Hvers vegna þessi launamunur ???

Byrja á þessu myndbandi sem að Gulla vinkona sendi mér á facebook-ið mitt. Ó mæ god, ég hélt að ég myndi kafna þegar ég horfði á þetta, ég hló svo rosalega mikið.

En að alvarlegri málum.

Hvað er þetta með tekjur íslendinga ?? Hvers vegna er til "láglaunafólk" ?? Í síðustu færslunni minni tók ég saman mínar örorkubætur og mínar skuldir, mér finnast þessar bætur til skammar og ekkert annað. En það kommentaði ein "ókunnug" sem er láglaunakona. Hún er í tveimur vinnum og er með 130.000 á mánuði og er hún einstæð tveggja barna móðir. Þetta finnst mér sorglegt.

Hvers vegna þarf þetta að vera svona ?

Er þetta algengt hérna á Íslandi ??

Eru þetta laun í dag, ef að þú ert ekki með háskólamenntun eða hvað er málið ??

Ég er ekkert menntuð, ég kláraði ekki 9. bekkinn á sínum tíma, ég var ólétt. Ég kaus svo að fara út á leigumarkaðinn og að fara að vinna fyrir mér og mínum í stað þess að fara í skóla. Ég hef reyndar alltaf verið vel metin í vinnu og hef yfirleitt ekki verið á slæmum launum. Ég meina, ég hef skriðið í gegnum öll mín ár með mín börn. Ég hef alltaf verið einstæð og þurft að borga mitt, en ég held að ég hafi haft það betra þegar ég var bara einstæð heldur en ég hef það núna einstæð og öryrki.

Jæja, en stefnan mín á gamals aldri er skóli. Ég byrja hægt, en ég er byrjuð. Og ég þarf virkilega að taka mig á í námi ef að málið er í dag að þú færð ekki vel launaða vinnu nema þú sért menntuð/aður.

Jæja, ég held að ég sé hreinlega að skrifa um allt og ekkert og sitt á hvað og allt þannig og enginn skilur mig og ég er viss um að enginn nenni að lesa þetta hvort eð er, þannig að ég segi ykkur bara líka að ég er HOMMI, bara af því að ég veit að þið eruð ekki að lesa þetta.

Bull og aftur bull...... sennielga svefngalsi.

Góða nótt elskurnar mínar og dreymi ykkur fallega.

Kv. Linda litla bullari

Lýsa áhyggjum yfir bágri fjárhagsstöðu okkar.

En þýðir eitthvað fyrir aðalstjórn Öryrkjabandalagsins að lýsa áhyggjum yfir þessu ?? Verður nokkuð tekið mark á því ??

'Ég verð að segja að ég skil ekki hvers vegna við öryrkjar erum með svona lág laun. Mín örorkulaun á mánuði er 140.000 krónur, ég er með eitt barn á framfæri og þarf að borga eins og aðrir s.s. húsaleigu, rafmagn, hita, síma, sjónvarp, er með 2 skuldabréf og er greiðslubyrgðin af þeim um 25 þús af öðru og tæp 30 þús af hinu á mánuði, mötuneyti í skólanum, mat og bara ýmislegt sem þarf. 140.000 er ekki til að lifa á.

Ég er búin að fá vinnu í bónus í Hraunbæ og þar verð ég að vinna 28 tíma á mánuði...hvað ætli það geri ?? 15.000 í vasa ??

Þessar örorkubætur eru ekki til að lifa af, það er nokkuð ljóst.

Ég hef aldrei minnst á þetta á netinu, en á veturnar þá fer ég yfirleitt mæðrastyrksnefnd á miðvikudögum, þar fær maður smá mat. Ég hef einnig leitað mér eftir hjálp hjá fjölskylduhjálp Íslands. Þetta er eitthvað sem að ég verð að gera, ég og sonur minn höfum ekki annars efni á því að lifa.

Ég er búin að vera mikið fyrir austan í sumar hjá pabba og mömmu, það hefur hjálpað okkur mikið, en núna er bara sumarið búið, skólinn byrjaður og við komin heim. Við erum byrjuð að finna fyrir því hvað er erfitt að lifa.... fór að finna fyrir því þegar við komum heim eftir sumarið.

Vonandi verður hlustað á aðalstjórnina.... þó að mér þyki það hæpið. 140.000 á mánuði einstaklingur með eitt barn. Og ég er bara að tala um mig, guð einn veit hvernig ástandið í þjóðfélaginu er.

Sorry.... hvað ég fékk einvherja útrás hérna.

Hafið það gott, ég ætla að taka sturtu. gúdd bæ í bili.

ÖBÍ: Þungar áhyggjur af fjárhagsstöðu öryrkja

Allt of mikið álag á starfsfólkið.....

Níu börn hafa fæðst á fæðingadeild Landspítalans i dag......... ljósmæður í verkfalli !?!?!??!

Hvernig væri að fara að gera eitthvað fyrir ljósmæður ?? Þeirra starf er mjög mikilvægt og nauðsynlegt fyrir okkur að hafa ljósmæður að störfum.

Tveggja sólarhringa verkfall ljósmæðra hófst á miðnætti í nótt. Ekki draga þetta, semjið við þær !!

Það góða er að það standa allir með ljósmæðrum, enda verða þær að vera staðar fyrir ófrískar konur. Hvað er málið ??

Af hverju að vera að draga að semja ?? Þetta er bara aukið álag á starfsfólk spítalana að draga þetta svona.

Áfram ljósmæður, ég vil að þið fáið ykkar. Hvað sem það kostar.

Við þurfum á ykkur að halda.

Til hvers að draga það að semja ?

Til hvers að leggja slíkt álag á aðra svo hægt sé að draga samninga á langinn.

Við stöndum öll með ykkur ljósmæður....

Við gefumst ekki upp..... keep on going !!!!

Mikið álag á starfsfólki

Beina leið á ólympíuleikana...

Jæja núna er kominn nýr dagur, ég er aðeins skárri í bakinu í dag en í gær. Skelfilegt þegar ég fer svona. Ég verð samt vonandi betri um helgina, þar sem að ég er að fara austur.

En varðandi daginn í gær..... judoið sko. Vá Kormákur byrjaði að tala um það um leið og hann vaknaði í morgun, hann er svoooo glaður. Mér finnst það alveg yndislegt.

Það góða við judoið er að upphitunin er púl fyrir gaurinn minn, hann er nokkuð þéttur og hann er í rauninni að læra að fara í almennilegan kollhnís og gera armbeygjur og hlaupa áfram og aftur á bak, hoppa á einum fæti, þetta er allt erfitt fyrir hann og hann svitnar og svitnar.... en hann elskar þetta og mér finnst það frábært.

Hann er strax búinn að eignast félaga þarna, en hann einmitt með honum á þessari mynd.

Elsku Kormákur minn var búinn að fara í einn prufutíma þegar hann var svo spenntur að hann er ákveðinn í að fara á ólympíuleikana seinna.

Alla vega...... nóg í bili, hafið það gott elskurnar.

Kv. Linda litla judomamma.

Er að farast i bakinu.

Hæ hæ allir.

Þetta er búið að vera erfiður dagur hjá mér í dag. Ég er hreinlega búin að vera alveg frá í bakinu. Ætli ég sé ekki búin að liggja of mikið fyrir undanfarið, alla vega er þetta búið að vera slæmur dagur.

María og Hjörleifur kíktu á okkur en þau voru farin aftur austur um klukkan 8 í kvöld. Við fórum í judofélag Reykjavíkur, Kormákur átti að mæta þar í prufutíma klukkan 16.30. Honum fannst það æðislegt. Ég er ekkert smá fegin, þar með erum við búin að finna íþrótt fyrir hann. Hann verður á æfingum í vetur alla þriðjudaga og fimmtudaga klukkan 17:30.

Læt þetta stutta blogg duga. Er að fara austur á morgun, sé til hvernig ég verð, hvort að ég bloggi áður en ég fer.

Hafið það gott elskurnar.

Kv. Linda litla bakveika.

p.s.

Gleymdi að segja ykkur að ég sótti um fjarnám á netinu í dag. Sótti um ensku og íþróttir. Varð að drífa mig í þetta, umsóknarfresturinn rennur út 7 sept og ég ætlaði sko ekki að vera of sein.

Ok... gúdd næt þið sem eruð að skríða í ból. Ég ætla að liggja hérna upp í sófa eitthvað áfram, er að horfa á einvherja ógeðsmynd á bíórásinni.

bæjó beibs.

Krúttí sexý leikari (HOT).

Hugh Grant að reyna að hössla eina gellu sem er 20 árum yngri, hann ætti nú ekki að vera í neinum vandræðum með að ná sér í kærustu. Hugh Grant er flottur, hann er líka eitthvað svo vandræðalegur alltaf og það gerir hann svo mikið krútt.

Mér finnst hann svo mikill krútt leikari, ég svona  "ohhhhhhhhhh......." þegar ég sé hann. Ó mæ god, hvað ég er eitthvað væmin núna.

I need help...... right NOW.

Með grasið í skónum

Í skottinu í 3 sólarhringa.

Kallgreyjið, ég er ekki hissa á þvi að hann hafi þurft að fara í "þrifabað" eftir dvölina í þrjá sólarhringa í skottinu á bílnum sínum. Ekki öfunda ég hann af þessari dvöl.

Jæja, út í allt annað. Heimilishjálpin kom og lét ég hana ekki gera mikið í fyrsta skiptið, við töluðum ansi mikið. Það kom í ljós að auðvitað þekkjum við sama fólkið. Ég þekki hennar fyrrverandi, það var bara fyndið þegar það kom í ljós. En mér líst vel á hana, held að hún sé dugleg, og hún virkar bara mjög vel á mig. Hlakka bara til að fá hana til mín aftur.

Annars er ég að spá í að leggja mig aftur, skríða undir feld þangað til Kormákur kemur heim úr skólanum.

Góða nótt þangað til ég vakna hehehehehe

kv. Linda litla sybbna.

Lokaður í skottinu á bíl sínum í þrjá sólarhringa

Heppinn að hafa verið lífgaður við.

Það eru daglegar fréttir af Pete Doherty, ég er nýbúin að lesa um þar sem að hann missti af einhverju flugi og svo miður sín að hann fór að gráta. Ég er ánægð með það, hann er greinilega ekki á því að karlmenn gráta ekki. Það er einmitt mannlegt að gráta.

Núna er hann í fréttunum  þar sem sagt er að hann hafi verið lífgaður við eftir að hafa neytt og mikils fíkniefna. Það er alveg sorglegt að sjá hvernig sumir fara illa með sig, það er vonandi að drengurinn fari að leita sér hjálpar við þessum sjúkdóm sínum. Batnandi fólki er best að lifa, það er alveg ljóst.

Jæja, annars byrjaði dagurinn hjá okkur Kormáki klukkan 7, þá fórum við á fætur. Ég smurði rúgbrauð og orkubrauð á fat og svo kom Skjöldur rétt um hálf átta, en hann kemur til okkar á morgnana þegar Sædís (mamma hans) er á morgunvakt í vinnunni sinni. Núna eru þeir búnir að borða og eru að gera sig klára fyrir skóladaginn.

Heimilishjálpin kemur klukkan 9 til mín. Ég er eiginlega að vona að hún sé íslensk, þó að ég telji ekki miklar líkur á því. Hálf kvíður fyrir því ef að hún er Asíubúi og talar lélega íslensku eða ensku. En það kemur allt í ljós eftir klukkutíma.

María og Hjörleifur koma i dag en ég veit ekki hver lengi þau stoppa. Það verður gaman að fá þau mæðginin.

Jæja, ágætt í bili. Gangið varlega inn í nýjan dag, en njótið hans samt, veðrið er fallegt.

Kv . Linda litla lipurtá.

Doherty dó en var lífgaður við

Svefninn sækir á mig endalaust, hvað er til ráða ??

Jæja gott kvöldið félagar. Þetta er búinn að vera frekar mikill letidagur hjá mér, fyrir það fyrsta þá drullaðist ég ekki á fætur fyrr en rúmlega hálf 3. Mikið var samt gott að sofa og vera latur he he he. Eyddi smá tíma í tiltekt, en samt allt of litlum. Án alls gríns, ég er að drepast úr leti og syfju, veit ekki hvað er með mig, ég virðist þurfa að sofa í 12-18 tíma. Þetta er eiginlega óþolandi. Jæja, við Kormákur fórum í hjólreiðatúr seinni partinn og VÁ !!!! ég var að springa, ég hélt hreinlega að ég myndi ganga frá mér endanlega. Ég var svoooo móð og svitinn vá, hann spratt á mér á ofsahraða. Guð minn eini hvað ég var fegin þegar við komum heim aftur og þá var ég búinn að ganga alveg fram að fótunum í hjólreiðatúrnum, ég hélt að ég kæmist ekki heim...... ég var næstum farin að gráta þegar ég kom í stigann og hugsaði "kommon, af hverju bý ég uppi á 3 hæð, af hverju er ég ekki á jarðhæð".

Annars er dagurinn bara búinn að vera fínn, þetta litla sem ég hef verið vakandi. Kormákur var duglegur að læra eftir kvöldmat, svo horfði hann smástund á imbann og fór svo inn að sofa.... Nákvæmlega HANN fór inn að sofa. Þetta hefur ekki skeð í ár og aldir, hann vill alltaf að ég komi með sér inn og við lesum saman´, hann er eitthvað smeykur við nóttina. Nema núna fór hann inn þegjandi og hljóðalaust og ég heyrði bara allt í einu að hann var inni í herbergi að lesa, hann var örugglega að lesa fyrir kettina, því að aldrei þess vant þá fóru þeir inn með honum.

María og Hjörleifur koma á morgun, býst við því að þau komi fyrir hádegið. Veit ekki alveg hve lengi þau ætla að stoppa, en það kemur bara í ljós.

Jæja, segjum þetta gott í bili. Hafið það gott elsku vinir og takk fyrir lesninguna ef að þið nenntuð að lesa þetta. Góða nótt og farið varlega inn í nóttina.

Kv. Linda litla svefnpurrka.

Ég var klukkuð.

Fjögur störf sem ég hef unnið um Ævina

0 Kjötvinnsla SS
0 Reykjagarður
0 Vörufell

0 Skagfirðingabúð

Fjórar Bíómyndir sem ég held upp á

0 Pretty woman
0 Top secret
0 Borat
0 Robin hood, man in tights

Fjórir staðir sem ég hef búið á

0 Hvolsvöllur
0 Hella
0 Sauðárkrókur
0 Reykjavík

Fjórir sjónvarpsþættir sem mér líkar

0 America´s funniest home videos
0 Pet rescue
0 Planet´s Funniest animals
0 Sexual healing

Fjórir staðir sem ég hef heimsótt í fríium

0 Spánn
0 Kúba
0 England
0 U.S.A.

Fjórar síður sem ég skoða daglega fyrir utan blogg

0 mbl.is
0 facebook.com
0 barnaland.is
0 myspace.com

Fernt sem ég held upp á matarkyns

0 Kjúklingur
0 Kjúklingur
0 Fiskur
0 Fiskur

Fjórar bækur sem ég hef lesið oft

0 Secret
0 Símaskráin
0 Varstu að freta Fróði
0 Kökubók Hagkaups he he he

Fjórir bloggara sem ég klukka

0 Bifrastarblondínan (Vigga)
0 Lilja Loga
0 Beggita (Begga)

O Hross (Ragga)