það þó í dag að henda þessu blessaða jólatré út á svalir hjá mér, Kormákur og Vilborg voru svo dugleg að týna af því jólaskrautið annars hefði ég sjálfsagt hent því bara með út á svalir. Ég er búin að vera á leiðinni á féló alla vikuna, en hef ekki haft mig út ennþá. Samt veit ég að ég verð að drullast þangað ef að ég ætla mér að komast í Grettistakið. Kannski ætti ég að kíkja á doksann minn og biðja hana um að breyta þessum þunglyndislyfjum mínum, held að þau séu ekkert að virka neitt fyrir mig. Reyna að fá eitthvað örvandi í staðinn, það hlýtur að vera eitthvað til fyrir mig sem ekki er ávanabindandi.

Ekkert bólar á barni ennþá, ég ætla að skella mér austur um helgina og fara út að skokka með Maríu, það gengur ekki að þetta barn láti bíða svona eftir sér. Nei, ég segi svona. Ég ætla samt að fara austur um helgina þegar Kormákur er farinn til pabba síns og eyða helginni á Hellu, það er orðið ansi langt síðan ég hef komið þar. Mig langar líka að komast aðeins úr borginni, held að ég hafi gott af þvi að komast aðeins í ferska sveitaloftið í 2-3 daga, kannski hressist ég eitthvað við það og næ að rífa mig upp.

Ég er búin að vera að fikta aðeins í myndum í dag, bæði í tölvunni og í albúminu hans Kormáks Atla á barnalandi og ég fann eina mynd af Kormáki, ætli hann sé ekki kannski 2 vikna á þessari mynd. Hann er svo mikið krútt þessi drengur minn, ég verð bara að leyfa ykkur að sjá eina gamla mynd af honum.

 

Jesus minn, er maður ekki sætastur ?? Fallegur eins og mamma sín he he he Verð að henda inn einni mynd af henni Maríu minni líka, stóra litla barninu mínu sem er að verða mamma he he

Það er ekkert smá gaman að leita að myndum og henda hérna inn, bæði fyrir mig og ykkur hin sem ég þekki. Þau hafa allta verið miklir vinir börnin mín, María að verða 21 árs og hún elskar bróður sinn út af lífinu og kemur oft til Reykjavíkur til að heimsækja hann en ekki mig hehehe

Hérna eru þau árið 2003 þegar við áttum heima á Sauðárkróki, það eru til margar myndir í kringum þessa mynd, alve heil sería. Og svona í lokin ætla ég að henda inn einni mynd af mér og mínum systkynum, ég er yngst í systkynahópnum þannig að ég ætti að vera auðþekkjanleg á myndini, enda stend ég upp úr hópnum, alveg grútskítug og sæt.

Þið sem ekki þekkið mig eða mína fjölskyldu, takið eftir tvíburabræðrum mínum, þeir voru svo líkir að annar þeirra var með merki í barminum svo að þeir þekktust í sundur.

Jæja, þetta litla bloggbull mitt núna, gladdi mig aðeins, núna get ég farið í rúmið sæl, glaðari og aðeins brosandi meira að segja. Það er aldrei að vita nema ég eigi eftir að setja inn einhverjar fleiri myndir hérna við tækifæri. Annars hafið það bara gott þangað til næst, elskurnar.

Kv. Linda litla.