Vá.... yndislegur dagur.

Ég var búin að ákveða það að fyrst að ég væri slæm í bakinu, þá ætlaði ég bara að fara vel með mig í dag. Ég kom mér fyrir í sófanum, skellti mynd í dvd....... og dottaði, nákvæmlega svona átti dagurinn að vera. Vigga hafði farið til Denna bróður síns þar sem að systkynin ætluðu að hittast og fá sér síðbúin morgunmat. Nei..... dagurinn varð ekki þannig. Hann varð öfugt við planið mitt og fyrir vikið varð hann gestamargur og frábær. Bína og Selma mættu á svæðið með nýbakaða eplaköku og skúffuköku, svo kom Vigga heim. Skömmu síðar birtist Brynja með vínarbrauð.... ekki leið á löngu þar til Arna og Doddi komu og svo Sigurjón..... hér var fullt hús af fólki og dýrum, mikið kjaftað og mikið gaman.

Brynja fékk loksins afmælisgjöfina sína og svo betur fer þá var hún ánægð með hana.

Þessi hundur (Kátur) ég verð að eignast ein svona, hann er svo yndislegur og krúttlegur. Jæja, um 7 leytið þá voru allir farnir og Kormákur kominn heim úr afmæli, þá tók hversdagsleikinn við. Ég eldaði kjötbollur í brúnni, Kormákur lærði og var mjög duglegur við það. Nú Gulla hringdi og Iða Brá, svo fórum við Kormákur í play station 2 og auðvitað malaði drengurinn mig, enda get ég varla sagt að ég hafi farið í þessa tölvu áður hehehe (heppin að hafa afsökun fyrir því að ég tapi).

Þá er þessi yndislegi dagur liðinn ég bara við þakka ykkur innilega fyrir hann elsku vinir mínir sem gerðu hann svona góðann. Morgundagurinn er planaður hjá mér.... þarf að þvo þvott, skipta á rúmunum, ryksuga og alveg örugglega eitthvað meira sem að þarf að gera hér. Takk fyrir að nenna að lesa þetta. Eigið þið góða og draumfagra nótt elsku vinir og ekki gleyma að fara með bænirnar ykkar, þær borga sig.

 

2:1 fyrir manchester ;o)

Nema hvað ?? Manchester eru náttla bestir !!!

Hargreaves tryggði United sigur með glæsimarki

Sitt lítið af hverju.

Það er margt hræðilegt búið að ske undanfarna daga, öll þessi slys eru alveg hræðileg. Maðurinn á mótorhjólinu, liggur þungt haldin á spítala. Það er ekki bara bílslys, það var skelfilegt að lesa um brunann á Blöduósi í morgun þar sem að maður lét lífið í brunanum. Mér líkar ekki hvað margir eru að slasa sig og deyja þessa dagana. Biðjum fyrir þessu fólki sem liggur slasað á spítölum, og fyrst að við byrjum að biðja á annað borð, þá er alveg til valið að biðja fyrir þeim sem minna mega sín og þá heimilislausu.

Ég er annars búin að eiga þægilega, lata og rólega helgi núna. Vaknaði alveg frá í bakinu, ætlaði að vera svo dugleg í dag, en það verður að bíða betri tíma.

Þarna er Bína nýkomin úr make up, hún var alveg ofsalega ánægð með útkomuna.

Kormákur fór líka, og hann var sko miklu ánægðari og dansaði af gleði.

Takk í bili, eigið góðan dag.

Bílvelta við Laugarveg.

Bílslysin halda áfam, en sem betur fer urðu engin slys á fólki. Sem betur fer heyrir maður nú ekki um mikið um bílveltur innanbæjar.

Farið þið varlega íumferðinni, það er hálka.

Bílvelta á gatnamótum Laugavegar og Mjölnisholts

Ég fékk ráðningu við draumnum!!

Blæðingar og fósturlát í draumi

Þessi draumur barst frá:  Linda litla, lau. 12. apr. 2008

Ég setti þetta inn á bloggið mitt, til að reyna að fá svör. Þar var mér bent á þína síðu. Getur þú ráðið þennan draum fyrir mig ?

DRAUMURINN : Ég var á svo ofsalega miklum blæðingum, ég sest á klósettið og horfi niður í það á meðan ég pissa og það kemur alls konar eitthvað niður úr mér eins og litlar garnir, ég verð hrædd í draumnum en held samt áfram að horfa niður. Þá kemur fóstur, mjög lítið það hefði passað í lófa minn. Það er engir útlimir á fóstrinu, þetta er eins og búkur og höfuð en alveg greinilega fóstur.... þetta fer allt niður í klósettið. Svo vakna ég. Merkir þetta eitthvað ? Mér finnst þetta hálf óhugnarlegt og er alveg viss um þetta þýði eitthvað. Endilega þið sem hafið gaman að því að grugga í draumum, segið mér eitthvað um þetta. Mig dreymir aldrei.

Draumráðning:

Sæl Linda litla og takk fyrir að senda mér drauminn þinn. Ég tel ekki ástæðu fyrir þig að óttast þennan draum þó hann hafi örugglega verið óhuggulegur. Draumtáknin hér eru mjög samfallandi og líklegast er að draumurinn sé ábending til þín um að þú ættir að fara vel með þig, þ.e. huga vel að eigin heilsu. Draumurinn getur þó einnig verið fyrirboði einhverra erfiðleika og þá sérstaklega á þann hátt að einhver von sem þú hefur borið í brjósti bresti. Fóstur er gjarnan fyrirboði einhvers nýs, meðan fósturlát er fyrirboði þess að eitthvað gangi ekki eftir eða viðkomandi eigi að gæta að eigin heilsu. Garnirnar sem þú nefnir. Hafi þetta verið innyfli þín þá er það á sama veg, því það getur verið táknrænt fyrir ósætti einhverskonar og jafnvel missi. Klósettið getur einnig verið táknrænt í þessu til að undirstrika að ósættið sé tengt einhverjum sem þú vinnur fyrir.

Vona að þetta komi þér eitthvað á sporið með drauminn þinn.

Bestu kveðjur :)

Hún er 59 ára og hann er 36 ára.

Rossano Rubicondi er flottur maður...... hvað sér hann við Ivönu ? Hann getur sko gert mikið betur en þetta.

Á þessari mynd gæti hún verið mamma hans.

Ivana Trump á leið í hnapphelduna í kvöld

Þetta ótrúlegt, mig langar í svona.

Guði sé lof þá er ég nú ekki nærrum eins og þessi aumingja kona.

En ég þekki nokkra sem hafa farið í þessa aðgerð og það hefur gengið misjafnlega vel, samt mjög vel hjá flestum. Ég vil fara í hjáveituaðgerð. OG HANA NÚ !!!

Sultarhormón er jafnávanabindandi og heróín

Hann er óskin mín, mig langar í hann.

Ég vaknaði fyrir 9 í morgun og fór á fætur, bloggaði drauminn, fékk mér kaffi með Viggu vinkonu www.bifrastarblondinan.blog.is sem eyðir helginni hérna í Reykjavík, en hún er að vinna í dag hjá frænku sinni í nokkra tíma, en fer ekki fyrr en  á morgun aftur upp að Bifröst. Við sátum einmitt fram eftir að kjafta, reyndar komu í gærkvöldi líka til okkar gestir af efri hæðinni, en það var farið seint að sofa.

Vigga fór upp úr klukkan 11 að vinna, Kormákur hringdi í ömmu sína og bað hana að sækja sig og leyfa sér að horfa á video hjá sér þar sem að við erum ekki með video. Jæja, ég var sem sagt ein heima (og auðvitað strákarnir mínir), letin gjörsamlega heltók mig, ég lagðist upp í sófa kveikti á sjónvarpinu, þar var Rachel Ray að elda eitthvað gúmmelaði og ég auðvitað steinsofnaði yfir henni, enda hundleiðinlegt sjónvarpsefni.

Ég átti skemmtilegan og gestamargan gærdag,þar á meðal kom Arna mín www.arnastjarna.blog.is í heimsókn til mín....... það koma bara til mín bloggarar !!! Ég lifi greinilega í tölvuveröld. Nema Arna er nýbúin að fá sér hund..... og þvílíka krúttið, vá hann er alveg yndislegur, þetta er nákvæmlega hundurinn sem að mig langar í, hún er þvílíka knúsírúsíkelírelíkrúttið..... Ég er ekkert ða ýkja neitt, hann er draumahundurinn minn.

Er maður ekki sætastur ?? Doddi kom svo að sækja krúttintil mín um hálf fjögur.

Vigga kom hingað rétt áður en að þau fóru, og náði aðeins að hitta Örnu sina. Við verðum einmitt að fara að reyna að hittast eitthvað vinkonurnar og kíkja á kaffihús eða eitthvað skemmtilegt þar sem að maður gerir aldrei neitt. En það var góður gærdagurinn. Verð bara aðeins að minnast á Kát litla hundinn aftur, hann er svooooo yndislegur, Kormákur sagði einmitt við mig, "mamma, mig langar ekki lengur í páfagauk, mig langar í hund".

Segjum þetta bara nóg núna og gerum okkur góðan dag og skríðum upp í sófa og sofum aðeins meira

Hvað merkir þetta ? Af hverju er mig að dreyma ?

Þegar ég vaknaði í morgun, þá lá ég bara kyrr og hugsaði um drauminn sem mig dreymdi. Já, mig dreymdi....... mig dreymir aldrei, þannig að ég er viss um að þessi draumur merkir eitthvað. DRAUMURINN :

Ég var á svo ofsalega miklum blæðingum, ég sest á klósettið og horfi niður í það á meðan ég pissa og það kemur alls konar eitthvað niður úr mér eins og litlar garnir, ég verð hrædd í draumnum en held samt áfram að horfa niður. Þá kemur fóstur, mjög lítið það hefði passað í lófa minn. Það er engir útlimir á fóstrinu, þetta er eins og búkur og höfuð en alveg greinilega fóstur.... þetta fer allt niður í klósettið. Svo vakna ég.

Merkir þetta eitthvað ? Mér finnst þetta hálf óhugnarlegt og er alveg viss um þetta þýði eitthvað. Endilega þið sem hafið gaman að því að grugga í draumum, segið mér eitthvað um þetta. Mig dreymir aldrei.

Kv. Linda litla draumhrædda.

Heldur sig meiri en aðra.

Nema hvað ?? Auðvitað þarf hún að framfylgja reglum eins og aðrir þó að hún sé "fræg".

Meinað að fara um borð í flugvél