Tölvudrasl, bumbubúi, Grettistak og Tryggingastofnun.

Halló, ég er ekki frá því að ég hafi bara saknað ykkar allra hérna, hreinlega bara búin að vera í fráhvörfum frá tölvunni, en þessi blessaða gamla tölva mín var með einhverja stæla og ég hef ekkert getað notað hana, en hún er a.m.k. að gefa mér séns núna. hehehehe vonandi gefur hún ekki upp öndina, þá fer ég nú að gráta.

Jæja, helgin var fín. Kormákur gisti hjá Berg á föstudag og kom heim á laugardag, það var etin pizza um kvöldið og svo hentum við okkur í rúmið hans Kormáks og horfðum á dvd og fórum svo að sofa. Á sunnudaginn skelltum við okkur í Kolaportið með tengdó og svo í Laugarásbíó að sjá Alvin og íkornana, og auðvitað var ég svo skemmtileg að ég byrjaði að hrjóta í bíóinu, en náði nú samt að halda mér vakandi eftir hlé he he he

Við fórum austur í dag, þegar skólinn var búinn þá var brunað austur fyrir fjall og skellt sér í sveitina í Súluholt. Ég held að þetta barnabarn mitt sé strax komið á eitthvað mótþróaskeið, það ætlar sér ekkert að koma í heiminn. Ég hef smá áhyggjur af því að það verði einhver þverhaus....... nei ljótt að segja og það er engin hætta á því, það er úr svo góðum ættum, ég meina ekki er ég þver eða þrjósk....... er það nokkuð ??? Nei nei, þetta elsku ömmubarn mitt kemur bara þegar það er tilbúið, kannski er það bara að gefa ömmu sinni tækifæri á því að verða 37 ára hehehehe Það var gaman að koma í sveitina og ég hefði víst alveg viljað vera lengur en það er ekki hægt, það er skóli á morgun og húsið ekki alveg tilbúið. Þannig að við mæðginin förum bara og stoppum lengur þegar allt er orðið klárt. Þau vita það krakkarnir að ég kem og hjálpa þeim þegar það á að fara að flytja inn, hvort sem það verður komið barn eða ekki þá veitir þeim víst ekki af hjálpinni.

Ég er að fara á félagsþjónustuna í fyrramálið og skrifa undir umsóknina í Grettistakið, en það byrjar einmitt í febrúar og ég ætla að vona að ég komist þangað inn. Ef að ég kemst þar, þá fer ég nú að geta komið mínu andlega lífi á réttann kjöl. hef eithvað að gera á milli 8 og 14 á daginn. Emilía vinkona er í Grettistakinu og henni líkar það mjög vel og það gengur vel hjá henni.

Ég fór á Tryggingastofnun á föstudaginn og þá kom í ljós að ég hef ekki fengið heimilisuppbót síðan 2006, þarna kom nú einhver ástæða fyrir því af hverju ég er svona tekjulág. En ég er búin að sækja um hana og líka aftur í tímann og ég vona bara að þetta verði lagfært hjá mér sem fyrst.

Jæja, elskurnar. Þetta er orðið ágætt í bili, ég ætla að fara að koma mér í bólið. Nenni ekki að taka bloggrúnt núna, er hálfþreytt. Tek bloggrúntinn á morgun, þegar ég kem heim. Þangað til, hafið það gott.

kv. Linda litla.

Athugasemdir

[Dísaskvísa, 8.1.2008 kl. 00:02]

Ég ætla sko rétt að vona það Maríu vegna að ömmubarnið þitt ætli ekki að gefa þér séns á að verða 37 ára áður en það kemur í heiminn  Hún verður þá búin að ganga með í 20 mánuði, vá sú yrði þreytt.......... stelpurófan.

[Ásdís Sigurðardóttir, 8.1.2008 kl. 00:18]

Gaman að heyra frá þér. Vonandi kemstu í Grettistak, það er örugglega frábært. Vona að litli þverhausinn fari að kíkja á heiminn.   

[Guðný Einarsdóttir, 8.1.2008 kl. 00:36]

Ég er nú svo vitlaus,hvað er þetta Grettistak?? Barnið kemur bara þegar það er tilbúið hvað sem amman segir..Ég ætla að hringja í þig á morgun og tjá mig,bíddu bara spennt vinkona

[Guðrún Arna Möller (IP-tala skráð) 8.1.2008 kl. 00:53]

Gott að sjá þig aftur stelpa!

Ég vil ekki játa á mig neina vitleysu, en ég spyr eins og Gulla: Hvað er þetta Grettistak??

Annars held ég að barnabarninu þínu líði bara svona ofsalega vel hjá mömmu sinni, að það vill bara dúllast þarna inni eitthvað áfram.  Hugsaðu þér ef maður væri í sömu aðstöðu og litla krúttið, fær matinn í gegnum túpu, engar áhyggjur, vaggar bara þægilega, umlukið vatni og allt í kei!  Vá hvað þetta hlýtur að vera kósí

[Habby (IP-tala skráð) 8.1.2008 kl. 07:04]

Gott að sjá þíg hérna aftur.  Já og barnið kemur þegar það er tilbúið, ég veit allt um það kveðjur og knús

[Linda litla, 8.1.2008 kl. 18:01]

Grettistak er svona nokkurs konar skóli, fræðsla, námskeið, grúbbur og ýmislegt fyrir fólk sem er að reyna að standa á báðum fótum í lífinu. Við sem erum búin að eyða okkar lífi í tómt rugl og vitleysu. Hér fáum við hjálp við að komast á réttan kjöl með aðstoð fagmanna og annarra lærðra einstaklinga. Við getum unnið okkur inn punkta í námi, förum á fjármálanámskeið, sjálfstyrkinganámskeið, grúbbur hjá SÁÁ og margt fleira.

[Berglind Elva (IP-tala skráð) 8.1.2008 kl. 22:36]

kvitt kvitt - gangi þér vel Linda mín ;)  hlakka til að þú verðir amma