Fundinn sekur.

Íslendingur fundinn sekur í Færeyjum. Skelfilega er mikið um fíkniefnabrot. Ég er amk fegin að vera laus úr þessu rugli þegar ég sé svona fréttir.

Fundinn sekur í Færeyjum

Engin málaferli í gangi.

Ég skrifaði um það um daginn, að hér hafi verið rifið niður handriðin af blokkinni hjá mér og við lokuð inni, sem sagt hurðin fest aftur utan frá. Frétti svo síðar að það væru málaferli í gangi varðandi viðgerðir og breytingum á blokkinni, en svo er ekki. Ég fór að spyrjast fyrir hjá félagsbústöðum varðandi það að læsa okkur inni og gera svo ekki meira varðandi breytingar. Ég fékk þau svör að engin málaferli væru í gangi, en þau hefðu verið fyrir löngu síðan, núna á að taka blokkina í gegn. Leyfi hefur fengist og þess vegna hafi verið byrjað að vinna hérna. Nú ég spurði þá hvort að mennirnar ætluðu ekki að fara að vinna þá eitthvað í blokkinni svo að við íbúarnir gætum þá kannski farið að opna svalardyrnar, þar sem að td hann patti minn gerir ekkert annað en að væla fyrir utan dyrnar og vill komast út í ferskt loft. Ok, hann hafði ekki hugmynd um það maðurinn. Fyrirtækið sem tók að sér verkið hefur þetta eftir sínum hentugleika, þeir þurfa bara að skila verkinu fyrir einhvern x tíma. Jæja, á fimmtudaginn í síðustu viku, þá var komið með vinnuskúr........

Ég og Bína á efri hæðinni, við dönsuðum húllahæ og chachacha í tilefni þess að núna færi að styttast í yfirbyggðu svalirnar okkar. Við settumst niður við eldhúsborðið, þömbuðum kaffi og plönuðum hvað ætti nú að fara út á svalir þegar að þær verða tilbúnar. Við plönuðum það svoooo mikið að það var hreinlega ekkert orðið eftir í íbúðunum okkar, heldur allt hreinlega komið út á svalir. Jæja, dagarnir liðu og alltaf biðum við Bína og plönuðum meira en ekkert skeði, vinnuskúrinn var staðsettur alltaf fyrir utan einmanna og ónotaður. Þangað til á þriðjudaginn...... þá byrjaði fjörið og eitthvað fór að gerast.

Þeir eru byrjaðir þessar elskur..... en auðvitað urðum við vinkonurnar svekktar yfir því að þeir byrjuðu a endanum.... þar sem að við bíðum alltaf eftir yfirbyggðu svölunum okkar.

En þetta er amk komið af stað. Núna ætlum við bara að fylgjast með þessu rólegar og kannski skreppa á eitthvað bæjarflakk til að kaupa okkur eitthvað til skreyta svalirnar með þegar þær eru tilbúnar  Ég held áfram að leyfa ykkur að fylgjast með, þeas ef að þessi færsla var ekki alveg að drepa ykkur úr leiðindum.

Núna ætla ég að henda mér í sturtu og hrein föt. Ég á nefnilega von á skemmtilegum gestum í dag sem að ég hef ekki séð í margar vikur.

 

 

Reykinn lagði út a götu.

Og ekki var það vindlareykur, það er nokkuð ljóst.

 

Húsleit gerð á Suðurnesjum

Þetta er hræðilegt.

Það er alveg ótrúlegt að barnið skuli hafa sloppið heilt á húfi, þetta var hræðilegt slys.

Smábarn lenti undir lest og lifði af

Til sölu....

Þetta er búið að vera hinn besti dagur hjá mér í dag, María, Rúnar og Hjörleifur fóru rétt fyrir hádegið. Ég henti inn auglýsingu á www.barnaland.is þar sem að ég er að reyna að selja videospólur, aðallega barnamyndir. Ég er búin að selja 5 stykki, en það er nóg eftir af þeim ennþá. Ég tók smá svona spólu kast í fyrra og seldi videoið og rúmlega 50 barnamyndir. Það er ótrúlegt hvað það var mikið til af þessu. En ég sé engan tilgang í að vera að geyma þetta þar sem að það er ekki lengur til video á heimilinu.

Unnur kom í heimsókn alveg að drepast úr koffínskorti, þannig að auðvitað henti ég á könnuna handa okkur. Ég var fegin þar sem að ég helli ekki á kaffi fyrir mig eina og var orðin svolítið kaffi þyrst.

Það er komið fimmtudagskvöld, yndislegt. Við ætluðum að fara í bústað um helgina en ég hætti við það, er hálf blönk núna. En það er allt í lagi, við gerum bara eitthvað annað skemmtilegt í staðinn við mæðginin. Kormákur er að breytast í þorsk... eða Ýsu.... sel ??? amk eitthvað sem er alltaf í vatni, hann er alltaf í sundi þessa dagana, mér finnst það frábært, það er merki um að sumarið sé að koma og grundirnar gróa.

Ekki mjög fallegir skór.....

Hvað er Steinn Ármann með í nefinu ???

Litla fjölskyldan.

Sitt lítið af hverju.

Þetta er búið að vera fínn dagur í dag, ég lá reyndar í rúminu fram eftir degi af því að mér var svo kalt, er ekki alveg að skilja það, það sem að ég er soddan hitapúki sem er alltaf með opna glugga og er allan daginn á hlýrabol. Nema ég var komin með 3 sængur á mig á tímabili, sofnaði reyndar með þær sem þýddi það að ég vaknaði alveg kófsveitt og sjóðandi heitt. Nú Hjörleifur Máni ömmustrákur kom í kvöld með foreldra sína, hann er auðivtað alltaf jafn yndislegur þetta krútt, en það eru einvherjar magapílur að hrjá hann og hann er svolítið pirraður seinni partinn, og var ekki alveg á því að skemmta sér með ömmu sinni.

En hann var nú aðeins hressari þegar líða fór á kvöldið.

Tumi var nú alveg að standa sig í barnapíustarfinu sínu.

Bína og Selma komu niður í heimsókn og leist þeim alveg ofsalega vel á Hjörleif (hvernig er líka annað hægt) Eins og svo oft áður, þá kom Bína með nesti með sér. Hún kom með fullan poka af smákökum, ég er búin að sjá það út að það er henni að kenna að ég er svona feit, hún er alltaf koma með eitthvað gúmmelaði með sér.

Selma stoppaði aftur á móti stutt, hún var eitthvað slöpp og þegar Kormákur heyrði það þá varð hann alveg æstur í að fá að mæla hana. NEI... auðvitað var hann ekki með rassamæli..... hvernig dettur ykkur það í hug ?? Hann var auðvitað með ennismæli og Selma greyjið var með 38 gráður.

Annars er ég búin að vera að passa í kvöld turtildúfurnar Rúnar og María ákváðu að skella sér í bíó og fæ ég því að rifja aðeins upp mömmuhlutverkið á meðan, og það er bara yndislegt, alveg eins og í gamla daga.... það fer ekkert fyrir barninu, það bara steinsefur.

Patti minn gerðist svo frekur og lagði sig í smátíma í barnavagninn, þeir sækja mikið þangað strákarnir mínir.

Það er sko gott að kúra í fanginu á pabba sínum, þarna líður mér vel. Enda fór ég að sofa fljótlega eftir þessa mynd.

Sumir voru orðnir þreyttir eftir góðan dag. Kormákur steinsofnaði í sófanum á meðan við Bína blöðruðum út í eitt. Ætli hann hafi ekki bara verið orðinn þreyttur á blaðrinu í okkur kjéllingunum.

Takk fyrir að nenna að lesa þetta. Eigið góða nótt elskurnar mínar.

Kv. Linda litla.

15 milljón íspinnar.

Það hefur þurft að borða ansi marga íspinna til að getað byggt þetta víkingaskip.

Víkingaskip úr íspinnum

Strákarnir mínir.

Smá sería af strákunum mínum.

Vetur og slys.....

Alltaf þegar ég held að vorið sé komið þá byrjar að snjóa aftur. Umferðarslys á Reykjanesbraut 5-6 manns slasaðir en sem betur fer enginn alvarlega. Umferðarslys á Kjalarnesi, þar sem að rúta og vörubíll lentu saman, engin slasaður, sem betur fer.

Í guðanna bænum passið ykkur í umferðinni.

Hálka á Hellisheiði