Rændu sjö manna fjölskyldu og sitt hvað annað.

Góðan daginn fallega fólk á þessum fallega mánudegi.

Ekki spennandi fréttin sem ég tek með í bloggið í dag, þar sem að fyrirsögnin er "sjö manna fjölskylda bundin og rænd".

Ætli mér hafi ekki brugðið mest við að þetta var í Noregi, og auðvitað varðar Noregur mig þar sem að ég á litla fjölsklydu þar. María, Rúnar og Hjörleifur Máni ömmustrákur búa í Noregi og þegar maður sé eitthvað þaðan sem er ekki gott þá bregður manni auðvitað.

mynd af litlu fjölskyldunni minni, reyndar alls ekki ný mynd.

Þetta hlýtur að vera skelfileg lífsreynsla fyrir þessa fjölskyldu að lenda í þessu, og sjálf sagt í einhver tíma á eftir verður þetta fólk hrætt og stressað yfir því að slíkt komi fyrir aftur.

Nú helgin er búin að vera rosafín hjá okkur. Iða Brá og Helga Brynja komu á laugardaginn, við elduðum dýrindismáltíð. Kormákur fékk að finna eitthvað gott í kistunni og haldiði að hann hafi bara ekki fundið reykta svínahnakka..... nammi namm, það voru sko jól hjá okkur fjórum á laugardagskvöldið. Nú þær mæðgurnar ætluðu að gista en það fór ekki þannig, því miður. En þær gista seinna, það er alveg ljóst. Sunnudagurinn var góður líka, Sædís og Skjöldur komu hérna til okkar um miðjan dag og hjá okkur fram á kvöld, elduðum saman og svo láum við kjéllingarnar á blaðrinu á meðan strákarir spiluðu matador.

En nýr dagur og ný vika byrjuð, og mánaðarmót á morgun jesssss loksins. Mikið er það gott, þá fær maður einhvern aur. Þetta er búið að vera helv... strembinn mánuður, en ég er með marga góða í kringum mig sem hafa hjálpað. Við eigum að vera þakklát fyrir þá sem eru í kringum okkur og fólk sem okkur þykir vænt um. Kannski er þessi kreppa til þess gerð, að við tengjumst betur saman þegar erfitt er. Kannski er verið að kenna okkur þakklæti, ást og umhyggju. Ég hef a.m.k. ekki látið fréttir í þjóðfélaginu hafa áhrif á mig, það er ekkert auðvelten það gengur bara ágætlega samt. Þessi vika leggst bara held ég mjög vel í mig og hef ég ákveðið að takast á við líðan mína andlegu og líkamlegu með bros á vör og láta hana ekki skemma fyrir mér. Á morgun á útborgunuar degi ætla ég að láta það fyrsta mitt að gera að kaupa tvö sundkort fyrir Kormák og virkja okkur í sundið, hann elskar að fara í sund og fyrir bakið á mér er sundið gott, það er allt svo auðvelt í sundinu, allar hreyfingar.

Í ágúst þann 24 hefði einn elskulegur frændi minn átt afmæli ef að hann væri á lífi, Palli frændi bróðir hans pabba, en hann dó í desember síðastliðnum. Elsku Palli frændi, blessuð sé minning þín.

Nú þann 27 ágúst átti hún Sigurbjörg systir mín afmæli, ég sendi henni reyndar sms í tilefni dagsins en samt.... til hamingju með daginn Sigurbjörg (þó að ég viti að hún les þetta ekki hehe)en hún varð 42 ára.

Þar sem að ég ætla að reyna að fara að virkja mig hérna, þá ætla ég að reyna að skella inn afmæliskveðjum með.

En jæja, held að þetta sé bara nokkuð löng skrif-slumma í dag. Óska ykkur sem lesið þetta góðs mánudags og voni að dagurinn verður ykkur góður. Og þakka ykkur í leiðinni fyrir að hafa gefið ykkur tíma í og nennt að lesa þetta hehehe 

Hafið það gott elskurnar mínar ;o)

Kv. Linda litla ánægða.

Sjö manna fjölskylda bundin og rænd

Athugasemdir

[Sys (IP-tala skráð) 31.8.2009 kl. 14:17]

Vertu nú ekki of viss, lít hér við af og til og eflaust oftar ef oftar væri skrifað - Takk fyrir kveðjurnar, bless í bú, Sys

[Þorgerður (IP-tala skráð) 31.8.2009 kl. 15:41]

sælar.

 eins gott að þetta var ekki þín fjölskylda þarna úti. Já nýja og gamla áhugamálið mitt er nuddið, ég er svo sem ekkert að flagga því neitt strax afþví að ég hef ekki réttindi strax. Það er samt einhver leiði í mér þessa daganna kannski bara veðrið sem er að spila kuldi og vindur og rigning í síðustu viku það er 6 stig í dag . Þið fenguð svo gott sumar á suðurlandinu i sumar og ég er ekki tilbúin að fá veturinn.

[Linda litla, 31.8.2009 kl. 17:00]

Verð að viðurkenna það að ég átti ekki von á því að þú kæmir inn á síðuna mína.

Þorgerður: Mér líst vel á þetta hobby þitt, efast ekkert um að þú sért góður nuddari.

Varðandi veðrið þá hefði ég sko frekar viljað vera fyrir norðan, ég þoli ekki mikinn hita og endalausa sól (er svo skrítin).

En veturinn verður samt voandi ekki harður og snjómikill.

6 gráður er heldur lítið finnst mér, ég mydni skjóta á 12-13 gráður hérna, logn og sól.

[Ásthildur Cesil Þórðardóttir, 1.9.2009 kl. 08:42]

Við eigum að vera þakklát fyrir þá sem eru í kringum okkur og fólk sem okkur þykir vænt um. Kannski er þessi kreppa til þess gerð, að við tengjumst betur saman þegar erfitt er. Kannski er verið að kenna okkur þakklæti, ást og umhyggju. 

Mikið tek ég undir þennan texta hjá þér Linda mín.  Ætli þetta sé ekki kjarninn í öllu.  Það er hræðilegt að heyra um þessa norsku fjölskyldu, og ætlu þau þurfi ekki líka á ást og kærleika sinna nánustu og nærstu að halda.  Knús á þig.

[Aprílrós, 1.9.2009 kl. 20:55]

[Ragnhildur Jónsdóttir, 2.9.2009 kl. 09:24]

Gott að "sjá" hérna til þín Linda mín. Hafðu það gott