Heit þjóðhátíð framundan ???

Það skildi þó aldrei verða að þjóðhátíðin verði þurr frá upphafi til enda...... ég hef nú farið á nokkrar þjóðhátíðir á ævinni, reyndar ekki í mörg ár, en það hefur alltaf verið rigning einhvertímann yfir helgina og maður hefur verið að renna sér á rassinum niður brekkuna í drullunni og jafnvel spólað á leiðinni upp brekkuna og einnig fengið hjálp við að komast upp hehehe.

Það væri auðvitað frábært mál ef að þjóðhátíðin í ár yrði rigningalaus, þeirra vegna sem ætla að skella sér til Eyja sem eru víst nokkur þúsund eins og er á hverju ári. Ég skal alveg viðurkenna það að ég hef ekki eina einustu löngun í að fara á útihátíð. Ef að ég myndi fara eitthvað þá færi ég í sumarbústað og slakaði á í heitum potti og grillaði eitthvað gott. Held að aldurinn sé farinn að segja til sín hjá mér, enda komin vel á fertugsaldur og mörg ár síðan ég gerði eitthvað um þessa helgi.

Annars er þessi heiti dagur í dag ekki búinn að fara vel í mig, ég er búin að vera sveitt í allan dag, dösuð eitthvað og skrítin. Fannst þetta orðið svolítið óeðlilegt í kvöld svo að ég mældi mig og þá var ég með 39 stiga hita, það hlaut að vera þar sem að ég er búin að vera það léleg í dag. Ég hélt að það væri hitinn sem færi svona með mig, en greinilega ekki.

Aumingja fjórfættu strákarnir mínir eru alveg að gefast upp á lífinu... það er svo heitt hérna inn þó að það séu galopnir báðir svalargluggarnir og vifta í gangi ínni í stofu, þá liggja þeir út um alla íbúð alveg að kafna og fara svo öðru hvoru að fá sér að drekka, en ég er einmitt með vatn á tveimur stöðum fyrir þá í þessum hita svo að þeir þurfi nú ekki alltaf að fara inn til að drekka. Þeir liggja núna báðir úti á svölum og það er ennþá allt galopið út og hitinn hérna inni viðbjóður.

Jæja... segi þetta ágætt í bili. Hafið það gott elskurnar og passið ykkur á sólinni að brenna ekki.

kv. Linda litla lasna.

Hitamet slegið á Stórhöfða

Athugasemdir

[Guðrún unnur þórsdóttir, 31.7.2008 kl. 00:44]

knús og kvitt þín Gunna

[Aprílrós, 31.7.2008 kl. 01:01]

já svakalegur hiti, alveg sama hvaða veður er , mar er alltaf síkvartandi, aldrei nógu gott fyrir mann. En vonandi batnar þér fljótt aftur.

Kveðja Guðrún Ing 

[Sporðdrekinn, 31.7.2008 kl. 03:38]

Bata kveðja

[Gudrún Hauksdótttir, 31.7.2008 kl. 04:54]

Skil tetta med ad slappa af í sumarbústad og njóta kyrrdarinnar

Knús

[Maja frumburður (IP-tala skráð) 31.7.2008 kl. 08:22]

39stiga hiti...? mamma bara orðin hot...! hehe....

ég held ég hafi heyrt á stöð tvö í fyrra dag að ef það væri smá úrkoma um helgina þá væri það meðfram suðurströndinni eða í eyjum...

aldurinn farin að segja til sín??? ég er bara 21 og ég hef enga löngun í að fara....!

Hver er summan af sex og tíu og ég skrifa 160... þetta er ekki eins auðvelt og það sýnist....!

[Birna M, 31.7.2008 kl. 09:53]

Ég á nú von á smá gusu, en reikna með að flestum finnist það bara hressandi, eftir hitana. Sú gusa stendur líklega ekki lengi en verður kærkomin. Mig hefur aldrei langað mikið á útihátíðir, er ekki týpan í það. Þá finnst mér best að vera hér í bænum því hér er aldrei þessu vant friður enda allir í burtu.

[Anna Ólafsdóttir Björnsson, 31.7.2008 kl. 11:54]

Góða ferð á þjóðhátíð og ég trúi öllu upp á veðrið í Vestmannaeyjum, það var nefnilega LOGN á Stórhöfða þegar ég kom fyrst til Vestmannaeyja fyrir svona átján árum.

[Anna Ólafsdóttir Björnsson, 31.7.2008 kl. 11:59]

Yndislegar myndir af litlu vinunum í pelsunum sínum.

[Linda litla, 31.7.2008 kl. 12:42]

Þakka þér fyrir "góða ferð á þjóðhátíð" Anna mín, en ég er ekki áleiðinni þangað. Ég ætla nú bara austur á Hellu um versló og sonur minn verður hjá systur sinni í sveitinni þessa helgi.

Annars er það rétt hjá þér Birna, Reykjavík er best um þessa helgi. Rólegheit og þægindi.

María mín. Ég er ALLTAF hot.... þú hefur bara aldrei tekið eftir því að því að ég er mamma þín og þú horfir á mig öðrum augum

[Maja frumburður (IP-tala skráð) 31.7.2008 kl. 12:51]

eigum við ekki bara vera báðar þakklátar fyrir það... he he he

[Guðný Einarsdóttir, 31.7.2008 kl. 13:15]

Kannast aðeins við þetta með að fá hjálp upp brekkuna,MÚÚHAHA

[Linda litla, 31.7.2008 kl. 14:00]

Auðvitað kannast þú við þetta Gulla mín, þú hefur nú reynslu af því að vera sérlegur stuðningsmaður minn á þjóðhátíð he he he

María. Við eigum að vera þakklátar fyrir allt, gleymum því bara of oft.