Í fangelsi fyrir samkynhneigð.

Þótt Sameinuðu arabísku furstadæmin leggi nú mikla áherslu á alþjóðlega ferðaþjónustu er stjórnskipunum afar íhaldssöm og samkynhneigð og vændi eru ekki liðin. A.T.H. samkynhneigð og vændi ekki liðið......?!?!?!?!? Hvað er sameiginlegt með samkynhneigð og vændi ??

Þoli ekki svona, hvað eru samkynhneigðir öðruvísi en gagnkynhneigðir ?? Eini munurinn er að þeir kjósa eigið kyn, hef aldrei þolað fordóma gagnvart hommum og lebbum, á eiginlega erfitt með að þola fordóma.

En alla vega, fyrsti dagurinn í Bónus búinn og hann gekk bara alveg gríðarlega vel og mér MJÖG vel tekið. Mikið um að fólk talaði um hvað það væri gott að fá íslending í afgreiðsluna og enn skemmtilegra að íslendingurinn skuli vera fullorðinn. Þetta var bara gaman, bíð spennt núna eftir fyrstu vinnuhelginni minni.

Segi þetta gott í bili, eigið þið gott kvöld með ykkar nánustu, það ætla ég að gera. Góða nótt.

Kv. Linda litla íslenska bónus-stelpan.

Ósiðleg framkoma í Dubai

Aðlögunardagurinn stóri.

Það er kominn 1. september. Mér finnst sumarið rétt að byrja og það er kominn 1. september, ég er ekki alveg að átta mig á þessu.

Kormákur og Bergur komu heim úr sveitinni í gær og voru held ég báðir ánægðir með helgina, hitti Berg ekki en mér skilst að honum hafi þótt gaman, sá það á síðunni hjá mömmu hans. Kormákur var a.m.k. ofsalega ánægður með helgina. Hann fór í skólann í morgun á sínum tíma auðvitað og þegar hann kem urheim þá verður enginn heima.

Ég er að fara í aðlögun í Bónus á eftir klukkan 14:00 og verð til lokunar. Ég er búin að tala við Unni þannig að ef að eitthvað kemur upp á hjá honum þá hringir hann bara í ömmu sína. Það verður víst ekkert sem kemur upp á, en gott að hafa einhvern á bak við til öryggis.

Síðasta vika er búin að vera mjög róleg hjá mér, ég er búin að gera ótrúlega mikið af því að sofa. Ég hef ekki einu sinni sett í þvottavél..... ég lýg því, ég er einmitt búin að setja í þvottavél og gleyma því aftur og aftur og er þess vegna búin að þvo þennan þvott ansi oft...... og hann hefur ekki þornað ennþá. Skil ekki þessa endalausu leti í mér.

Hjörleifur litli ömmustrákurinn minn kom í heimsókn í gær auðvitað með pabba sínum og mömmu þegar þau skiluðu Kormáki, og ég er ekki frá því að ég hafi séð tvær tennur en ekki eina. Þvílíki töffarinn sem hann var í snjáðum gallabuxum og gul köflóttri skyrtu skyrtu með uppbrettar ermar og hvítri peysu innanundir. Er bara ekki búin að tæma kubbinn í tölvuna, fáið að sjá myndir seinna.

Jæja, segi þetta gott í bili, þarf að fara að snáfast í einhver föt og koma mér í "vinnuna" æðislegt, mikið hlakka ég til að fara að vinna.

Takk fyrir að lesa, ef að þú gerðir það.

K v. Linda litla bónusstelpa.