Hann hefði getað drepið sig.

Maðurinn fórnar lífi sínu fyrir 800 grömm af hassi, sem er ekki nema kannski 2 milljónir. (skýt á það, get nú ekki sagt að ég viti verðið á gramminu) kannski veit einhver betur og getur leiðrétt mig. Ég meina ætli honum finnist hann ekki meira virði en þetta ??

Eiturlyf eru svo að eyðileggja mannfólkið, það er hræðilegt hve mikið er td af fíklum hér á landi.

Gleypti 63 smokka með eiturlyfjum

Athugasemdir

[Þorlákur (IP-tala skráð) 14.4.2008 kl. 08:38]

í Thailandi kostar grammið af grasi 200 krónur en á Íslandi kostar það 3500, hass er yfirleitt aðeins ódýrara á íslandi allavega. Þannig að verðið á 800 grömmum í Thailandi er örugglega ekki mikið yfir 150.000.

Það er dauðadómur við því að selja í Thailandi, veit ekki hvernig það er þegar maður smyglar inn.

Svo er annað. Ef þetta væri löglegt þá myndu svona hlutir aldrei gerast og þessi maður ætti ekki neina refsingu yfir höfði sér. Samt myndi fólkið sem sækist í vímuefnin vera að nota þau á sama hátt og þau gera í dag, nema bara að þau þyrftu ekki að hafa viðskipti við glæpamenn og efnin væru ekki jafn eitruð. Líttu bara á landa, landi var áfengið sem fólk drakk meðal annars í áfengisbanninu. Svipaða sögu má segja um hin vímuefnin, það er allskonar ógeð sett í þau til að drýgja framleiðsluna.

Vímuefni hafa fylgt manninum í þúsundir ára, það er ekki hægt að stöðva neyslu þeirra. Í rauninni hefur lögleiðing vímuefna fleiri kosti í för með sér heldur en galla hvernig sem á það er litið. Til dæmis:

1. Efnin væru hreinni, skaðlausari

2. Auðveldara væri að fylgjast með neyslu

3. Glæpastarfsemi í kringum vímuefni myndi hverfa

4. Efnin væru ódýrari

5. Peningurinn sem að fengist við sölu vímuefna færi til ríkisins og gæti verið notaður til að fræða fólk betur um fíkniefni eða til meðferðarúrræða

6. Þá hefðirðu ekki samskipti við glæpamenn sem að hefur vandamál í för með sér

7. Þú værir ekki að fjármagna glæpastarfsemi með því að kaupa þér vímuefni

8. Ríkið þyrfti ekki að eyða svo miklum peningum í að hýsa fíkniefnaglæpamenn og höfða mál gegn fólki fyrir fíkniefnamisferli

Eftir að hafa hugsað svolítið um þetta þá sé ég enga raunverulega kosti við að banna vímuefni. Er einhver kostur við það?

[Linda litla, 14.4.2008 kl. 10:11]

En heldur þú ekki að ef að fíkniefni væru lögleg, að það væri ekki miklu fleiri fíklar ?? Fleiri myndu prófa þar sem að það væri ekkert mál að komast í efnin og þegar þú prófar, þér finnst virknin/víman góð og vilt fá þér aftur og afutr og aftur...... hvað þá ?? Þú ert orðinn fíkill. Meðferðarstofnanir gætu ekki tekið við fleirum, það er nóg og erfitt að komast að í dag. Fólk deyr að völdum fíkniefna, það yrði meira um dauða. Allir myndu vilja að prófa, það væri löglegt af hverju ekki prófa ?? Ég er ekki hlynnt því að leyfa fíkniefni, hef lent illa í þeim og á margar meðferðir að baki. Ég vil ekki auka fíkla í landinu.

[Þorlákur (IP-tala skráð) 14.4.2008 kl. 18:26]

Ég held að það sé ekki rétt. Líttu bara á Holland, Marijúananeysla þar er minni meðal heimamanna en í nágrannalöndum og þar er Marijúana löglegt. Málið er að ef að þú ætlar þér að taka inn vímuefni þá tekurðu inn vímuefni hvort sem það er löglegt eða ekki.

[Stebbi (IP-tala skráð) 17.4.2008 kl. 16:14]

Ég veit það hljómar rökrétt að við lögleiðingu mundi neysla aukast, en það er í rauninni ekkert sem bendir til þess þegar þú horfir á önnur lönd. Ekki mundi ég heldur fá mér fíkniefni þó þau væru lögleg.

Málið er bara að Ísland er á kafi í dópi. Þú værir í rauninni ekkert að minnka aðgengi með lögleiðingu þar sem þá væri fyrst hægt að stjórna markaðnum.

Ef fíkniefni væru lögleg þá mundum við spara morðfjár á hverju ári sem ætti heima í meðferðum og forvarnarstarfsemum. Ástæðan fyrir að það er erfitt að komast í meðferð er peningaskortur.

Þú segir að fólk deyji af völdum fíkniefna, ég ætla ekki að neita því. Hinsvegar þá mundu dauðsföll af völdum fíkniefna minnka verulega ef fíkniefni væru lögleg. Fólk "overdozar" útaf því að það veit ekki hversu sterkur skammturinn þeirra er vegna þess að það kaupir hann af dópsala en ekki lækni.

Í sviss var heroin lögleitt fyrir 13árum síðan. Glæpir minnkuðu strax um helming, HIV-smit meðal fíkla stöðvuðu og ekkert bendir til þess að neyslan hafi aukist þar. Einnig hefur enginn dáið af "overdoze" þar í 13ár.