Bíbí, línuskautar og 33 dagar til jóla.

Ég horfði á viðtalið við Bíbí Ólafsdóttur með öðru auganu í Kastljósi í gærkvöldi. Mér finnst þetta rosalega merkileg kona og mig langar virkilega mikið í bókina um hana. Hér með óska ég eftir henni í jólagjöf.

En hvað haldið þið..... ?!??!?!?? Ég geri bara ekkert annað nú orðið en að hugsa um þessa Kúbuferð okkar, það verður örugglega geggjað veður sem við fáum eða ég kalla það geggjað það sem er betra en hér á Fróni þessa dagana.  Var einmitt að spá í að skella mér í að fá mér svona bikiní, efast ekkert um annað en það yrði tekið eftir mér. Eins og þið vitið, þið sem þekkið mig, þá er ég alveg einstaklega athyglissjúk. Er samt ekki alveg viss um að ég myndi vilja vita hverngi buxurnar við þetta eru

Núna eru bara 33 dagar til jóla og ég er ekki einu sinni farin að huga að jólunum, ég ætti kannski að fara að kanna hvað börnunum mínum langaði í jólagjöf. Efast reyndar ekkert um að Kormákur vill pottþétt einhvern play station tölvuleik, transformers eða star wars lego það er það eina sem kemst að hjá honum. Gaf honum reyndar línuskauta í dag, en hann hefur aldrei farið á svoleiðis og nú er hann ákvðinn í því að fara á þeim í skólann á morgun.

Nóg þvæla frá mér í bili, þangað til næst kv. Linda litla.

Er allt landið farið að skjálfa ??

Ekki líst mér á blikuna........ það eru komnir skjálftar á Vatnajökli líka. Ég ætla bara að vona að það fari ekki að skjálfa hérna í Reykjavík, mér er svo illa við þetta. Ég hringdi í Maríu mína í morgun, en hún býr einmitt í Súluholti við Selfoss en hún var ekki vör við neitt. En henni er líka drullu illa við þetta eins og mér eðlilega.

Tveir jarðskjálftar mældust á Vatnajökli

Pamela Anderson

Ef að Pamela vill ekki demanta, þá hlýtur hennar heittelskaði að geta gefið henni demantslausann hring....eða hvað ? Ég segi það nú að ef að Rick Salomons eða bara einhver annar myndi gefa mér demantshring væri ég ekki lengi að segja já takk

Pamela Anderson vill enga demanta

Enn hristist jörðin.

Selfissingar, Hvergerðingar og nágrannar. Ég vil votta ykkur mína hinnstu samúð fyrir að búa þarna. Ég gæti ekki verið þarna, hef fengiðminn jarðskjálftaskammt fyrir mína ævi. En María dóttir mín er þarna hjá Selfossi, ætli ég verði ekki að hringja í hana og tékka á því hvort að hún hafi sofið eitthvað í nótt, ég vona alla vega að barnið hafi ekki hrists úr henni ú látunum.

Jarðskjálftahrinan stendur enn

34 dagar til jóla.

Pælið í því, það eru bara 34 dagar til jóla og það er 14 dagar þangað til við förum til Kúbu að deita Kastró. Ég verð nú víst að viðurkenna það að það er kominn slatti af útlandaspennu í mig, eftir hálfan mánuð á ég eftir að liggja á ströndinni með ískalt vatn mér við hlið til þess að kæla mig niður.  Ákvað að henda inn nokkrum myndum af hotelinu og nágrenni á Kúbu þar sem við verðum, aðallega bara til að pirra þá sem langar að fara með he he he.

Annars er ég bara búin að eiga góðan dag. Angela og Vilborg voru hjá Kormáki í dag, ég bakaði handa þeim pönnukökur og vakti það mikla lukku hjá þeim. Vilborg var svo hérna fram yfir kvöldmat og borðaði því með okkur "a la rónabrauð" að hætti húsmóðurinnar Lindu litlu.

Iða Brá hringdi í mig í kvöld og tilkynnti mér það að hún væri loksins á leiðinni til Reykjavíkur það væri svo langt síðan við hefðum hist og ætlar hún því að skella sér í borgina um helgina..... en sorry Iða Brá, eins og ég sagði þá verðum við á Bifröst alla helgina og verðum örugglega að baka fyrir jólin, hlusta á jólalög og skemmta okkur með Viggu og Florin og auðvitað Moti.

Ég ætla að láta fylgja hérna einn góðann um íslensku í dag hjá unga fólkinu. Ég hló mikið þegar ég sá þetta...... er samt ekki alveg viss um það sé svona, þetta er held aðeins og ýkt. En allavega skemmtið ykkur yfir þessu. Takk fyrir lesninguna og eigið góða nótt. Kv. Linda litla þið verðið örugglega að ýta á myndina til að stækka hana.

Suðurlandsskjálftinn 2000

Mér líður ekki vel þegar ég sé fréttir um jarðskjálfta, hugurinn fer alltaf heim á Hellu á 17 júní árinu 2000 þegar að Kormákur var skírður. Er það mjög eftirminnilegt þegar að öll veislan fór í gólfið og gestir ruku út úr húsi emð svo miklum látum að það urðu börn undir í látunum. Ég man að ég og Garðar bróðir drógum út tvo sem að frusu við borðið af skelfingu. Ég vona svo sannarlega að ekki séu stórir skjálftar á ferð, að þetta séu bara nokkrir litlir.

Fjölda smáskjálfta vart á Selfossi

Reykingamaður = Reykdólgur

Ég verð nú að segja að ég rauk upp þegar ég sá þessa frétt þar sem talað er um umræddan "REYKDÓLG". Þetta flokka ég nú bara undir fordóma, erum við reykingafólkið orðin reykdólgar..... ég er hneyksluð á þessari frétt.

Kveikti sér í sígarettu við flugtak

Hvað er að verða með þennan heim ?

Það verður kræfara og kræfara. Áður var fólk stungið eða skotið og var það tengt fíkniefnum, kynþáttahatur, einhverjar óeirðir, stríð o.þ.h. Núna eru börnin farin að stinga hvort annað vegna ósættis við sjónvarpsefnið..... þessi heimur harðnandi fer það er nokkuð ljóst. Hélt reyndar að það væru mörg sjónvörp á heimilum í dag svo að allir geti horft á sitt í næði.

Stakk bróður sinn er þeir rifust um hvað ætti að horfa á í sjónvarpinu

Fer til Kúbu eftir hálfan mánuð og kem líklega ekki heim aftur.

Það gat skeð að eitthvað svona myndi birtast svona rétt fyrir Kúbuferðina, væri það ekki alveg eftir því að stoppa flugið þegar við erum á Kúbu og við kæmumst ekki heim aftur ? he he he Annars er það líka alveg ótrúlegt hvað fólki á Kúbu er refsað fyrir það að Kastró skuli vera við völd þar.

Finna að Kúbu-flugi íslenskra flugfélaga

Hvað er að ??

Hvernig væri bara að trufla ruv og leyfa okkur að ráða hvort að við viljum borga af þessu eða ekki. Það er ekki horft á´Ríkissjónvarpið á mínu heimili og ég er langt frá því að vera sátt við þessar endalausu hækkanir, það er rétt ár síðan gjaldið var hækkað síðast.

Afnotagjald RÚV hækkar um 4% 1. desember