Ég vil kaffihús í Efra Breiðholt og HANA NÚ !!

Ekta mánudagur í mér í dag = löt.

Við mæðginin skelltum okkur í Mjóddina þegar Kormákur var búinn í skólanum, ég þurfti að vesenast í banka og svo var ísskápurinn tómur hjá okkur. Við fórum í Nettó að versla, Nettó er held ég ekki mjög dýr verslun en samt alveg nóg og dýr fyrir mína buddu. Við versluðum í einn og hálfan poka og kostaði það nærrum því 6000 krónur. Eina spreðið á mér var að ég keypti 2 hálfs lítra gosflöskur handa okkur. Annars var þetta cheerios, mjólk, jógúrt, hrökkbrauð, ostur, grænmeti og ávextir. Ég þakka bara fyrir að við séum bara tvö í heimili, eitthvað hlýtur matarkarfan fyrir 5 manna fjölsk. að kosta.

Ég var að spá í það áðan, Brynja vinkona hringdi og var að ath hvort að ég nennti að kíkja á kaffihús á morgun með sér. Af hverju er ekkert kaffihús í Breiðholti ?? Ég veit a.m.k. ekki til þess að það sé kaffihús í fella og hólahverfi..... er eitthvað kaffihús í seljahverfi veit það einhver ??

Þarf maður virkilega alltaf að fara í miðbæinn ef að manni langar að fá sér einn kaffibolla með vin/konu á kaffihúsi ? Þetta er eitthvað sem að mér finnst að ætti að bæta.

Jæja, annars er judo tími hjá Kormáki á morgun klukkan 17:30 og fyrir þá sem vilja getið farið á www.judo.is og kíkt á web cam-ið á síðunni og séð æfinguna í beinni. Mjög sniðugt fyrir ættingja og vini hans sem vilja fylgjast með.

Mér finnst ég eitthvað svo skrítin undanfarið, eitthvað svo stuttur í mér þráðurinn, finnst margt fara í taugarnar á mér, margt svo óþolandi...... skil ekki af hverju. Ég hálf skammast mín fyrir þetta, finnst eins og ég þurfi að tappa af mér einvhers staðar til að fá einhverja útrás. Fékk reyndar smá útrás hjá Iðu Brá vinkonu um helgina, en samt virðist það ekki hafa verið nóg. Það er ekki búið, ég verð að fá einvherja meiri útrás. Getur verið að ég sé hreinlega bara óhamingjusöm að þess vegna sé ég svona ?? Eða er ég kvíðin fyrir vetrinum í undirmeðvitundinni ?? Veturinn er jú oft mikill þunglyndistími hjá mér og ég er að fara bráðum í gegnum vetur í fyrsta skiptið í mörg ár án þess að vera á þunglyndislyfjum. Æi, veit ekki hva málið er, vona bara að þetta fari að ganga yfir.

Segi þetta gott í bili, við Kormákur erum að fara í rúmið, ætlum að lesa smá fyrir svefninn.

Góða nótt elskurnar og takk fyrir að nenna að lesa endalaust bullið og vangavelturnar mínar.

Kv. Linda litla (þessi sem er svo skrýtin í hausnum.

Ein mynd af elsku litla broskallinum mínum í restina.

Athugasemdir

[Aprílrós, 8.9.2008 kl. 22:17]

Það gæti alveg verið Linda mín að vetrarkíðinn hafi áhrif, skammdegið hefur slæm áhrif á þunglyndi, láttu mig vita það. Annars hef ég verið án þunglyndislyfja núna í 3 ár og þetta er hörkuvinna að halda sér uppi. Mér kvíðir líka fyrir vetrinum eða eiginlega hálkunni því ég er ekki á góðum dekkjum fyrir hana og hef ekki efni á dekkjum. 15-22 þús stk á bílinn minn takk. En veturinn kemur hvort sem okkur líkar betur eða ver. Gangi þér vel og upp fyrir þér ( og okkur ) ;)

[Sporðdrekinn, 8.9.2008 kl. 22:38]

Er ekki ennþá kaffihús í Mjóddinni? Eða er það of langt fyrir þig skutla?  Svo er bar þarna í Seljahverfi, við skíðabrekkuna, kannski má fá kaffi tár þar.

Það er ekkert skrítið að þig sé farið að kvíða fyrir vetrinum, hann er oftast langerfiðasti tíminn fyrir þunglynda. Svo virðist veturinn líka vera erfiðari fyrir þig fjárhagslega og ekki hjálpar það til. Er ekki einhver staður þar sem að þú getur farið og talað um þessa hluti. Svona eins og AA fyrir alkahólista, mér finnst að það ættu að vera svona fundir fyrir þunglynda.

Vona að dagurinn á morgun verði þér léttari.

[Hulla Dan, 8.9.2008 kl. 22:51]

Er þetta bara ekki svona hjá okkur öllum? Upp og niður endalaust.
Held að það sé bara eðlilegt að stundum sé maður pirraður og vonlaus. En vertu obs á að það er æskilegt að það líði hjá á frekar stuttum tíma.
Eg persónulega er ekki hrifin af kulda og trekk, en það má laga margt með kertaljósum. Svo koma jólin sem gleðja og eftir þau er ansi stutt í sumarið.

Vona að þú fáir það betra og eitt kæmpe knús til þín og snáðans

[Guðrún Arna Möller (IP-tala skráð) 8.9.2008 kl. 22:52]

Elsku krúttið mitt, það eru a.m.k. fjögur kaffihús í Breiðholti!  Eitt uppi í Hólagarði (meira svona búlla samt), eitt í hvíta húsinu hjá heilsugæslustöðinni (það er videoleiga/sjoppa og bakarí í sama húsi), eitt við hliðina á Krónunni í Seljahverfinu (sama hús og sjoppa, gengið upp á 2. hæð hægra megin) og svo auðvitað Kaffi strætó sem þú þekkir nú eitthvað.  Þú ættir alveg að geta farið meira að segja á kaffihúsarölt barasta.  Nú svo má ekki gleyma kaffihúsinu í Gerðubergi ef þú ert að snöfla að degi til, það er bara opið á daginn.

Annars skil ég þennan kvíða fyrir vetrinum mjög vel.  Mér finnst þú bara hafa staðið þig eins og hetja svona lyfjalaus.  Ekki þori ég fyrir mitt litla líf að hætta á mínum "hækjum".

En talandi um að það ætti að vera til fundir fyrir þunglynda líkt og AA.  Þeir eru til.  Það eru fundir niðurfrá í Geðhjálp fyrir alls konar krankleika.  Fann þetta á vefnum þeirra, www.gedhjalp.is :

• FORMA - Samtök átröskunarsjúklinga
• Aðstandendahópur fólks með geðraskanir
• Sjálfshjálparhópur fyrir félagsfælna
• Sjálfshjálparhópur fyrir fólk með geðhvörf
• Stuðningshópur fyrir fólk með geðklofa
• Sjálfshjálparhópur fyrir þunglynda
• Sjálfshjálparhópur fyrir fólk með kvíða

Kíktu á þetta.  Ég fór nokkrum sinnum á Túngötuna í sjálfshjálparhópinn fyrir þunglynda.  Var reyndar svo þunglynd þá að ég hugsaði bara neikvætt um þennan hóp.  Ég myndi funkera miklu betur í dag.

Sendi þér knús og þúsund milljón trilljón faðmlög dúllan mín

Lovjú!

[Sporðdrekinn, 8.9.2008 kl. 22:54]

Frábærar upplýsingar hjá þér Guðrún Arna

[Jóna Kolbrún Garðarsdóttir, 9.9.2008 kl. 01:26]

Kannski eru þetta bara hormónabreytingar hjá þér þessi pirringur, ég kannast allavega við svoleiðis pirring

[Agnes Ólöf Thorarensen, 9.9.2008 kl. 09:00]

Farðu vel með þig Linda mín og hlúðu að sjálfi þér elskan.Knús frá Hellu...

[Harpa Steinarsdóttir (IP-tala skráð) 9.9.2008 kl. 09:01]

Knús á ykkur..

spennandi að kíkja á frænda í kvöld á web-cam

en vonandi fer þessi pirringur að fara:) og ég veit ekki um neitt kaffihús nálægt þér

[Linda litla, 9.9.2008 kl. 15:55]

Þessi "kaffihús" sem þið eruð að tala um eru ekki kaffihús. Mér finnnast báðir staðirnir frekar sjabbí, bæði Blásteinn í hólunum og staðurinn hjá Krónunni. Svo eruð þið að tala um bakaríið hjá Gerðubergi og bakaríið í Mjóddinni og Það er líka búið að loka kaffi strætó, sem var ekki kaffihus. Það var eiginlega rónabar, ég hékk þar dögunum saman þegar það var opið og var drekkandi þar með drykkjufélögum.

Það er ekkert kaffihús í Breiðholti.

Varðandi geðið mitt, þá líst mér vel á þetta sem að þú bendir a Arna. Ég þarf að passa mig svakalega vel vetrinum, verð að passa mig á því að einangra mig ekki. Er eiginlega að vona að dóttir mín og ömmustrákur eigi eftir að vera mikið hjá okkur.

Kannski eru þetta hormónarnir.... ég væri ekki hissa, það er eitthvað í gangi þar. Alla v ega eru þessi svitaköst mín í tíma og ótíma ekki eðlileg.

Takk fyrir þetta allt stelpur.

[Guðný Einarsdóttir, 9.9.2008 kl. 18:27]

Ha er eitthvað að hormónunum í þér???Neinei það á ekki að grínast með þetta.....

Heyrðu þú gleymdir nú alveg að  ausa úr þinni andlegu ruslafötu hjá mér...

Hafðu það gott Linda mín og farðu vel með þig..........

[Hrafnhildur Björk Jónsdóttir, 10.9.2008 kl. 07:58]

Bara knús í hús

[Jenný Anna Baldursdóttir, 10.9.2008 kl. 13:11]

Auðvitað á að koma kaffihús.  Þó það nú væri.

[Anna Ólafsdóttir Björnsson, 10.9.2008 kl. 13:47]

Mér finnst þetta sniðug pæling hjá þér, það væri ábyggilega sniðugt að fá gott kaffihús í þetta hverfi. Ég er alltaf á ferðinni út um allt og gæti alveg hugsað mér að skella mér niður á kaffihús í Efra Breiðholti, helst þar sem útsýnið væri jafn frábært og sums staðar þar.

[Gunnar Gunnarsson, 10.9.2008 kl. 16:58]

Já það vantar kaffihús í efra breiðholt styð það myndi fá mér kaffi þar ekki spurn. 

[Didda, 11.9.2008 kl. 09:10]

Linda litla "pirrkona" farðu vel með þig og hugaðu að sálinni

[Birna M, 11.9.2008 kl. 10:02]

Það er gott að splæsa á sig kaffihúsaferð ef maður er soldið niðri. Mér finnst bara ekkert spennandi að fá mér kaffi útí Breiðholtsbakaríi. Það vantar alvöru kaffihús hér. Var einmitt að hugsa það eftir kirkju á sunnudag að gott væri að vita af einu slíku í grenndinni, svona til að toppa blessunina. Nettó er búð sem ég fíla að versla lífrænt og hollustudót í og þar er gott úrval af ávöxtum. Að öðru leyti finnst mér Bónus betri.