Kynlíf um verslunarmannahelgina.

Ég var að skoða fréttirnar á www.mbl.is og þegar ég er að skoða þessa frétt þá stendur Kormákur á bak við mig og bendir á smokkinn og segir "mamma, hvað er þetta ?" Ég hugsaði auðvitað... jæja þá er komið að því og hann er ekki nema átta ára. Ég segi við hann " þetta er smokkur og karlmenn setja hann á tippið á sér þegar þeir sofa hjá konum svo að hann geri þær ekki óléttar. Já okey..... segir þá ormurinn.... hann veit sem sagt meira en ég hélt því ekki spurði hann meira út í þetta.

Jæja, við komum heim í gærkvöldi... það var alveg yndislegt. Kormákur og Elín fóru í sund í dag og eru svo búin að vera að leika saman og hún ætlar að gista í nótt. Þau eru svo yndisleg saman, þau eru eins og lítil hjón þessi krútt.

Það sem að var frábært að sjá þegar ég kom heim í gærkvöldi var það, að núna eru svalirnar tilbúnar og það er búið að klæða okkar helming af húsinu, þvílík breyting sem varð.

Sjáið bara breytinguna á húsinu, hvað okkar hlið er orðin rosalega flott. Tumi og Patti eru líka ánægðir, eða aðallega Tumi. Patti er svekktur yfir því að geta ekki hoppað á stillansana og stungið af eins og hann var mjög gjarn á að gera.

Svo er maður aðeins byrjaður að setja dót út á svalir, en þetta er rétt byrjunin (auðvitað er Bína fyrirsætan á þessari mynd) Þettu eru jú svalirnar sem að við erum búnar að vera að bíða eftir síðan fyrir páska.

Selma kom aðeins í kvöld.... æðislegt að sjá hana... hún er komin með smá bumbu. Það var ekkert farið að sjá á henni þegar ég sá hana síðast. Ég var einmitt að segja við Bínu í dag þegar við fórum að mála bæinn rauðann að það væru óléttar konur út um allt, ekki myndi ég vilja vera ólétt í þessum svakalega hita, kræsturinn.

Sjáið bara þessa litlu krúttlegu bumbu (ég vildi nú að mín bumba væri svona lítil hahaha) Jæja, Vigga kom í dag að sækja Florin og þeirra leið lá svo austur og ætla hún og Hafdís að fara með erlendu kærastana sína í óvissuferð til Vestmannaeyja (til útlanda) í dagsferð. Það verður örugglega æðislegt.

Það er a.m.k. ljóst að þau fóru hamingjusöm héðan, eins og sést á þessari mynd.

Jæja, þetta er nú orðið ágætismyndablogg hjá mér.... alla vega gott að vera komin heim og ég er einmitt komin heim í bili...... en sem sagt... bara góða nótt og takk fyrir að nenna að lesa og skoða elskurnar mínar, hafið það gott knús í hús á ykkur.

Kv. Linda litla svalargellan mikla.

Umræða um kynferðismál Íslendinga oft skrýtin

Það er ekki leitað á réttum stöðum...

Varð bara að setja inn þessa frétt. Mér fannst ég svo fyndin. fyrirsögnin er "leitað að fornleifum" það er verið að undirbúa fornleifauppgröft við Austurstræti...... er það ekki rangur staður ?? Er ekki best að finna allt gamallt á dvalar/elliheimilum landssins ?? hehehhe

Ok...kannski var þetta bara aulabrandari, en ég er þá vel afsökuð. Það er kominn svefngalsi í mína.

Gúdd næt evríbadí end slíp vell.

kv. Linda litla sybbna.

Leitað að fornleifum

Skák og mát.

Vá, þetta eru búnir að vera alveg yndislegir dagar sem ég hef verið heima. Væri eiginlega til í að vera lengur heima, en ég og Kormákur erum að fara austur á morgun. Mikið var annars gott að koma heim aðeins. Það er búið að vera leiðindaveður í dag og ég ekki nennt að fara út einu sinni. Elín María er búin að vera hjá Kormáki megnið af deginum og hann mjög ánægður með það.

SJá þessi krútt, þau eru ekkert smá happy yfir að hafa loksins hist. Enda Kormákur búinn að vera lítið heima í sumar.

Elsku ömmustrákurinn kom bæði í heimsókn í gær og í fyrradag, góður skammtur fyrir mig þar sem að ég hef varla séð hann í einhvern mánuð og það er ko allt of langur tími.... amma fær bara fráhvarfseinkenni...... bleikar bólur á nefið.

fjórfætlingarnir mínir eru líka búnir að vera hamingjusamir yfir því að fá okkur heim. Þeir hafa sko verið dekraðir um helgina með fiskimat, túnfisk og harðfisk og meira að segja komst Patti í nýmjólk í dag...... vá hvað honum fannst hún góð.

Annars er ég að vona að við förum að koma heim alveg, það er búið að vera mikill þvælingur á okkur í sumar. Og við mæðginin erum eiginlega komin með heimþrá.

Bína kom í heimsókn í dag og dró mig á rasshárunum fram úr rúminu, sem var ágætt ég var bara í leit og nennti ekki á fætur til að hanga.... en var sko fljót á fætur þegar  hún kom. Hún kom með ostaköku (homemade) jammínamminamm, alveg geggjuð góð, hún er alltaf að baka eitthvað og elda eitthvað gott og alltaf kemur hún með eitthvað til okkar, ég held að hún hafi áhyggjur af því að við horumst niður hér á neðri hæðinni. En alla vega, þá er það bara hollustan núna. ætla að hætta þessum skrifum og skella mér í sallatið sem var eftir í gærkvöldi. ummmm... það er svo gott og svo var líka afgangur af nýjum kartöflum. Ég sauð fullan pott af nýjum kartöflum í gærkvöldi.

Ágætt í dag... síjúleiter beibs, end hef a næs ívning.

Linda litla sallatæta.

 

Ég sá gíraffa !!!!!

Ísbirnir ísbirnir ísbirnir ísbirnir....... fólk sér ekkert orðið annað nema ísbirni. Er fólk svona hrætt, eða hvað er málið ? Heldur fólk sem er á þvælingi inn á fjöllum að hvítt sé ísbjörn ? Eitthvað hlýtur þetta að kosta, landhelgisgæslan og lögreglan gerir ekkert annað en að leita af ísbjörnum út um allt land. Heldur fólk að það sé eins með mýsnar og ísbirnina, ef að þú sérð eina mús þá eru þær 100, þá ef að þú sérð einn ísbjörn þá er hann út um allt að kanna landið ??? Er orðin frekar þreytt á þessum ísbjarna fréttum. Hvernig væri að fólk myndi tilkynna að það hafi séð gíraffa á Þverárfjalli eða á Hornströndum ??

Jæja, annars er helgin sem af er henni búin að vera fín. Ég ætla að vera myndarleg á heimilinu í dag og taka svolítið til og svo meiri þvott. En ég er einmitt búin að vera að þvo síðan ég kom heim. Við fórum í IKEA í gær ég María, Hjörleifur, Kormákur og Skjöldur. En þar fjárfesti ég í heilsukodda sem kostaði vel á fimmta þúsund, mig hefur langað lengi í þennan kodda og lét það eftir mér í gær í að kaupa hann til að fullkomna hjá mér nóttina. Núna sef ég með æðislegan heilsukodda, stóra pulsu undir hnésbótunum og með súrefnistækið..... getur ekki verið betra.

Jæja.... best að hendast í að gera eitthvað gagn hérna. Þangað til næst, hafið það gott elskurnar mínar.

Kv. Linda litla hamingjusama í helgarfríi.

Ísbirnir á Hornströndum?

Fagnar fríinu með syninum.

Nelson Mandela er níræður, ég myndi halda að það væri hár aldur fyrir blökkumann.

Annars var það fyrirsögnin á fréttinni "fagnar afmæli með fjölskyldunni" sem að ég greip. Ég er svo fegin að vera komin heim að ég sá fyrir mér fyrirsögnina "fagnar fríinu með syninum" hehehhe

Það sem af er degi er búið að vera fínt. Ég vaknaði við það eftir hádegi að Vigga var að vekja mig og ath. hvort að hún ætti ekki að skutla mér í Bónus áður en að þau Florin færu í bústað. Það var sko vel þegið, þá get ég verslað inn allt í einu heldur en að hjóla kannski tvær ferðir í Bónus. Ég keypti í einn poka af kattamat og í tvo poka eiginlega bara grænmeti og ávexti, við ætlum að skella okkur í hollustuna við Kormákur.

Við Vigga kíktum líka aðeins á útsöluna í PIER og það eru geggjaðar vörur til þar, væri til í að henda öllu mínu innbúi og endurnýja allt þarna úr búðinni, en ég hef víst ekki efni á því, get það kannski þegar ég verð milljónamæringur, ef að það verður einhver tímann hehehe

Brynja kemur í mat í kvöld og ég ætla að hafa kjúklingabringur og ferskt salat og hvítlauksbrauð. Svo er ætlunin að fara í húsdýragarðinn um helgina og ég á von á Maríu og Hjörleifi í heimsókn, vorum að spá í að kíkja í Kolaportið. En við mæðginin erum líka búin að ákveða það að við ætlum að fara daglega í sund.

Það er æðislegt að vera komin í frí, ég hef ekkert smá saknað hans Kormáks míns. Við höfum vorum hreinlega komin með fráhvörf frá hvort öðru.

jæja, segjum þetta gott í bili... þangað til næst hehehe

gúddbæ beibs.

 

Fagnar afmæli með fjölskyldunni

Komin í helgarfrí.

Það eru alltaf allir að reyna að græða eitthvað.... hver vill kaupa eigur dauðs manns ?? Ok. James Brown var og er reyndar í miklu uppáhaldi hjá mér, en kommon..... það er alltaf hægt að græða eitthvað á fræga fólkinu hvort sem það er lifandi eða dautt. Verður svo peningurinn sem kemur inn fyrir þetta notaður í að gera upp skattaskuldir söngvarnas látna. Held að það væri nær að gefa þess peninga í einhverja góðgerðarstarfsemi.

 

Jæja elsku bloggvinir mínir. ´´Eg er komin heim í helgarfrí en fer aftur austur eftir helgi. Ég ætla að eyða helginni með Kormáki og ætlum við sko að gera eitthvað skemmtilegt eins og t.d. að skella okkur í húsdýragarðinn og fara eitthvað í sund líka og ég ætla a.m.k. að liggja í heita pottinum/nuddpottinum þar.

Það er búið að vera mikið að gera fyrir austan og ætla ég að vera aðeins meira þar og hjálpa aðeins til, Pabbi yfirmanns míns lést í vikunni og þurfa þau hjónakornin að huga að jarðarför og fleiru. En við Kormákur förum austur aftur á mánudag eða þriðjudag. það verður fínt, við verðum nú að prófa nýju sundlaugina og rennibrautina á Hellu.

Jæja, það er a.m.k. gott að vera komin heim í bili, kíki betur í tölvuna í fyrramálið, ætla að fara að skríða í rúmið og hvíla minn lúna skrokk. Gott að vera komin aftur, þó að þetta verði stutt stopp. Ég hef ekkert smá saknað ykkar.

Munir í eigu James Brown á uppboði

Komin og farin.

Kannski er ég bara þessi vonda manneskja, en mér finnst þetta bara gott á þá. 9 manns slösuðust í þessu nautahlaupi, ég hef aldrei skilið þetta. Mér finnst að dýravernd ætti að gera eitthvað í þessu, vil ekki að það sé farið svona með dýr. Eins og nautaat..... mér finnst það ógeðslegt.

 

Jæja...... frá nautum yfir í steingeit...sem sagt mig  Ég kom heim í gærkvöldi einhver tímann á milli hálf 7 og 7. Ég fór beint undir sæng og svaf til 10 í gærkvöldi, fór þá fram og spjallaði við leigandann og ætlaði að vaka eftir Viggu, en ég fór í rúmið um hálf eitt, henni seinkaði út af því að nýji bíllinn bilaði hjá Hveragerði á leiðinni suður. Það á ekki af henni að ganga elsku Viggu minni, nýbúiin að losa sog við fratinn sem var alltaf bilaður, fær sér svo nýjann bíl og hann virðist ekkert skárri. Jæja... ég fór í bælið upp úr hálf eitt, á klóið hálf 8 í morgun og vaknaði svo þegar að Vigga vakti mig klukkan 10 í morgun, vá hvað ég þurfti á þessu að halda. Jæja, svo er ég að fara að sækja Kormák á rútuna, hann er aðkoma úr sumarbúðum. Og svo förum við austur seinni partinn og ég fer að vinna aftur á morgun og verð að vinna fram yfir helgi. Það er búið að vera mikið að gera og þetta er mikil vinna fyrir aumingjann mig, en ég hef svo restina af sumrinu að jafna mig. Skrokkurinn á mér er lurkum laminn eftir síðustu 10 daga. Og ég er hreinlega búin að lifa á bólgueyðandi og verkjatöflum, en þetta er alveg að verða búið.

Fyndið, þegar að ég sest í tölvuna núna, þá finn ég að ég er búin að sakna bæði tölvunnar og bloggvina minna, mér finnst eins og ég hafi verið að svíkja ykkur með því að vinna svona mikið og ekki sinna ykkur.... kræst hvað maður getur verið klikkaður. hehehehe

Jæja.... farin í bloggpásu aftur þangað til eftir helgi. Hafið það gott elskurnar þangað til þá. Bestu kveðjur til ykkar krúttin mín.

kv. Linda litla lúna.

Níu slösuðust í nautahlaupi

6000 manns...

Já, það er sko nóg að gera á Hellu þessa dagana. Það er klikkað að gera í Kanslaranum, við gjörsamlega stöndum á haus í matargerðinni. Svo þegar dagurinn er búinn, þá er staffið gjörsamlega búið á því og bíður spennt eftir því að komast í rúm til að hvíla sig fyrir næsta dag. Ég er búin að vera að telja niður dagana þar til vikan er búin.... en það breyttist allt í dag..... vertinn er að fara út á land að vinna eitthvað og spurði hvort að ég gæti verið næstu viku líka.... ég talaði við mömmu og þau geta verið með Kormák, þannig að ég læt mig hafa það efa ð ég verð ekki dauð. Það minnkar reyndar að gera eftir næstu helgi þegar mótið er búið. Ég gjörsamlega lifi á bólgueyðandi og verkjatöflum til að hafa þetta af, en það eru bara 10 dagar eftir og þá hvíli ég mig á hálfan mánuð.

En eins og áður ekkert að frétta og ekkert að ske hjá mér.... bara vinna og vinna og vinna.

Takk fyrir að þú skulir hafa nennt að lesa þetta.

Ég er farin í bólið, gúddbæ mæ frends  k. Linda litla uppgefna.

Sex þúsund manns á Landsmóti

Apalæti eru þetta.....

Hvað er málið ?? Af hverju geta apar ekki verið feitir eins og við mannfólkið ?? Við erum jú komin af öpum.

Jæja, það er þó nokkuð liðið á vikuna, það eru 4 dagar eftir og svo fer ég heim á mánudag. Kormákur kemur svo heim úr sumarbúðunum á þriðjudaginn, þá verða sko fagnaðar fundir, ekki spurning. Annars hef ég eitthvað lítið að segja, fer út á morgnana og kem heim um miðnætti á kvöldin og þá liggur leiðin yfirleitt beint í rúmið. Einstaka sinnum kem ég við hérna í tölvunni.

Stutt blogg fyrir stutta konu..... smá gant, ég er sko ekki stutt kona

Takk í dag, kv Linda litla þreytta ekki stutta kona.

Apar í megrun

Horse festival in Hella.

Mikið hvassviðri er á Hellu þar sem Landsmót hestamanna er nú haldið.... þetta stendur í frétt á mbl.is. Það er vægast sagt mikið hvassviðri, ég held hreinlega að Þykkvibærinn sé að fjúka hérna yfir, það er svo rosalega hvasst og mikið moldrok. Það kom fyrir í kvöld að fólk varð að afpanta matinn sinn af því að það var verið að hringja í það og láta vita að tjaldið væri að fjúka burt. Ég er a.m.k. mikið fegin því að vera vaxin upp úr því eða hætt að nenna að hanga á svona samkomum til að fara á fyllerý, ég skil eiginlega ekki hvernig ég hreinlega nennti því. En svona er þetta.

Það er búið að vera klikkað að gera síðustu daga, ég er alveg búin á því, en samt eru eftir erfiðustu dagarnir. Mótið verður sett klukkan 16:00 á fimmtudag. Það eru sem sagt 5 dagar eftir, og án alls gríns, þá drullu kvíðir mig fyrir þeim. Ég á eftir að vera rúmliggjandi í marga daga á eftir.

það hefur verið svolítið um það að fólk er að hringja í mig í gemsann, en þið sem eruð að því.... þið getið gleymt því að ég svari, ég hef engann tíma til þess. Og svo er ég búin að vinna yfirleitt á milli 11 og 12 á kvöldin og þá fer ég ekki í símann og hringi til baka, þá fer ég í sturtu og svo beint í rúmið að sofa. Þið verðið bara að hafa samband frá og með næsta mánudegi.

Jæja, segum þetta gott í bili. Ég ákvað bara að blogga aðeins af því að ég henti í vél þegar ég kom heim og er að bíða eftir því að hún sé búin.

Hafið það gott elskurnar...... knús á mús.

Linda litla ofurþreytta.

Mikið hvassviðri á Hellu